San Juan 10:27 - Li Santil hu

²⁷ Eb li cualal incꞌajol nequeꞌrabi li cꞌaꞌru ninye. La̱in ninnauheb ru ut eb aꞌan nequeꞌxba̱nu li cꞌaꞌru ninye.

Q'eqchi Bible

²⁷ Eb' linkarneer neke'rab'i xyaab' inkux; laa'in nekeb'innaw ru ut eb' a'an nikine'xtaaqe.

San Juan 10:27 ပူးပေါင်းရင်းမြစ်များ

San Juan 10:16

Cuanqueb ajcuiꞌ cualal incꞌajol jalaneb xtenamiteb. Tento nak la̱in tincꞌameb chak. Eb aꞌan teꞌrabi ajcuiꞌ xya̱b lin cux. Ut junajakeb chic ru nak teꞌcua̱nk ut junak ajcuiꞌ laj ilol reheb.

San Juan 10:14

La̱in chanchanin jun cha̱bil pastor. La̱in ninnau ruheb li cualal incꞌajol. Ut eb aꞌan nequeꞌxnau cuu la̱in.

Apocalipsis 3:20

Chanchan nak cuanquin chire li oqueba̱l nak yo̱quin che̱bokbal. Li ani ta̱abi̱nk re li cua̱tin ut tinixpa̱b, la̱in tincua̱nk riqꞌuin ut tocua̱nk chi sum a̱tin.

1 Corintios 8:3

Abanan li ani narahoc re li Dios, li Dios naxnau nak aꞌan li ralal xcꞌajol.

Hebreos 3:7

Li Ka̱cuaꞌ Jesucristo kꞌaxal nim xcuanquil. Joꞌcan nak takabi li ra̱tin li naxye li Santil Musikꞌej: Cherabihak anakcuan li cua̱tin.

San Juan 5:25

Chi ya̱l ninye e̱re ta̱cuulak xkꞌehil ut anakcuan ajcuiꞌ xcuulac xcutanquil, nak eb li chanchan camenakeb xban li ma̱c teꞌrabi li cua̱tin la̱in li Cꞌajolbej. Ut li teꞌabi̱nk cue teꞌcua̱nk xyuꞌam chi junelic.

San Juan 8:12

Li Jesús quia̱tinac cuiꞌchic riqꞌuineb li tenamit ut quixye reheb: —La̱in lix cutan saken li ruchichꞌochꞌ. Li ani ta̱pa̱ba̱nk cue la̱in, incꞌaꞌ chic ta̱cua̱nk saꞌ xkꞌojyi̱nal ru li ma̱c. Ta̱cua̱nk ban saꞌ cutan saken ut ta̱cua̱nk xyuꞌam chi junelic, chan.

Gálatas 4:9

Anakcuan ac xexpa̱ban ut rehex chic li Dios. ¿Cꞌaꞌut nak te̱raj cuiꞌchic sukꞌi̱c chi cꞌanjelac saꞌ le̱ najteril naꞌleb li ma̱cꞌaꞌ na-oc cuiꞌ? Ut, ¿cꞌaꞌut nak te̱raj cuiꞌchic xqꞌuebal e̱rib rubel xcuanquil li najter chakꞌrab?

San Juan 10:8

Chixjunileb li queꞌcꞌulun xbe̱n cua chicuu la̱in, aꞌaneb aj e̱lkꞌeb ut aj balakꞌeb. Ut eb li nequeꞌpa̱ban cue, incꞌaꞌ nequeꞌxpa̱b li cꞌaꞌru nequeꞌxye.

San Juan 12:26

Li ani ta̱raj cꞌanjelac chicuu, tento tinixta̱ke ut tixba̱nu li cꞌaꞌru ninye. Bar cua̱nkin la̱in, aran ajcuiꞌ ta̱cua̱nk aꞌan. Ut lin Yucuaꞌ ta̱qꞌuehok xlokꞌal li ani ta̱cꞌanjelak chicuu, chan li Jesús reheb.

San Juan 8:43

¿Cꞌaꞌut nak incꞌaꞌ nequetau ru li cꞌaꞌru ninye? Incꞌaꞌ nequecꞌul li cua̱tin xban nak incꞌaꞌ nequeraj rabinquil li cꞌaꞌru yo̱quin chixyebal.

1 Reyes 18:21

Ut laj Elías quijiloc cuanqueb cuiꞌ chixjunil li tenamit ut quixye reheb: —¿Joꞌ najtil chic texcua̱nk chi cuib ru le̱ cꞌaꞌux? Cui li Ka̱cuaꞌ, aꞌan li tzꞌakal Dios, ¿cꞌaꞌut nak incꞌaꞌ te̱pa̱b? Ut cui laj Baal, aꞌan li tzꞌakal Dios, ta̱kehomak aꞌan, chan. Ut eb li tenamit ma̱ jun a̱tin queꞌxye.

