San Juan 12:15 - Li Santil hu

¹⁵ Mexxucuac la̱ex li cuanquex Sión xban nak yo̱ chak chi cha̱lc le̱ rey. Chirix jun ral bu̱r yo̱ chak chi cha̱lc. (Zac. 9:9)

Q'eqchi Bible

¹⁵ “Matxiwak, at xrab'in Sión. Il, we' chaq laaRey k'ojk'o chaq chirix ral jun li b'uur”.

San Juan 12:15 ပူးပေါင်းရင်းမြစ်များ

Zacarías 9:9

Chisahokꞌ taxak saꞌ le̱ chꞌo̱l la̱ex li cuanquex saꞌ li tenamit Sión. Chexbicha̱nk xban xsahil le̱ chꞌo̱l, la̱ex li cuanquex Jerusalén xban nak yo̱ chak chi cha̱lc le̱ rey. Aꞌan ti̱c xchꞌo̱l ut tu̱lan. Aꞌan laj Colonel. Cꞌojcꞌo chak chirix jun chꞌina bu̱r. Chirix jun chꞌina ral bu̱r yo̱ chak chi cha̱lc.

Isaías 62:11

Li Ka̱cuaꞌ quixye reheb chixjunileb li cuanqueb saꞌ ruchichꞌochꞌ: —Yehomak reheb li cuanqueb Sión nak li Ka̱cuaꞌ ta̱cha̱lk chixcolbaleb. Ut tixcꞌam chak lix kꞌajca̱munquileb li ac xcoleb.

2 Samuel 16:2

Li rey David quixye re: —¿Cꞌaꞌut nak yo̱cat chixcꞌambal chak chixjunil aꞌin? chan. Laj Siba quixye re: —At rey, la̱at ut eb la̱ cualal a̱cꞌajol teꞌxic chirix li bu̱r. Chixjunileb li cui̱nk teꞌxcuaꞌ li tzacae̱mk. Ut li vino, aꞌan re teꞌrucꞌ li teꞌlubk saꞌ li chaki chꞌochꞌ, chan.

Miqueas 4:8

Ut li cuanqueb aran Jerusalén bar cuan cuiꞌ li tzu̱l Sión aꞌanakeb chic li tenamit li kꞌaxal nim xcuanquil chi takla̱nc saꞌ xya̱nkeb chixjunileb joꞌ nak queꞌcuan junxil. Aran ta̱cua̱nk li Ka̱cuaꞌ chixqꞌuebal xcacuil xchꞌo̱leb li ralal xcꞌajol joꞌ nak laj ilol xul nacuan saꞌ li cab najt xteram chirilbaleb lix queto̱mk.

Isaías 41:14

Mexxucuac, la̱ex li ralal xcꞌajolex laj Jacob. Mexxucuac la̱ex aj Israel usta ma̱cꞌaꞌ e̱cuanquil ut usta incꞌaꞌ qꞌuihex. La̱in tintenkꞌa̱nk e̱re, chan li Ka̱cuaꞌ. La̱in aj Colol e̱re. La̱in le̱ santil Dios la̱ex aj Israel.

1 Reyes 1:33

Ut li rey David quixye reheb: —Cꞌamomakeb che̱rix eb li nequeꞌcꞌanjelac chicuu. Ut qꞌuehomak laj Salomón chirix lin mu̱l. Texxic toj saꞌ li naꞌajej cuan cuiꞌ li yuꞌam haꞌ Gihón.

Jueces 12:14

Laj Abdón quicuan caꞌcꞌa̱l (40) li ralal ut laje̱b xcaꞌcꞌa̱l (30) li ri. Eb li ralal xcꞌajol junes chirix bu̱r nequeꞌbe̱c. Laj Abdón quitaklan saꞌ xbe̱neb laj Israel chiru cuakxakib chihab.

Jueces 5:10

Cheyehak resilal che̱junilex la̱ex li nequexxic chirixeb li bu̱r li sak rixeb ut la̱ex li nequexrakoc a̱tin. Cheyehak ajcuiꞌ resilal la̱ex li nequexxic che̱rok.

Deuteronomio 17:16

Li rey li te̱xakab incꞌaꞌ naru nak cua̱nk nabalak xcacua̱y. Chi moco ta̱ru̱k tixtaklaheb li tenamit chixsicꞌbal xtzꞌakob lix cacua̱y saꞌ li tenamit Egipto xban nak li Ka̱cuaꞌ quixye nak incꞌaꞌ chic naru texsukꞌi̱k saꞌ li naꞌajej aꞌan.

2 Samuel 15:1

Mokon chic laj Absalón quicuan jun lix carruaje quelonbil xbaneb lix cacua̱y. Ut cuanqueb ajcuiꞌ mero ciento (50) li cui̱nk li queꞌoquen chirix.

San Mateo 21:5

Ye reheb li tenamit aj Sión: —Cueꞌ chak le̱ Rey xchal e̱riqꞌuin. Tu̱lan ut cꞌojcꞌo chak chirix jun li bu̱r. Chirix jun chꞌina ral bu̱r xcomon li nequeꞌi̱kan yo̱ chak chi cha̱lc.— (Zac. 9:9; Isa. 62:11)

San Juan 12:14

Li Jesús quixtoꞌoni jun li chꞌina bu̱r, quitakeꞌ chirix ut yo̱ chi xic Jerusalén joꞌ tzꞌi̱banbil retalil saꞌ li Santil Hu: