San Juan 10:33 - Li Santil hu

³³ Eb aꞌan queꞌchakꞌoc ut queꞌxye: —Incꞌaꞌ tatkacut chi pec xban li cha̱bilal xaba̱nu. Tatkacut chi pec xban nak nacajuntakꞌe̱ta a̱cuib riqꞌuin li Dios. La̱at yal cui̱nkat. Moco Diosat ta joꞌ yo̱cat chixyebal, chanqueb re li Jesús.

Q'eqchi Bible

³³ Ke'chaq'ok eb' laj Judiiy: —Ink'a' tatqakuti chi pek xb'aan junaq chaab'il b'aanuhom, rik'in b'an naq xamajewa li Yos ut, us ta yal winqat, nakak'e aawib' cho'q Yos, chankeb' re.

San Juan 10:33 ပူးပေါင်းရင်းမြစ်များ

San Juan 5:18

Kꞌaxal cuiꞌchic queꞌjoskꞌoꞌ laj judío riqꞌuin aꞌin. Joꞌcan nak queꞌraj xcamsinquil xban nak moco caꞌaj ta cuiꞌ naxkꞌet lix chakꞌrabeb nak naqꞌuirtesin chiru li hiloba̱l cutan; riqꞌuin aj ban cuiꞌ nak naxjuntakꞌe̱ta rib riqꞌuin li Dios nak naxye nak li Dios, aꞌan lix Yucuaꞌ.

Levítico 24:16

Li ani tixmajecua xcꞌabaꞌ li Dios ta̱camsi̱k, usta aj Israel usta jalan xtenamit li cuan Israel. Chixjunileb li tenamit teꞌxcamsi chi pec xban nak xmajecua xcꞌabaꞌ li Ka̱cuaꞌ.

San Juan 10:30

La̱in ut li Yucuaꞌbej junajo chi kibil kib, chan li Jesús.

Filipenses 2:6

Li Jesucristo tzꞌakal Dios, aban incꞌaꞌ quicꞌoxlac xcanabanquil lix lokꞌal.

Romanos 13:1

Chexpa̱ba̱nk chiruheb li nequeꞌtaklan saꞌ xbe̱n li tenamit. Ma̱ ani cuan xcuanquil chi takla̱nc cui incꞌaꞌ ta qꞌuebil re xban li Dios. Eb li cuanqueb xcuanquil saꞌ xbe̱n li tenamit, aꞌ li Dios quixakaban reheb.

Salmos 82:6

La̱in xinye, La̱ex diosex xban nak xinqꞌue e̱cuanquil chi rakoc a̱tin. La̱ex cualal incꞌajol, la̱in li nimajcual Dios.

1 Reyes 21:10

Te̱sicꞌ cuibakeb li cui̱nk li incꞌaꞌ useb xnaꞌleb. Te̱cꞌam chak chiru laj Nabot re teꞌxye nak xmajecua li Dios ut xmajecua ajcuiꞌ li rey Acab. Chirix aꞌan te̱cꞌam laj Nabot chire tenamit ut te̱cuti chi pec toj retal ta̱ca̱mk, chan saꞌ li hu.

Levítico 24:14

—Cꞌamomak li cui̱nk aꞌan toj chirix li naꞌajej li cuanqueb cuiꞌ lix muheba̱leb laj Israel. Chixjunileb li queꞌabin re nak quixmajecua lin cꞌabaꞌ teꞌxqꞌue li rukꞌeb saꞌ xbe̱n xjolom retalil nak cuan xma̱c. Ut chirix aꞌan chixjunileb teꞌxcamsi chi pec.

San Juan 10:24

Quisuteꞌ xbaneb laj judío ut queꞌxye re: —¿Jokꞌe ta̱ye ke chi tzꞌakal anihat? ¿Ma yal yo̱kat chixqꞌuebal kacꞌaꞌux? ¿Ma la̱at li Mesías, li yechiꞌinbil xban li Dios? Cui la̱at li Cristo, ye ke chi tzꞌakal anakcuan, chanqueb.

San Juan 10:32

Li Jesús quixye reheb: —Nabal li cha̱bilal xinba̱nu che̱ru joꞌ quicꞌutbesi̱c chicuu xban lin Yucuaꞌ. ¿Bar cuan reheb li cha̱bil cꞌanjel aꞌin li xinba̱nu tine̱cuti cuiꞌ chi pec? chan.

San Juan 19:7

Abanan eb laj judío queꞌxye: —La̱o cuan kachakꞌrab ut li kachakꞌrab naxye nak ta̱camsi̱k xban nak aꞌan quixqꞌue rib chokꞌ Ralal li Dios.—