San Lucas 9:23

Li Jesús quixye reheb chixjunileb li cuanqueb aran: —Li ani ta̱raj inpa̱banquil tento nak tixtzꞌekta̱na li cꞌaꞌru naxrahi ru lix chꞌo̱l. Tixcuy xnumsinquil li raylal li tixcꞌul, usta ta̱camsi̱k saꞌ incꞌabaꞌ. Ut chinixta̱kehak.

San Mateo 17:5

Toj yo̱ ajcuiꞌ chi a̱tinac aꞌan nak quichal saꞌ xbe̱neb jun li chok nalemtzꞌun. Li Dios quia̱tinac chak saꞌ li chok, ut quixye: —Aꞌin li cualal raro inban. Riqꞌuin aꞌan nasahoꞌ inchꞌo̱l. Cherabihak li cꞌaꞌru tixye.—

2 Timoteo 2:19

Abanan lix ya̱lal qꞌuebil ke xban li Dios incꞌaꞌ naru najalman ru. Joꞌcaꞌin tzꞌi̱banbil saꞌ li Santil Hu: li Dios naxnau ruheb li ralal xcꞌajol, ut chixjunileb li teꞌxcꞌabaꞌin xcꞌabaꞌ li Ka̱cuaꞌ, tento nak teꞌxcanab chi junaj cua li ma̱usilal.

San Juan 21:22

Li Jesús quixye re: —Cui la̱in tincuaj nak yoꞌyo̱k aꞌan toj tincꞌulu̱nk cuiꞌchic, ¿cꞌaꞌru ta̱cuaj re la̱at? La̱at qꞌue a̱chꞌo̱l chinta̱kenquil, chan li Jesús re laj Pedro.

San Lucas 13:27

Ut laj e̱chal cab tixye cuiꞌchic e̱re, “Ninye e̱re nak incꞌaꞌ ninnau bar xexchal chak. Elenkex chicuu, la̱ex aj ba̱nuhom ma̱usilal”, chaꞌak.

San Marcos 8:34

Tojoꞌnak quixbokeb li qꞌuila tenamit rochbeneb lix tzolom ut quixye reheb: —Li ani ta̱raj inpa̱banquil, tento nak tixtzꞌekta̱na li cꞌaꞌru naxrahi ru lix chꞌo̱l. Tixcuy xnumsinquil li raylal li tixcꞌul usta ta̱camsi̱k saꞌ incꞌabaꞌ. Ut chinixta̱kehak.

San Mateo 25:12

Ut li be̱lomej quichakꞌoc ut quixye reheb: “Relic chi ya̱l tinye e̱re incꞌaꞌ ninnau e̱ru.”

San Mateo 16:24

Ut li Jesús quixye reheb lix tzolom: —Li ani ta̱raj inpa̱banquil, tento nak tixtzꞌekta̱na li cꞌaꞌru naxrahi ru lix chꞌo̱l. Tixcuy xnumsinquil li raylal, usta ta̱camsi̱k saꞌ incꞌabaꞌ. Ut chinixta̱kehak.

San Mateo 7:23

Ut la̱in tinye reheb, “La̱ex ma̱cuaꞌex cualal incꞌajol. La̱in incꞌaꞌ ninnau e̱ru. Elenkex chicuu, ex aj ba̱nuhom ma̱usilal.”

Apocalipsis 14:4

Aꞌaneb aꞌin li queꞌpa̱ban re li Jun li chanchan carner, li queꞌta̱ken re yalak bar, li incꞌaꞌ queꞌxmux ribeb riqꞌuin ixk chi incꞌaꞌ sumsu̱queb. Aꞌineb li xbe̱n queꞌcoleꞌ saꞌ xya̱nkeb li cuanqueb saꞌ ruchichꞌochꞌ re nak teꞌoc chokꞌ ralal xcꞌajol li Dios ut chokꞌ ralal xcꞌajol li Jun li chanchan carner.

Hechos 3:23

Ut li ani incꞌaꞌ tixpa̱b li cꞌaꞌru tixye li profeta aꞌan, ta̱isi̱k saꞌ xya̱nkeb lix tenamit li Dios ut ta̱sachekꞌ ru. (Deut. 18:18-19)

San Marcos 10:21

Li Jesús cꞌajoꞌ nak quixra li cui̱nk. Quixcaꞌya ut quixye re: —Jun chic toj ma̱jiꞌ nacaba̱nu. Ayu, cꞌayi chixjunil li cꞌaꞌru cuan a̱cue ut ta̱si lix tzꞌak reheb li nebaꞌ re nak ta̱cua̱nk a̱biomal saꞌ choxa. Nak ac xaba̱nu aꞌan, tatcha̱lk cuiqꞌuin ut tina̱ta̱ke usta ca̱mc ta̱cꞌul saꞌ incꞌabaꞌ, chan.

Isaías 66:22

Joꞌ nak ta̱cua̱nk chi junelic li acꞌ choxa ut li acꞌ ruchichꞌochꞌ li tinyi̱b, joꞌcan ajcuiꞌ nak ta̱cua̱nk chi junelic le̱ ralal e̱cꞌajol. Ut incꞌaꞌ ta̱sachk le̱ cꞌabaꞌ. Cua̱nk ban chi junelic.