San Juan 10:12 - Li Santil hu

¹² Junak tojbil mo̱s ma̱cuaꞌ tzꞌakal pastor xban nak ma̱cuaꞌ aꞌan laj e̱chal re li carner. Naril nak yo̱ chi cha̱lc laj xoj, naxcanabeb li carner ut nae̱lelic. Ut laj xoj naxchapeb li carner ut naxchaꞌchaꞌi ruheb.

Q'eqchi Bible

^12-13 A'ut li yal tojb'il, li maawa' aj k'aak'alenel ut moko re ta eb' li karneer, naq nachalk laj xojb', naxkanab'eb' li karneer ut na'elelik, xb'aan naq yal tojb'il ut maak'a' naraj wi' eb' li karneer; jo'kan naq laj xojb' naxsaapuheb' ut naxcha'cha'iheb'.

San Juan 10:12 ပူးပေါင်းရင်းမြစ်များ

2 Pedro 2:3

Eb aꞌan aj ticꞌtiꞌeb. Caꞌaj cuiꞌ le̱ tumin nequeꞌraj. Xban xrahinquil ru li tumin nequeꞌbalakꞌic riqꞌuin ticꞌtiꞌ. Lix rahobtesinquileb aꞌan ac tenebanbil chak saꞌ xbe̱neb najter xban li Dios. Incꞌaꞌ chic ta̱ba̱yk. Cuulac ban re xcutanquil nak teꞌsachekꞌ ruheb.

Tito 1:7

Li ani nacꞌamoc be chiruheb laj pa̱banel, li jun aꞌan aj cꞌanjel chiru li Dios. Joꞌcan nak tento nak ti̱cak xchꞌo̱l re nak ma̱ ani ta̱a̱tinak chirix. Moco kꞌetkꞌetak ta ut moco chꞌinpoꞌak ta, chi moco ta̱cala̱k, chi moco ta̱pletik. Ut ma̱cuaꞌak aj rahol ru biomal, chi moco tixsicꞌ xtumin riqꞌuin balakꞌic.

2 Timoteo 4:10

Cuanquin injunes arin. Laj Demas xinixcanab xban xrahinquil ru li cꞌaꞌak re ru cuan saꞌ ruchichꞌochꞌ ut xco̱ saꞌ li tenamit Tesalónica. Laj Crescente xco̱ Galacia chi cꞌanjelac ut laj Tito xco̱ saꞌ li naꞌajej Dalmacia.

1 Timoteo 3:8

Ut joꞌcan ajcuiꞌ li nequeꞌcꞌanjelac saꞌ xya̱nkeb laj pa̱banel. Tento nak ti̱cakeb xchꞌo̱l. Ut li cꞌaꞌru teꞌxye teꞌxba̱nu, cheꞌxba̱nuhak ajcuiꞌ. Ma̱cuaꞌakeb aj calajenak. Ut incꞌaꞌ teꞌxsicꞌ xtumineb riqꞌuin balakꞌi̱nc.

1 Timoteo 3:3

Laj cꞌamol be ma̱cuaꞌak aj calajenak ut ma̱cuaꞌak aj sicꞌol ple̱t. Ma̱cuaꞌak aj rahol ru tumin. Tu̱lanak ban ut cua̱nk saꞌ xya̱lal.

Hechos 20:29

La̱in ninnau nak tine̱lk saꞌ e̱ya̱nk, chanchanakeb laj xoj nak teꞌcha̱lk li jalaneb xnaꞌleb chixpoꞌbal ru le̱ pa̱ba̱l. Eb aꞌan incꞌaꞌ teꞌril xtokꞌoba̱l e̱ru.

1 Pedro 5:2

La̱ex laj cꞌamol be, tintzꞌa̱ma che̱ru nak te̱qꞌue e̱chꞌo̱l chirilbaleb li ralal xcꞌajol li Dios joꞌ nak laj ilol xul narileb lix xul chi anchal xchꞌo̱l. Te̱qꞌue e̱chꞌo̱l chixchꞌolaninquileb laj pa̱banel li kꞌaxtesinbil e̱re xban li Dios chi ma̱cuaꞌ minbil e̱ru. Te̱ba̱nu ban chi anchal e̱chꞌo̱l. Me̱ba̱nu yal xban xrahinquil ru le̱ tojbal. Cheba̱nu ban xban nak te̱raj cꞌanjelac chiru li Dios.

San Juan 10:3

Li nacꞌacꞌalen re li oqueba̱l naxnau ru aꞌan ut naxte li oqueba̱l chiru. Ut eb li carner nequeꞌxnau ru li xya̱b xcux nak naxbokeb chi xju̱nkaleb riqꞌuin lix cꞌabaꞌeb ut narisiheb saꞌ li corral.

San Mateo 10:16

Chenauhak nak la̱in tintakla̱nk e̱re saꞌ xya̱nkeb li xicꞌ nequeꞌiloc e̱re. Chanchanakex li carner saꞌ xya̱nkeb laj xoj. Se̱bak e̱chꞌo̱l joꞌcakex li cꞌantiꞌ ut ti̱cak e̱chꞌo̱l joꞌcakex li paloma.

San Mateo 7:15

Chenauhak xcolbal e̱rib chiruheb li profeta aj balakꞌ. Chanchan nak cha̱bileb joꞌ li carner nak nequeꞌcꞌutun. Abanan moco ya̱l ta. Chanchaneb li joskꞌ aj xoj nak nequeꞌchal chi balakꞌi̱nc.

San Juan 10:2

Abanan li ani na-oc saꞌ li tzꞌakal oqueba̱l re li corral, li jun aꞌan aj ilol reheb li carner.

San Juan 10:13

Li tojbil mo̱s nae̱lelic xban nak yal mo̱s. Aꞌan incꞌaꞌ naxqꞌue xchꞌo̱l chixcolbaleb li carner.