San Juan 12:17 - Li Santil hu

¹⁷ Eb li tenamit li cuanqueb rochben li Jesús nak quixcuaclesi cuiꞌchic chi yoꞌyo laj Lázaro yo̱queb chixyebal resilal yalak bar.

Q'eqchi Bible

¹⁷ Li tenamit li wankeb' chaq rochb'een li Jesus naq kixb'oq laj Lázaro sa' li muqleb'aal ut kixwaklesi chi yo'yo sa' xyanqeb' li kamenaq, yookeb' chi xch'olob'ankil li ke'ril.

San Juan 12:17 ပူးပေါင်းရင်းမြစ်များ

Apocalipsis 1:2

Ut aꞌan quixye resil chixjunil li quicꞌutbesi̱c chiru. Aꞌan aꞌin li quixye li Dios joꞌ quicꞌutbesi̱c chiru laj Juan xban li Jesucristo.

Hechos 5:32

La̱o xkil aꞌan riqꞌuin ku. Joꞌcan nak nakachꞌolob xya̱lal aꞌin ut li Santil Musikꞌej li naxqꞌue li Dios reheb li nequeꞌpa̱ban, aꞌan ajcuiꞌ nacꞌutuc re lix ya̱lal aꞌin, chanqueb.

Hechos 1:22

chalen nak quicubsi̱c chak xhaꞌ li Jesús xban laj Juan ut toj chalen nak quicꞌameꞌ saꞌ choxa chiku. Jun reheb li cui̱nk aꞌan naru takaxakab chokꞌ re̱kaj laj Judas re nak tixchꞌolob ajcuiꞌ xya̱lal nak quicuacli cuiꞌchic chi yoꞌyo li Jesús saꞌ xya̱nkeb li camenak, chan laj Pedro.

San Juan 19:35

La̱in quin-iloc re chi tzꞌakal li cꞌaꞌru quicꞌulman ut li cꞌaꞌru yo̱quin xyebal e̱re tzꞌakal ya̱l. Yo̱quin chixyebal e̱re aꞌin re nak te̱pa̱b nak tzꞌakal ya̱l nak quicꞌulman chi joꞌcan.

San Juan 12:9

Nabaleb laj judío queꞌrabi resil nak li Jesús cuan aran Betania ut queꞌcuulac aran. Ma̱cuaꞌ caꞌaj cuiꞌ li Jesús queꞌcuulac chirilbal. Queꞌcuulac aj ban cuiꞌ chirilbal laj Lázaro li quicuaclesi̱c cuiꞌchic chi yoꞌyo xban li Jesús.

San Juan 21:24

Ut li tzolom aꞌan, aꞌan la̱in laj Juan. La̱in quin-iloc re li cꞌaꞌru quicꞌulman ut xinchꞌolob xya̱lal saꞌ li hu aꞌin. Ut la̱o nakanau nak tzꞌakal ya̱l li cꞌaꞌru xintzꞌi̱ba saꞌ li hu aꞌin.

San Juan 11:42

La̱in ninnau nak junelic niquina̱cuabi. Abanan ninye a̱cue aꞌin re nak eb li cuanqueb arin teꞌril li cꞌaꞌru tinba̱nu ut teꞌxpa̱b nak la̱at xattaklan chak cue, chan li Jesús nak quitijoc.

San Juan 11:31

Nabaleb laj judío li cuanqueb saꞌ li rochoch yo̱queb chixcꞌojobanquil xchꞌo̱l lix María. Queꞌril nak co̱ saꞌ junpa̱t. Queꞌxta̱ke xban nak eb aꞌan queꞌxcꞌoxla nak lix María co̱ chi ya̱bac saꞌ li mukleba̱l.

San Juan 1:34

Ut la̱in quicuil nak quicube chak li Santil Musikꞌej saꞌ xbe̱n li Jesús. Joꞌcan nak ninnau chi tzꞌakal nak aꞌan tzꞌakal Ralal li Dios, chan laj Juan.

San Juan 1:32

Laj Juan quixchꞌolob xya̱lal li cꞌaꞌru quiril. Quixye: —Quicuil nak li Santil Musikꞌej quicube chak saꞌ choxa. Chanchan jun li paloma nak quicube ut quihilan saꞌ xbe̱n li Jesús.

San Juan 1:19

Eb laj judío li cuanqueb Jerusalén queꞌxtaklaheb laj tij ut eb laj levita chixpatzꞌbal re laj Juan, ut queꞌxye re: —¿Anihat la̱at? ¿Ma la̱at li Cristo li taklanbil chak xban li Dios? chanqueb re.