San Juan 12:13 - Li Santil hu

¹³ Quilajeꞌxcꞌam chak xxak li moco̱ch ut queꞌchal chixcꞌulbal li Jesús. Japjo̱queb re chixyebal: —Lokꞌoninbil taxak li Ka̱cuaꞌ. Osobtesinbil taxak li xchal saꞌ xcꞌabaꞌ li Ka̱cuaꞌ Dios. Osobtesinbil taxak li karey, la̱o aj Israel, chanqueb.

Q'eqchi Bible

¹³ jo'kan naq ke'xchap xxaq mokooch ut ke'elk chi xk'ulb'al, japjookeb' re chi xyeeb'al: —Chinimaaq xloq'al li Yos! Usilaatinanb'il taxaq li yo chi chalk sa' xk'ab'a' li Qaawa', a' li xreyeb' laj Israel!

San Juan 12:13 ပူးပေါင်းရင်းမြစ်များ

Apocalipsis 15:3

Yo̱queb chixbichanquil li bich li quixbicha laj Moisés laj cꞌanjel chiru li Dios re xlokꞌoninquil li Jun li chanchan carner. Ut yo̱queb chixyebal: At Ka̱cuaꞌ, at nimajcual Dios, nim a̱cuanquil ut sachba chꞌo̱lej rilbal li nacaba̱nu. Kꞌaxal ti̱c a̱chꞌo̱l ut junelic nacaye li ya̱l. La̱at li tzꞌakal rey. Kꞌaxal nim a̱cuanquil saꞌ xbe̱neb chixjunileb li tenamit.

Apocalipsis 7:9

Ut chirix aꞌan, quicuil ajcuiꞌ nabaleb chi tenamit xakxo̱queb chiru li cꞌojcꞌo saꞌ lix lokꞌlaj cꞌojariba̱l ut chiru li Jun li chanchan carner. Incꞌaꞌ naru rajlanquileb xban xqꞌuialeb. Cuanqueb aran aꞌ yal ani xte̱paleb xxeꞌto̱nil xyucuaꞌeb ut aꞌ yal bar xtenamiteb ut aꞌ yal chanru li ra̱tinoba̱leb. Tikibanbileb riqꞌuin saki akꞌ ut cuan chak saꞌ rukꞌeb li rukꞌ cheꞌ palma.

San Juan 1:49

Quichakꞌoc laj Natanael ut quixye re: —At tzolonel, la̱at li Ralal li Dios. La̱at lix Reyeb laj Israel, chan re li Jesús.

San Mateo 23:39

Tinye ut e̱re chalen anakcuan incꞌaꞌ chic te̱ril cuu toj nak te̱ye, “Osobtesinbilak aꞌan li xchal saꞌ xcꞌabaꞌ li Ka̱cuaꞌ”. Toj aran chic te̱ril cuu, chan li Jesús.

Oseas 3:5

Abanan ta̱cuulak xkꞌehil nak eb laj Israel teꞌsukꞌi̱k cuiꞌchic riqꞌuin li Ka̱cuaꞌ lix Dioseb ut teꞌxsicꞌ junak reheb li ralal xcꞌajol laj David chokꞌ xreyeb. Ut saꞌ rosoꞌjiqueb li cutan, teꞌxxucua ru li Ka̱cuaꞌ ut teꞌxcꞌu̱luban cuiꞌchic li usilal li tixba̱nu reheb.

San Juan 19:15

Queꞌxjap cuiꞌchic reheb chixyebal: —¡Qꞌuehomak chiru cruz! ¡Qꞌuehomak chiru cruz! Ut laj Pilato quixye reheb: —¿Ma te̱raj nak tinqꞌue chiru cruz le̱ rey? chan. Eb li xbe̱nil aj tij queꞌxye: —Jun ajcuiꞌ li karey cuan. Aꞌan li Acuabej César, chanqueb.

Sofonías 3:15

Li Ka̱cuaꞌ xrisi li raylal li xqꞌue saꞌ e̱be̱n ut xrisiheb li xicꞌ nequeꞌiloc e̱re. Li Ka̱cuaꞌ aꞌanak chic le̱ rey, la̱ex aj Israel. Joꞌcan nak ma̱cꞌaꞌ chic te̱xucua xban nak ma̱cꞌaꞌak chic li raylal saꞌ e̱be̱n.

Apocalipsis 19:16

Tzꞌi̱banbil xcꞌabaꞌ chiru li rakꞌ ut chiru li raꞌ. Aꞌan aꞌin lix cꞌabaꞌ: Li Rey li kꞌaxal nim xcuanquil saꞌ xbe̱neb chixjunileb li rey. Li Ka̱cuaꞌ, li kꞌaxal nim xcuanquil saꞌ xbe̱neb chixjunileb li nequeꞌtaklan.

Isaías 44:6

Li Ka̱cuaꞌ li nimajcual Dios, lix Reyeb laj Israel ut laj Colol reheb naxye chi joꞌcaꞌin: —La̱in ac cuanquin ajcuiꞌ chak nak toj ma̱jiꞌ nayi̱ba̱c li ruchichꞌochꞌ. Ut cua̱nkin ajcuiꞌ saꞌ rosoꞌjic. Ma̱cꞌaꞌ junak chic dios chicuu la̱in. Caꞌaj cuiꞌ la̱in.

Levítico 23:40

Saꞌ li xbe̱n cutan te̱sicꞌ li rukꞌ li cheꞌ chꞌinaꞌus rilbal, li naxqꞌue ru. Te̱sicꞌ ajcuiꞌ rukꞌeb li cheꞌ palmera ut li cuan nabal rukꞌ. Ut te̱sicꞌ ajcuiꞌ li rukꞌ li cheꞌ li cuanqueb chire li cocꞌ rok haꞌ. Ut ta̱sahokꞌ saꞌ e̱chꞌo̱l chiru li Ka̱cuaꞌ le̱ Dios chiru cuukub cutan.

San Juan 12:15

Mexxucuac la̱ex li cuanquex Sión xban nak yo̱ chak chi cha̱lc le̱ rey. Chirix jun ral bu̱r yo̱ chak chi cha̱lc. (Zac. 9:9)

San Mateo 27:42

Ut queꞌxye: —Jalan chic xcoleb ut aꞌan incꞌaꞌ naru naxcol rib xjunes. Cui ya̱l nak aꞌan xReyeb laj judío, chicubek chak chiru li cruz anakcuan ut topa̱ba̱nk chiru.

San Juan 12:14

Li Jesús quixtoꞌoni jun li chꞌina bu̱r, quitakeꞌ chirix ut yo̱ chi xic Jerusalén joꞌ tzꞌi̱banbil retalil saꞌ li Santil Hu: