San Juan 10:36 - Li Santil hu

³⁶ Li Acuabej Dios xsicꞌoc cuu ut xinixtakla chak saꞌ ruchichꞌochꞌ. ¿Cꞌaꞌut nak nequeye la̱ex nak yo̱quin chixmajecuanquil li Dios riqꞌuin nak ninye nak la̱in li Ralal?

Q'eqchi Bible

³⁶ k'a'ut naq chiwix laa'in li kinxsantob'resi li Yuwa'b'ej ut kinxtaqla chaq sa' ruuchich'och' nekeye naq ninmajewa li Yos xb'aan naq xinye: «Ralalin li Yos»?

San Juan 10:36 ပူးပေါင်းရင်းမြစ်များ

San Juan 3:17

Li Dios incꞌaꞌ quixtakla chak li Ralal saꞌ ruchichꞌochꞌ chixtenebanquil li tojba ma̱c saꞌ xbe̱neb li cuanqueb saꞌ ruchichꞌochꞌ. Quixtakla ban chak re nak saꞌ xcꞌabaꞌ aꞌan teꞌcolekꞌ.

Jeremías 1:5

Nak toj ma̱jiꞌ nacana chi yaj aj ixk la̱ naꞌ, la̱in ac ninnau nak tatyoꞌla̱k. Ut toj ma̱jiꞌ nacatyoꞌla nak xatinsantobresi re tatcꞌanjelak chokꞌ inprofeta saꞌ xya̱nkeb chixjunileb li tenamit, chan li Dios.

San Juan 20:31

Abanan li joꞌ qꞌuial tzꞌi̱banbil retalil saꞌ li hu aꞌin, quitzꞌi̱ba̱c re nak te̱pa̱b nak li Jesús, aꞌan li Cristo. Aꞌan li Ralal li Dios. Quitzꞌi̱ba̱c re nak riqꞌuin xpa̱banquil ta̱cua̱nk e̱yuꞌam chi junelic saꞌ xcꞌabaꞌ aꞌan.

San Juan 6:27

Mixic e̱chꞌo̱l caꞌaj cuiꞌ riqꞌuin xsicꞌbal li tzacae̱mk li na-osoꞌ. Cheqꞌuehak ban e̱chꞌo̱l chixsicꞌbal li tzacae̱mk li incꞌaꞌ nalaj na-osoꞌ. Aꞌan li junelic yuꞌam li ninqꞌue la̱in li Cꞌajolbej. Aꞌan aj e nak quixqꞌue incuanquil ut quinixtakla chak li Yucuaꞌbej, chan li Jesús.

Romanos 9:5

Aꞌaneb li ralal xcꞌajol li kaxeꞌto̱nil yucuaꞌ laj Abraham, laj Isaac ut laj Jacob. Ut saꞌ xya̱nkeb aꞌan quiyoꞌla li Cristo nak quitzꞌejcualoꞌ ut quicꞌulun saꞌ ruchichꞌochꞌ. Lokꞌoninbil taxak chi junelic li Cristo li kꞌaxal nim xcuanquil saꞌ xbe̱neb chixjunileb. Joꞌcan taxak.

Romanos 1:4

Li Ka̱cuaꞌ Jesucristo aꞌan tzꞌakal Dios. Numtajenak lix santilal. Riqꞌuin lix nimal xcuanquil, li Dios quixcuaclesi cuiꞌchic chi yoꞌyo saꞌ xya̱nkeb li camenak re xcꞌutbal chiku nak aꞌan tzꞌakal Ralal li Dios.

San Juan 20:28

Ut laj Tomás quixye re: —¡At Ka̱cuaꞌ, at inDios!—

San Juan 19:7

Abanan eb laj judío queꞌxye: —La̱o cuan kachakꞌrab ut li kachakꞌrab naxye nak ta̱camsi̱k xban nak aꞌan quixqꞌue rib chokꞌ Ralal li Dios.—

San Juan 17:21

At inYucuaꞌ, li cꞌaꞌru nintzꞌa̱ma cha̱cuu, aꞌan nak junajak taxak ruheb. Cheꞌcua̱nk kiqꞌuin joꞌ nak cuanquin la̱in a̱cuiqꞌuin ut la̱at cuancat cuiqꞌuin. Junajak taxak ruheb re nak li cuanqueb saꞌ ruchichꞌochꞌ teꞌxpa̱b nak la̱at xattaklan chak cue.

San Juan 17:18

Joꞌ nak xina̱takla chak la̱in saꞌ ruchichꞌochꞌ chixchꞌolobanquil lix ya̱lal, joꞌcan ajcuiꞌ nak tintaklaheb chixchꞌolobanquil lix ya̱lal chiruheb li incꞌaꞌ nequeꞌpa̱ban.

San Juan 17:8

La̱in xinye reheb li cꞌaꞌru xaye cue ut xeꞌxcꞌul li cua̱tin. Xeꞌxqꞌue retal nak relic chi ya̱l a̱cuiqꞌuin xinchal chak ut xeꞌxpa̱b nak la̱at xattaklan chak cue.

San Juan 6:69

La̱o nakapa̱b li cꞌaꞌru nacaye ut nakanau nak la̱at li Cristo, li Ralal li yoꞌyo̱quil Dios, chan.

