San Juan 10:32 - Li Santil hu

³² Li Jesús quixye reheb: —Nabal li cha̱bilal xinba̱nu che̱ru joꞌ quicꞌutbesi̱c chicuu xban lin Yucuaꞌ. ¿Bar cuan reheb li cha̱bil cꞌanjel aꞌin li xinba̱nu tine̱cuti cuiꞌ chi pec? chan.

Q'eqchi Bible

³² Ut li Jesus kixye reheb': —Naab'al li chaab'il b'aanuhom li neke'chalk rik'in li Yuwa'b'ej xlajink'ut cheru. B'ar wank reheb' a'an li teeraj wi' inkutinkil chi pek?

San Juan 10:32 ပူးပေါင်းရင်းမြစ်များ

1 Juan 3:12

Mikata̱ke xnaꞌleb laj Caín xban nak aꞌan re laj tza. Aꞌan quixcamsi li ri̱tzꞌin. ¿Cꞌaꞌut nak quixcamsi li ri̱tzꞌin? Xban nak ti̱c xchꞌo̱l li ri̱tzꞌin chiru li Dios ut laj Caín junes ma̱usilal naxba̱nu.

Hechos 10:38

Ac e̱rabiom resil li Jesucristo aj Nazaret. Li Dios quixqꞌue li Santil Musikꞌej re, ut quixqꞌue xcuanquil. Aꞌan quibe̱c yalak bar chixba̱nunquil li usilal ut chixqꞌuirtesinquileb li tacuasinbileb xban laj tza xban nak li Dios cuan riqꞌuin.

Hechos 2:22

Ex aj Israel, abihomak li tinye e̱re. La̱ex ac nequenau nak li Jesús aj Nazaret, aꞌan qꞌuebil xcuanquil xban li Dios saꞌ e̱ya̱nk la̱ex riqꞌuin li sachba chꞌo̱lej ut li milagro quilajxba̱nu. La̱ex ac nequenau nak riqꞌuin xcuanquil li Dios quixba̱nu li sachba chꞌo̱lej.

San Juan 10:37

Cui la̱in incꞌaꞌ yo̱quin chixba̱nunquil li cꞌaꞌru naraj lin Yucuaꞌ, me̱pa̱b nak la̱in li Ralal li Dios.

San Juan 5:36

Li cꞌaꞌru quixchꞌolob laj Juan chicuix, aꞌan ya̱l. Abanan riqꞌuin li cꞌaꞌru ninba̱nu, kꞌaxal cuiꞌchic naxcꞌut chi tzꞌakal anihin la̱in. La̱in ninba̱nu li cꞌaꞌru quixye cue li Yucuaꞌbej. Li cꞌaꞌru ninba̱nu la̱in, aꞌan naxcꞌut nak taklanbilin xban li Yucuaꞌbej.

San Mateo 11:5

Yehomak re nak eb li mutzꞌ nequeꞌiloc chic; eb li ye̱k rok nequeꞌbe̱c chic; eb li saklep rix xeꞌqꞌuirtesi̱c; eb li tzꞌap xic nequeꞌabin chic; eb li camenak nequeꞌcuaclesi̱c cuiꞌchic chi yoꞌyo; ut eb li nebaꞌ yo̱queb chirabinquil resil li usilal, chaꞌkex re.

Eclesiastés 4:4

Ut quinqꞌue ajcuiꞌ retal nak li ani nacꞌanjelac chi cha̱bil ut chi cau, aꞌan nacakali̱c. Ut chixjunil aꞌin ma̱cꞌaꞌ na-oc cuiꞌ. Junes raylal naxqꞌue.

Salmos 35:12

La̱in ninba̱nu usilal reheb, abanan eb aꞌan nequeꞌxba̱nu ma̱usilal cue. Cꞌajoꞌ narahoꞌ inchꞌo̱l xbaneb.

San Juan 10:25

Li Jesús quixye reheb: —Ac xinye e̱re anihin ut incꞌaꞌ niquine̱pa̱b. Li milagros li yo̱quin chixba̱nunquil saꞌ xcꞌabaꞌ lin Yucuaꞌ, aꞌan naxcꞌut chi tzꞌakal anihin.

Jeremías 37:18

Ut laj Jeremías quixye ajcuiꞌ re laj Sedequías: —¿Cꞌaꞌru inma̱c cha̱cuu la̱at, malaj ut chiruheb li nequeꞌtenkꞌan a̱cue, malaj ut chiruheb li tenamit? ¿Cꞌaꞌut nak xine̱qꞌue saꞌ tzꞌalam?

San Juan 10:31

Ut eb laj judío queꞌxchap xpequeb ut queꞌraj cuiꞌchic xcutbal chi pec.

San Juan 10:33

Eb aꞌan queꞌchakꞌoc ut queꞌxye: —Incꞌaꞌ tatkacut chi pec xban li cha̱bilal xaba̱nu. Tatkacut chi pec xban nak nacajuntakꞌe̱ta a̱cuib riqꞌuin li Dios. La̱at yal cui̱nkat. Moco Diosat ta joꞌ yo̱cat chixyebal, chanqueb re li Jesús.