San Juan 11:53 - Li Santil hu

⁵³ Ut chalen saꞌ li cutan aꞌan, eb li nequeꞌtaklan saꞌ xya̱nkeb laj judío queꞌoc xcꞌu̱banquil ru saꞌ comonil chanru nak teꞌxcamsi li Jesús.

Q'eqchi Bible

⁵³ Ut chalen sa' li kutan a'an ke'xk'uub' xkamsinkil.

San Juan 11:53 ပူးပေါင်းရင်းမြစ်များ

Hechos 9:23

Ac cuan cutan xcꞌulbal aꞌan nak queꞌxcꞌu̱b ru chi ribileb rib laj judío chanru nak teꞌxcamsi laj Saulo.

Hechos 5:33

Li xyucuaꞌil aj tij ut li cuanqueb rochben, cꞌajoꞌ nak queꞌjoskꞌoꞌ nak queꞌrabi li quixye laj Pedro ut queꞌraj raj xcamsinquileb li apóstol.

San Juan 12:10

Ut eb li xbe̱nil aj tij queꞌxcꞌu̱b ru nak teꞌxcamsi ajcuiꞌ laj Lázaro,

San Juan 11:47

Ut eb laj fariseo rochbeneb li xbe̱nil aj tij queꞌxchꞌutub ribeb riqꞌuineb li nequeꞌtaklan saꞌ xya̱nkeb laj judío ut queꞌxye reheb: —¿Cꞌaꞌru takaba̱nu? Li cui̱nk aꞌin nabal li milagro yo̱ chixba̱nunquil.

San Marcos 14:1

Cuib cutan chic ma̱ nacuulac xkꞌehil li ninkꞌe re xjulticanquil li reliqueb laj Israel saꞌ li tenamit Egipto. Pascua nayeman re li ninkꞌe aꞌan. Aꞌan ajcuiꞌ xkꞌehil li ninkꞌe nak nequeꞌxcuaꞌ li caxlan cua chi ma̱cꞌaꞌ xchꞌamal. Saꞌ eb li cutan aꞌan eb lix be̱nil aj tij ut eb laj tzꞌi̱b yo̱queb chixsicꞌbal chanru nak teꞌxyoꞌob a̱tin chirix li Jesús re nak teꞌxqꞌue chi camsi̱c.

San Marcos 3:6

Tojoꞌnak eb laj fariseo queꞌel riqꞌuin li Jesús. Queꞌco̱eb riqꞌuineb li nequeꞌoquen chirix laj Herodes. Ut queꞌoc xcꞌu̱banquil chanru nak teꞌxcamsi li Jesús.

San Mateo 26:59

Ut eb li xbe̱nil aj tij ut eb li nequeꞌcꞌamoc be saꞌ xya̱nkeb laj judío ut chixjunileb li nequeꞌtzꞌiloc a̱tin yo̱queb chixsicꞌbal chanru nak teꞌxyoꞌob junak a̱tin chirix li Jesús re nak ta̱ru̱k teꞌxkꞌaxtesi chi camsi̱c.

San Mateo 22:46

Ut ma̱ jun chic quiru chi sume̱nc re li Jesús. Ut chalen saꞌ li cutan aꞌan, ma̱ ani chic quixcacuu xchꞌo̱l chi patzꞌoc re li Jesús.

San Mateo 16:21

Chalen saꞌ li cutan aꞌan li Jesús quixtiquib xchꞌolobanquil chiruheb lix tzolom nak tento ta̱xic Jerusalén chixcꞌulbal nabal li raylal xbaneb li cui̱nk li xakabanbileb chi cꞌanjelac saꞌ li templo ut xbaneb li xbe̱nil aj tij joꞌ eb ajcuiꞌ laj tzꞌi̱b. Quixye reheb nak ta̱camsi̱k ut nak ta̱cuacli̱k cuiꞌchic chi yoꞌyo saꞌ rox li cutan.