San Juan 6:57

Li yoꞌyo̱quil Dios, aꞌan li quitaklan chak cue. Joꞌ nak yoꞌyo chi junelic aꞌan, joꞌcan nak yoꞌyo̱quin ajcuiꞌ la̱in chi junelic. Joꞌcan ajcuiꞌ li ani naxtzaca lin tibel, li jun aꞌan ta̱cua̱nk xyuꞌam chi junelic saꞌ incꞌabaꞌ la̱in.

San Juan 6:38

La̱in xinchal chak saꞌ choxa re tinba̱nu li cꞌaꞌru naraj li Dios li quitaklan chak cue. Moco xinchal ta chixba̱nunquil li cꞌaꞌru nacuaj la̱in.

San Juan 5:30

La̱in ma̱cꞌaꞌ naru ninba̱nu injunes. La̱in ninrakoc a̱tin joꞌ naxye cue li Yucuaꞌbej. Joꞌcan nak ninrakoc a̱tin saꞌ ti̱quilal. Incꞌaꞌ ninba̱nu li cꞌaꞌru nacuaj la̱in. Ninba̱nu ban li cꞌaꞌru naraj li Yucuaꞌbej li quitaklan chak cue.

San Juan 3:34

Li Jesucristo, aꞌan taklanbil chak xban li Dios ut naxye li cꞌaꞌru nayeheꞌ re xban li Dios xban nak li Santil Musikꞌej cuan riqꞌuin chi tzꞌakal.

San Lucas 1:35

Li ángel quixye re: —Riqꞌuin xcuanquil li Santil Musikꞌej tatcana̱k chi yaj aj ixk. Lix cuanquil li nimajcual Dios ta̱cua̱nk a̱cuiqꞌuin. Ut li cꞌulaꞌal li ta̱yoꞌla̱k, aꞌan santo ut tzꞌakal ralal li Dios.

San Mateo 27:43

Cau xchꞌo̱l riqꞌuin li Dios. Chicolekꞌ anakcuan cui naraheꞌ xban li Dios xban nak naxye nak aꞌan Ralal li Dios, chanqueb.

Salmos 2:2

Eb li rey queꞌjoskꞌoꞌ riqꞌuin li cꞌaꞌru quixba̱nu li Ka̱cuaꞌ. Ut queꞌxchꞌutub rib chixcꞌu̱banquil chanru nak teꞌrisi saꞌ xcuanquil li Rey xakabanbil chak xban li Dios.

Gálatas 4:4

Abanan nak quicuulac xkꞌehil, li Dios quixtakla li Ralal chi yoꞌla̱c saꞌ ruchichꞌochꞌ riqꞌuin jun li ixk. Ut quicuan ajcuiꞌ rubel xcuanquil li najter chakꞌrab.

Romanos 8:3

Li najter chakꞌrab incꞌaꞌ naru toxcol chiru li ma̱c ut li ca̱mc. Ma̱cꞌaꞌ xcuanquil re kacolbal xban nak incꞌaꞌ nocoru chixba̱nunquil li naxye. Incꞌaꞌ nocoru chixba̱nunquil li naxye xban nak chalen chak saꞌ kayoꞌlajic la̱o aj ma̱c. Aban li Dios xoxcol chiru li ma̱c. Quixtakla chak li Jesucristo li Ralal chi tzꞌejcualocꞌ saꞌ ruchichꞌochꞌ. Li Ka̱cuaꞌ Jesucristo quixmayeja rib re xsachbal xcuanquil li ma̱c.

San Juan 8:42

Li Jesús quixye reheb: —Cui ta ya̱l nak li Dios e̱yucuaꞌ, niquine̱ra raj la̱in xban nak riqꞌuin li Dios quinchal chak. Cuanquin arin saꞌ e̱ya̱nk. Incꞌaꞌ quintakla chak cuib injunes. Aꞌ li Dios, aꞌan li quitaklan chak cue.

San Mateo 27:54

Ut li capitán rochbeneb li yo̱queb chi cꞌacꞌale̱nc re li Jesús, queꞌrecꞌa li hi̱c ut queꞌxqꞌue retal li cꞌaꞌru yo̱ chi cꞌulma̱nc. Ma̱ cꞌajoꞌ nak queꞌxucuac ut queꞌxye: —Relic chi ya̱l nak li cui̱nk aꞌin tzꞌakal Ralal li Dios.—

Isaías 55:4

La̱in xinxakaban re aꞌan chi cꞌamoc be chiruheb ut chi takla̱nc saꞌ xbe̱neb li tenamit ut chixcꞌutbal li cua̱tin chiruheb.

Isaías 42:3

Incꞌaꞌ tixrahobtesi li tacuajenakeb. Incꞌaꞌ tixchoy xtokbal li caxlan aj li ac tokecꞌ re, chi moco tixchoy xchupbal li ru xam li toj yo̱ chi e̱lc xsibel. Tixxakab lix cuanquil ut ta̱rakok a̱tin saꞌ ti̱quilal.

Isaías 42:1

Quixye li Ka̱cuaꞌ: —Aꞌan aꞌin laj cꞌanjel chicuu, li sicꞌbil ru inban. La̱in nintenkꞌan re ut sa saꞌ inchꞌo̱l riqꞌuin. Tinqꞌue lin musikꞌ re ut aꞌan ta̱rakok a̱tin saꞌ ti̱quilal saꞌ xbe̱neb li xni̱nkal ru tenamit.

San Juan 10:35

Nakanau nak incꞌaꞌ naru takaye nak incꞌaꞌ ya̱l li tzꞌi̱banbil saꞌ li Santil Hu. Li Dios quixye “dios” reheb li quixxakab.