San Juan 10:21 - Li Santil hu

²¹ Ut cuanqueb cuiꞌchic yo̱queb xyebal: —Incꞌaꞌ naru ta̱a̱tinak chi joꞌcan cui cuan ma̱us aj musikꞌej riqꞌuin. ¿Ma ta̱ru̱k ta biꞌ tixqꞌue chi iloc junak mutzꞌ cui cuan ma̱us aj musikꞌej riqꞌuin? chanqueb.

Q'eqchi Bible

²¹ Ab'anan wankeb' ajwi' ke'yehok: —Eb' li aatin a'in moko raatineb' ta junaq eechaninb'il xb'aan laj tza. Ma truuq tab'i' laj tza xteeb'al xsa' ruheb' li mutz'?

San Juan 10:21 ပူးပေါင်းရင်းမြစ်များ

Éxodo 4:11

Ut li Ka̱cuaꞌ Dios quixye re: —¿Ma ma̱cuaꞌ ta biꞌ la̱in xinqꞌuehoc xtzꞌu̱mal re li cui̱nk? ¿Ani xba̱nun re li mem ut li tzꞌap xic ut li mutzꞌ? ¿Ma ma̱cuaꞌ la̱in li nimajcual Dios?

San Mateo 11:5

Yehomak re nak eb li mutzꞌ nequeꞌiloc chic; eb li ye̱k rok nequeꞌbe̱c chic; eb li saklep rix xeꞌqꞌuirtesi̱c; eb li tzꞌap xic nequeꞌabin chic; eb li camenak nequeꞌcuaclesi̱c cuiꞌchic chi yoꞌyo; ut eb li nebaꞌ yo̱queb chirabinquil resil li usilal, chaꞌkex re.

Salmos 94:9

¿Ma nequecꞌoxla la̱ex nak li Dios incꞌaꞌ narabi li cꞌaꞌru nequeye? ¿Ma ma̱cuaꞌ ta biꞌ aꞌan quiyi̱ban re li kaxic? ¿Ma nequecꞌoxla la̱ex nak li Dios incꞌaꞌ naril li yo̱quex chixba̱nunquil? ¿Ma ma̱cuaꞌ ta biꞌ aꞌan li quiyi̱ban re li xnakꞌ ku?

San Juan 9:6

Nak ac xye aꞌin, li Jesús quichu̱bac saꞌ chꞌochꞌ. Riqꞌuin lix chu̱b quixyi̱b li sulul. Ut quixyul saꞌ rix ru li mutzꞌ.

San Mateo 4:24

Quicuulac resil saꞌ chixjunil li naꞌajej Siria li cꞌaꞌru yo̱ chixba̱nunquil li Jesús aran Galilea. Ut queꞌxcꞌam riqꞌuin chixjunileb li yaj. Qꞌuila pa̱y ru lix yajeleb ut lix raylaleb. Cuan li toj nakꞌehin xyajeleb. Ut cuan li cuanqueb ma̱us aj musikꞌej riqꞌuineb ut cuanqueb ajcuiꞌ li sic. Ut li Jesús naxqꞌuirtesiheb.

Proverbios 20:12

Li Ka̱cuaꞌ quixqꞌue li kaxic re nak to-abi̱nk ut quixqꞌue ajcuiꞌ li xnakꞌ ku re nak to-ilok.

Salmos 146:8

Li Ka̱cuaꞌ naxqꞌueheb chi iloc li mutzꞌ. Ut naxqꞌue xcacuilal xchꞌo̱leb li yo̱queb chi chꞌina̱nc xchꞌo̱l. Li Ka̱cuaꞌ naxraheb li ti̱queb xchꞌo̱l.

Éxodo 8:19

Eb laj kꞌe queꞌxye re laj faraón: —Aꞌin xba̱nuhom li Ka̱cuaꞌ Dios, chanqueb. Ut joꞌ quixye li Dios, laj faraón kꞌaxal cuiꞌchic quicacuubresi xchꞌo̱l ut incꞌaꞌ qui-abin chiruheb.

San Juan 10:22

Yo̱ li habalkꞌe aran Jerusalén nak quicuulac xkꞌehil li ninkꞌe re xjulticanquil nak queꞌxkꞌaxtesi li templo saꞌ rukꞌ li Ka̱cuaꞌ Dios.