Jeremías 38:15

Ut laj Jeremías quixye re laj Sedequías: —Cui tinye lix ya̱lal a̱cue, la̱at ta̱takla incamsinquil. Ut cui tinqꞌue a̱naꞌleb, moco ta̱cuabi ta li cꞌaꞌru tinye, chan.

Jeremías 38:4

Ut eb li cuanqueb xcuanquil queꞌxye re li rey: —Tento ta̱ca̱mk li cui̱nk aꞌin xban li ra̱tin naxye. Yo̱ chi chꞌina̱nc xchꞌo̱leb li soldado li joꞌ qꞌuial toj cuanqueb saꞌ li tenamit. Ut yo̱ ajcuiꞌ chi chꞌina̱nc xchꞌo̱leb li tenamit xban. Li cui̱nk aꞌin incꞌaꞌ naxsicꞌ li us chokꞌ re li tenamit. Naxsicꞌ ban li incꞌaꞌ us chokꞌ reheb.—

Salmos 113:2

Lokꞌoninbil taxak xcꞌabaꞌ li Ka̱cuaꞌ chalen anakcuan ut chi junelic.

Salmos 71:10

Li xicꞌ nequeꞌiloc cue incꞌaꞌ us nequeꞌxye chicuix ut nequeꞌxcꞌu̱b ru chanru nak tineꞌxcamsi.

Salmos 31:13

Nequeꞌcuabi nak nequeꞌhashot chinhobbal. Yalak bar ninnumeꞌ xiu xiu cuanquin. Nequeꞌxchꞌutub rib ut nequeꞌxcꞌu̱b chi ribileb rib chanru nak tineꞌxcamsi.

Salmos 2:2

Eb li rey queꞌjoskꞌoꞌ riqꞌuin li cꞌaꞌru quixba̱nu li Ka̱cuaꞌ. Ut queꞌxchꞌutub rib chixcꞌu̱banquil chanru nak teꞌrisi saꞌ xcuanquil li Rey xakabanbil chak xban li Dios.

Nehemías 13:21

Ut la̱in quebinkꞌus ut quinye reheb: —¿Cꞌaꞌut nak nequexcana chixnumsinquil li kꞌojyi̱n chirix li tzꞌac? Cui te̱ba̱nu cuiꞌchic aꞌan texinchap ut texinqꞌue saꞌ tzꞌalam, chanquin reheb. Ut chalen nak quinye chi joꞌcan reheb incꞌaꞌ chic queꞌcuulac chi cꞌayi̱nc saꞌ li hiloba̱l cutan.

Nehemías 4:16

Chalen saꞌ li cutan aꞌan yijach li nequeꞌcꞌanjelac chicuu yo̱queb chixyi̱banquil li tzꞌac ut li yijach chic cuanqueb xchꞌi̱chꞌeb re camsi̱nc, cuanqueb xla̱ns, ut cuanqueb ajcuiꞌ lix tzimaj saꞌ rukꞌeb. Ut cuanqueb ajcuiꞌ xchꞌi̱chꞌ re xcolbal ribeb. Ut eb li nequeꞌtaklan saꞌ li tenamit Judá cuanqueb aran ut yo̱queb chi oque̱nc.

Génesis 37:18

Yo̱ chak chi cha̱lc chi najt laj José nak qui-ileꞌ xbaneb li ras. Ut eb aꞌan queꞌoc chixcꞌoxlanquil chanru nak teꞌxcamsi aꞌan.

San Mateo 12:14

Ut eb laj fariseo queꞌel aran ut queꞌoc chixcꞌu̱banquil chanru nak teꞌxcamsi li Jesús.

San Mateo 26:4

Ut queꞌxcꞌu̱b ribeb re nak teꞌxchap li Jesús ut re nak teꞌxyoꞌob a̱tin chirix re xcamsinquil.

San Juan 7:1

Chirix chic aꞌan, li Jesús yo̱ chixbeninquileb li naꞌajej li cuanqueb Galilea. Incꞌaꞌ quiraj xic Judea xban nak eb li nequeꞌtaklan saꞌ xya̱nkeb laj judío teꞌraj xcamsinquil.