San Juan 12:10 - Li Santil hu

¹⁰ Ut eb li xbe̱nil aj tij queꞌxcꞌu̱b ru nak teꞌxcamsi ajcuiꞌ laj Lázaro,

Q'eqchi Bible

¹⁰ Ut eb' li xb'eenil aj tij ke'xk'uub' ajwi' xkamsinkil laj Lázaro,

San Juan 12:10 ပူးပေါင်းရင်းမြစ်များ

San Lucas 16:31

Aꞌut laj Abraham quixye re: “Cui incꞌaꞌ nequeꞌrabi li quixye laj Moisés ut eb li profeta, incꞌaꞌ ajcuiꞌ teꞌpa̱ba̱nk usta ta̱cuacli̱k cuiꞌchic chi yoꞌyo junak saꞌ xya̱nkeb li camenak,” chan laj Abraham.—

San Mateo 2:16

Aꞌut laj Herodes nak quiril nak quibalakꞌi̱c xbaneb laj kꞌe, kꞌaxal nak quichal xjoskꞌil. Ut quixtakla xcamsinquil chixjunileb li cocꞌ te̱lom cuanqueb Belén, joꞌ cuiꞌ saꞌ eb li naꞌajej cuanqueb chixcꞌatk. Queꞌcamsi̱c chixjunileb li cocꞌ te̱lom li toj cꞌulaꞌaleb jun xxiquic aj caꞌcab chihab xban nak quixbir rix cꞌaꞌru li cutan quiyoꞌla cuiꞌ li cꞌulaꞌal joꞌ quiyeheꞌ re xbaneb laj kꞌe.

San Juan 11:57

Eb li xbe̱nil aj tij ut eb laj fariseo queꞌxye reheb li tenamit nak cui ani ta̱abi̱nk resil bar cuan li Jesús, tento teꞌxye resil, re nak ta̱ru̱k teꞌxtakla xchapbal.

Eclesiastés 9:3

Li cꞌaꞌru incꞌaꞌ us ninqꞌue retal, aꞌan nak juntakꞌe̱t nequeꞌxcꞌul chixjunileb li cuanqueb saꞌ ruchichꞌochꞌ. Junes ma̱usilal ut to̱ntil naꞌleb nequeꞌxcꞌoxla xba̱nunquil joꞌ najtil nequeꞌcuan saꞌ ruchichꞌochꞌ. Ut chirix aꞌan nequeꞌcam.

Éxodo 10:3

Tojoꞌnak laj Moisés ut laj Aarón queꞌco̱eb riqꞌuin laj faraón ut queꞌxye re: —Joꞌcaꞌin xye a̱cue li Ka̱cuaꞌ Dios, lix Dioseb laj hebreo. “¿Jokꞌe ta̱cubsi a̱cuib chicuu? Canabeb chi xic lin tenamit re nak tineꞌxlokꞌoni.”

San Mateo 12:14

Ut eb laj fariseo queꞌel aran ut queꞌoc chixcꞌu̱banquil chanru nak teꞌxcamsi li Jesús.

San Juan 12:9

Nabaleb laj judío queꞌrabi resil nak li Jesús cuan aran Betania ut queꞌcuulac aran. Ma̱cuaꞌ caꞌaj cuiꞌ li Jesús queꞌcuulac chirilbal. Queꞌcuulac aj ban cuiꞌ chirilbal laj Lázaro li quicuaclesi̱c cuiꞌchic chi yoꞌyo xban li Jesús.

San Juan 12:11

xban nak nabaleb laj judío yo̱queb chi e̱lc saꞌ xya̱nkeb ut yo̱queb chixpa̱banquil li Jesús xban nak quixcuaclesi cuiꞌchic chi yoꞌyo laj Lázaro.