San Juan 10:30 - Li Santil hu

³⁰ La̱in ut li Yucuaꞌbej junajo chi kibil kib, chan li Jesús.

Q'eqchi Bible

³⁰ Laa'in ut li Yuwa'b'ej juno ajwi' chiqib'il qib'.

San Juan 10:30 ပူးပေါင်းရင်းမြစ်များ

San Juan 14:9

Li Jesús quixye re: —At Felipe, ac junxil nin-oc saꞌ e̱ya̱nk. ¿Ma toj ma̱jiꞌ nequenau cuu? Li ani nanaꞌoc cuu la̱in, aꞌan naxnau ajcuiꞌ ru li Yucuaꞌbej. ¿Cꞌaꞌut nak nacaye cue, “Cꞌut chiku li Yucuaꞌbej?”

San Juan 5:23

Quixba̱nu chi joꞌcan re nak chixjunileb teꞌxqꞌue inlokꞌal joꞌ nak nequeꞌxqꞌue xlokꞌal li Yucuaꞌbej. Li ani incꞌaꞌ naxqꞌue inlokꞌal la̱in li Cꞌajolbej, incꞌaꞌ ajcuiꞌ naxqꞌue xlokꞌal li Yucuaꞌbej li quitaklan chak cue.

San Mateo 28:19

Joꞌcan utan texxic saꞌ chixjunil li ruchichꞌochꞌ ut te̱chꞌolob lix ya̱lal chiruheb chixjunileb li tenamit re nak teꞌpa̱ba̱nk. Te̱cubsiheb xhaꞌ saꞌ xcꞌabaꞌ li Dios Acuabej, saꞌ xcꞌabaꞌ li Dios Cꞌajolbej ut saꞌ xcꞌabaꞌ li Dios Santil Musikꞌej.

San Juan 14:23

Quichakꞌoc li Jesús ut quixye re: —La̱in tincꞌutbesi cuib chiruheb li nequeꞌrahoc cue ut nequeꞌxba̱nu li cꞌaꞌru ninye. Eb aꞌan teꞌrahekꞌ xban lin Yucuaꞌ. La̱in ut lin Yucuaꞌ toxic riqꞌuineb ut tocua̱nk riqꞌuineb.

San Juan 8:58

Li Jesús quichakꞌoc ut quixye reheb: —Relic chi ya̱l tinye e̱re nak chalen chak saꞌ xticlajic nak toj ma̱jiꞌ nayoꞌla laj Abraham, ac cuanquin ajcuiꞌ chak la̱in, chan li Jesús.

San Juan 5:17

Li Jesús quixye reheb: —Lin Yucuaꞌ toj yo̱ chixtenkꞌanquileb li cristian ut tento ajcuiꞌ nak tintenkꞌaheb la̱in, chan.

San Mateo 11:27

Ut quixye reheb li tenamit: —Chixjunil li cꞌaꞌak re ru xkꞌaxtesi saꞌ cuukꞌ lin Yucuaꞌ. Ma̱ ani nanaꞌoc cuu la̱in li Cꞌajolbej, caꞌaj cuiꞌ li Acuabej Dios. Ma̱ ani nanaꞌoc ru li Acuabej Dios, caꞌaj cuiꞌ la̱in li Cꞌajolbej. Ut ta̱naꞌekꞌ ajcuiꞌ ru xbaneb li ani tincꞌut cuiꞌ lix ya̱lal, la̱in li Cꞌajolbej.

1 Juan 5:20

Ut la̱o nakanau nak li Ralal li Dios quicꞌulun saꞌ ruchichꞌochꞌ. Quixqꞌue kanaꞌleb re xnaubal bar cuan li tzꞌakal Dios. Ut junajo chic riqꞌuin li tzꞌakal Dios xban nak xkapa̱b li Jesucristo li Ralal li Dios. Aꞌan li naqꞌuehoc ke li yuꞌam chi junelic.

Tito 2:13

Joꞌcan taxak yo̱ko nak yo̱ko chiroybeninquil li lokꞌlaj cutan nak tol-e̱lk cuiꞌchic li Jesucristo li nakayoꞌoni. Saꞌ li cutan aꞌan ta̱cꞌutbesi̱k chiku lix lokꞌal li kanimajcual Dios, li Jesucristo laj Colol ke.

San Juan 17:10

Chixjunileb li cualal incꞌajol, a̱cualal a̱cꞌajol ajcuiꞌ la̱at. Ut chixjunileb la̱ cualal a̱cꞌajol, cualal incꞌajol ajcuiꞌ la̱in. Ut eb aꞌan nequeꞌxnima inlokꞌal.

1 Timoteo 3:16

Relic chi ya̱l kꞌaxal lokꞌ li katijbal li quixcꞌut chiku li Dios. Naxcꞌut chiku lix ya̱lal li kapa̱ba̱l saꞌ xcꞌabaꞌ li Jesucristo. Li xya̱lal aꞌan aꞌin: Li Cristo quitzꞌejcualoꞌ nak quicꞌulun saꞌ ruchichꞌochꞌ. Xakabanbil xcuanquil xban li Santil Musikꞌej. Qui-ileꞌ ru xbaneb li ángel. Ut aꞌan li chꞌolobanbil resil saꞌ chixjunil li ruchichꞌochꞌ. Ut nabaleb li queꞌpa̱ban re saꞌ ruchichꞌochꞌ. Ut quicꞌameꞌ saꞌ choxa riqꞌuin xnimal xlokꞌal.

San Juan 16:15

Chixjunil li cꞌaꞌru cuan re lin Yucuaꞌ, cue ajcuiꞌ la̱in. Joꞌcan nak xinye e̱re nak li cꞌaꞌru tinye e̱re, aꞌan ajcuiꞌ li tixcꞌutbesi che̱ru li Santil Musikꞌej.

1 Juan 5:7

Saꞌ choxa cuanqueb li oxibeb li nequeꞌchꞌoloban lix ya̱lal. Aꞌaneb aꞌin: li Dios Acuabej, li Dios Cꞌajolbej ut li Dios Santil Musikꞌej. Li oxib aꞌin junajeb chi ribil.

Deuteronomio 6:4

Abihomak, la̱ex aj Israel, li Ka̱cuaꞌ li kaDios, aꞌan jun ajcuiꞌ.

San Juan 10:29

Lin Yucuaꞌ li kꞌaxal nim xcuanquil chiruheb chixjunil, aꞌan li quikꞌaxtesin reheb saꞌ cuukꞌ. Ma̱ ani naru ta̱makꞌok reheb chiru aꞌan.

San Juan 10:36

Li Acuabej Dios xsicꞌoc cuu ut xinixtakla chak saꞌ ruchichꞌochꞌ. ¿Cꞌaꞌut nak nequeye la̱ex nak yo̱quin chixmajecuanquil li Dios riqꞌuin nak ninye nak la̱in li Ralal?