San Juan 11:48 - Li Santil hu

⁴⁸ Cui takacanab chi joꞌcan, chixjunileb li tenamit teꞌpa̱ba̱nk re. Ut teꞌjoskꞌokꞌ kiqꞌuin eb laj Roma li nequeꞌtaklan saꞌ kabe̱n. Teꞌxjucꞌ li katemplo ut teꞌxsach li katenamit, chanqueb.

Q'eqchi Bible

⁴⁸ Wi taaqakanab' chi jo'kan, chixjunileb' te'paab'anq re, ut te'chalq eb' laj Roma, tole'xjuk' li qaSantil Na'aj jo' ajwi' li qatenamit.

San Juan 11:48 ပူးပေါင်းရင်းမြစ်များ

Hechos 5:28

—¿Ma incꞌaꞌ ta biꞌ xkaye e̱re nak incꞌaꞌ chic te̱tzoleb li tenamit saꞌ xcꞌabaꞌ li cui̱nk aꞌan? La̱ex yo̱quex chixcꞌutbal li tijleb aꞌan saꞌ chixjunil Jerusalén ut te̱raj xqꞌuebal saꞌ kabe̱n lix camic li cui̱nk aꞌan, chanqueb.

San Lucas 11:52

Ra cha̱lel saꞌ e̱be̱n la̱ex, aj tzolol chakꞌrab, xban nak nequemuk lix ya̱lal chiruheb li tenamit. La̱ex incꞌaꞌ nequepa̱b li Dios, chi moco nequecanabeb chi pa̱ba̱nc li nequeꞌraj raj pa̱ba̱nc, chan li Jesús reheb.

San Lucas 8:12

Ut li iyaj li quinak chire li be, aꞌan retalileb li nequeꞌabin re li ra̱tin li Dios. Nak ac xeꞌrabi li a̱tin, laj tza incꞌaꞌ naxcanabeb re teꞌxtau ru lix ya̱lal li ra̱tin li Dios re nak incꞌaꞌ teꞌpa̱ba̱nk ut teꞌcolekꞌ.

San Mateo 27:25

Ut chixjunileb li tenamit queꞌchakꞌoc ut queꞌxye: —Saꞌ kabe̱n la̱o ut saꞌ xbe̱neb li kalal kacꞌajol chicana̱k xtojbal rix lix camic, chanqueb.

San Mateo 22:7

Ut li rey nak quirabi aꞌan, cꞌajoꞌ nak quijoskꞌoꞌ. Quixtaklaheb lix soldado chixcamsinquil li queꞌcamsin reheb lix mo̱s. Ut quixtakla xcꞌatbal lix tenamiteb.

San Juan 1:7

Quitakla̱c chak chixchꞌolobanquil xya̱lal nak li Jesús, aꞌan li cutan saken re nak chixjunileb li ani teꞌabi̱nk re, teꞌpa̱ba̱nk.

San Mateo 22:9

Anakcuan texxic saꞌ eb li be bar nequeꞌnumeꞌ cuiꞌ li cristian. Ut te̱bokeb saꞌ li ninkꞌe li ani te̱tauheb chak,” chan.

San Mateo 24:15

Chetzolak rix chi us li cꞌaꞌru quixye li profeta Daniel re nak te̱tau ru li cꞌaꞌru ta̱cꞌulma̱nk. Aꞌan quixye nak eb laj balakꞌ teꞌrocsi saꞌ li rochoch li Dios bar ma̱cuaꞌ xcꞌulub cuiꞌ cua̱nc li kꞌaxal yibru ut xucuajel rilbal xban lix ma̱usilal, ut riqꞌuin aꞌan teꞌxmux ru lix templo li Dios. (Dan. 9:27; 12:11)