San Juan 11:47 - Li Santil hu

⁴⁷ Ut eb laj fariseo rochbeneb li xbe̱nil aj tij queꞌxchꞌutub ribeb riqꞌuineb li nequeꞌtaklan saꞌ xya̱nkeb laj judío ut queꞌxye reheb: —¿Cꞌaꞌru takaba̱nu? Li cui̱nk aꞌin nabal li milagro yo̱ chixba̱nunquil.

Q'eqchi Bible

⁴⁷ Toja' naq li Xb'eenileb' aj tij ut eb' laj Pariseey ke'xch'utub' rib' chi k'uub'ank ut ke'xye: —K'aru tqab'aanu? Xb'aan naq li winq a'in naab'al xninqal ru eetalil naxb'aanu.

San Juan 11:47 ပူးပေါင်းရင်းမြစ်များ

San Mateo 26:3

Ut eb lix be̱nil aj tij ut eb laj tzꞌi̱b ut eb li nequeꞌcꞌamoc be saꞌ xya̱nkeb laj judío queꞌxchꞌutub ribeb chiru neba̱l re li rochoch lix yucuaꞌileb laj tij, Caifás xcꞌabaꞌ.

San Juan 12:19

Eb laj fariseo queꞌxye chi ribileb rib: —¿Ma xeqꞌue retal nak ma̱cꞌaꞌ aj e li yo̱co chixba̱nunquil? Qꞌuehomak retal. Anakcuan chixjunileb li tenamit yo̱queb chi ta̱ke̱nc re li cui̱nk aꞌan, chanqueb.

San Juan 11:57

Eb li xbe̱nil aj tij ut eb laj fariseo queꞌxye reheb li tenamit nak cui ani ta̱abi̱nk resil bar cuan li Jesús, tento teꞌxye resil, re nak ta̱ru̱k teꞌxtakla xchapbal.

San Juan 2:11

Aꞌan aꞌin li xbe̱n milagro li quixba̱nu li Jesús nak quixsukꞌisi li haꞌ chokꞌ vino aran Caná re Galilea. Riqꞌuin li milagro aꞌin quixcꞌutbesi nak cuan xcuanquil ut eb lix tzolom queꞌxpa̱b nak li Jesús aꞌan li Ralal li Dios.

San Mateo 5:22

Aban la̱in tinye e̱re lix ya̱lal aꞌan. Li ani ta̱joskꞌokꞌ riqꞌuin li ras ri̱tzꞌin ta̱rakekꞌ a̱tin saꞌ xbe̱n. Ut li ani tixtzꞌekta̱na li ras ri̱tzꞌin cuan xma̱c chiru laj rakol a̱tin. Ut li ani tixye xyaj tiox re li ras ri̱tzꞌin, ma̱re anchal ta̱xic saꞌ xxamlel li xbalba.

Hechos 5:24

Nak queꞌrabi aꞌan, eb li xbe̱nil aj tij ut eb li nequeꞌtaklan saꞌ xbe̱neb li soldado li nequeꞌcꞌacꞌalen saꞌ li templo, queꞌsach xchꞌo̱leb ut queꞌoc chixcꞌoxlanquil cꞌaꞌru ta̱cana̱k cuiꞌ li yo̱ chi cꞌulma̱nc.

Hechos 5:21

Cuulajak chic nak toj ekꞌela queꞌco̱eb saꞌ li templo eb li apóstol ut queꞌoc chixchꞌolobanquil lix ya̱lal chiruheb li tenamit joꞌ quiyeheꞌ reheb xban li ángel. Saꞌ ajcuiꞌ li ekꞌela aꞌan queꞌcuulac li xbe̱nil aj tij rochbeneb chixjunileb li nequeꞌtenkꞌan re, ut queꞌxbokeb li jun chꞌol chic li nequeꞌcꞌamoc be chiruheb laj judío joꞌqueb ajcuiꞌ li nequeꞌtaklan saꞌ xbe̱neb. Ut queꞌxtakla xyebal re laj ilol tzꞌalam nak teꞌcꞌamekꞌ li apóstol riqꞌuineb.

San Lucas 22:2

Eb lix be̱nil aj tij ut eb laj tzꞌi̱b yo̱queb chixsicꞌbal chanru nak ta̱ru̱k teꞌxcamsi li Jesús. Abanan yo̱queb xcꞌaꞌux xban nak incꞌaꞌ queꞌraj xchikꞌbal xjoskꞌileb li tenamit.

San Marcos 14:1

Cuib cutan chic ma̱ nacuulac xkꞌehil li ninkꞌe re xjulticanquil li reliqueb laj Israel saꞌ li tenamit Egipto. Pascua nayeman re li ninkꞌe aꞌan. Aꞌan ajcuiꞌ xkꞌehil li ninkꞌe nak nequeꞌxcuaꞌ li caxlan cua chi ma̱cꞌaꞌ xchꞌamal. Saꞌ eb li cutan aꞌan eb lix be̱nil aj tij ut eb laj tzꞌi̱b yo̱queb chixsicꞌbal chanru nak teꞌxyoꞌob a̱tin chirix li Jesús re nak teꞌxqꞌue chi camsi̱c.

San Juan 6:2

Nabaleb yo̱queb chi ta̱ke̱nc re xban nak queꞌrileb li milagro li yo̱ chixba̱nunquil nak naxqꞌuirtesiheb li yaj.

San Juan 7:32

Eb laj fariseo queꞌrabi li yo̱queb chixyebal chirix li Jesús. Joꞌcan nak eb aꞌan, rochbeneb li xbe̱nil aj tij, queꞌxtakla li nequeꞌcꞌacꞌalen saꞌ li templo chixchapbal li Jesús re teꞌxqꞌue saꞌ tzꞌalam.

San Juan 7:45

Nak queꞌsukꞌi li queꞌtakla̱c chixchapbal li Jesús, eb laj fariseo ut eb li xbe̱nil aj tij queꞌxpatzꞌ reheb: —¿Cꞌaꞌut nak incꞌaꞌ xecꞌam chak li cui̱nk aꞌan? chanqueb.