San Juan 10:7 - Li Santil hu

⁷ Joꞌcan nak li Jesús quixye cuiꞌchic reheb: —Relic chi ya̱l ninye e̱re, La̱in li oqueba̱l reheb li teꞌpa̱ba̱nk cue.

Q'eqchi Bible

⁷ Jo'kan naq li Jesus ki'aatinak wi' chik rik'ineb': —Relik chi yaal ninye eere: laa'in li rokeb'aaleb' li karneer.

San Juan 10:7 ပူးပေါင်းရင်းမြစ်များ

San Juan 14:6

Li Jesús quixye re: —La̱in aj cꞌamol be che̱ru. La̱in ninchꞌolob lix ya̱lal li Dios ut la̱in ninqꞌuehoc junelic yuꞌam. Ma̱ ani ta̱ru̱k ta̱oc riqꞌuin lin Yucuaꞌ cui incꞌaꞌ tinixpa̱b la̱in.

Efesios 2:18

Anakcuan chikajunilo, usta la̱o aj judío usta ma̱cuaꞌo aj judío, naru nococuan chi sum a̱tin riqꞌuin li Yucuaꞌbej Dios saꞌ xcꞌabaꞌ li Cristo. Ut li junaj chi Santil Musikꞌej natenkꞌan ke.

San Juan 10:1

Relic chi ya̱l tinye e̱re, li ani na-oc saꞌ xcorraleb li carner chi incꞌaꞌ na-oc saꞌ li tzꞌakal oqueba̱l re li corral, li jun aꞌan aj e̱lkꞌ.

San Juan 10:9

La̱in li oqueba̱l. Chixjunileb li nequeꞌpa̱ban cue la̱in, teꞌcolekꞌ ut la̱in tin-ilok reheb. Chanchaneb li carner li nequeꞌoc ut nequeꞌel ut nequeꞌxtau lix cuaheb.

Ezequiel 34:31

La̱ex aj Israel, la̱ex lin carner. La̱in ninchꞌolanin e̱re. La̱ex lin tenamit ut la̱in le̱ Dios, chan li nimajcual Dios.

Salmos 79:13

Ut la̱o, la̱ tenamit, chanchano li carner cha̱cuu nak cuanco. Takabantioxi cha̱cuu ut takaqꞌue la̱ lokꞌal chi junelic kꞌe cutan. Ut eb li kalal kacꞌajol teꞌxqꞌue ajcuiꞌ a̱lokꞌal.

Salmos 100:3

Chenauhak nak li Ka̱cuaꞌ, aꞌan li tzꞌakal Dios. La̱o li ralal xcꞌajol. Aꞌan li quiyoꞌobtesin ke ut aꞌan ajcuiꞌ li na-iloc ke joꞌ jun li pastor narileb lix carner.

Salmos 95:7

Li Ka̱cuaꞌ, aꞌan li kaDios ut la̱o lix tenamit. Aꞌan na-iloc ke joꞌ nak li pastor narileb lix carner.

Isaías 53:6

La̱o xkasach kib kajunes saꞌ li ma̱c. Chanchano li carner li nequeꞌxchaꞌchaꞌi ribeb. Ac kabe kabe xkachap chikaju̱nkal. Abanan li xtojbal rix li kama̱usilal li Ka̱cuaꞌ Dios quixqꞌue saꞌ xbe̱n aꞌan.

Ezequiel 36:38

Xban xqꞌuialeb chanchanakeb li carner li nequeꞌmayeja̱c Jerusalén saꞌ xkꞌehil eb li ninkꞌe. Kꞌaxal nabalakeb chic li cristian saꞌ eb li tenamit li chanchan chaki chꞌochꞌ nak quicuan. Ut riqꞌuin aꞌin teꞌxnau nak la̱in li Ka̱cuaꞌ, chan li Dios.