San Juan 10:10 - Li Santil hu

¹⁰ Laj e̱lkꞌ nachal chi elkꞌac ut chi camsi̱nc ut chi sachoc. La̱in xinchal re nak ta̱cua̱nk e̱yuꞌam chi tzꞌakal. Ta̱cua̱nk e̱yuꞌam chi junelic.

Q'eqchi Bible

¹⁰ “Laj elq' ka'ajwi' elq'ak, kamsink ut sachok naraj naq nachalk. Laa'in xinchalk re naq te'wanq xyu'am ut taawanq chi numtajenaq.

San Juan 10:10 ပူးပေါင်းရင်းမြစ်များ

San Lucas 19:10

La̱in li Cꞌajolbej xincꞌulun chixsicꞌbal ut chixcolbal li sachenakeb, chan li Jesús.

San Juan 6:51

La̱in li yoꞌyo̱quil cua. Quinchal chak saꞌ choxa. Li ani napa̱ban cue la̱in incꞌaꞌ ta̱sachk. Cua̱nk ban xyuꞌam chi junelic. Li cua li tinqꞌue la̱in, aꞌan lin tibel nak tinkꞌaxtesi cuib chi ca̱mc re nak ta̱ru̱k teꞌcua̱nk xyuꞌameb chi junelic li cuanqueb saꞌ ruchichꞌochꞌ, chan li Jesús.

San Juan 12:47

La̱in incꞌaꞌ xinchal saꞌ ruchichꞌochꞌ chixqꞌuebaleb chixtojbal rix lix ma̱queb li ani nequeꞌabin re li cꞌaꞌru ninye ut incꞌaꞌ nequeꞌxba̱nu. Ma̱cuaꞌ re xqꞌuebaleb chixtojbal lix ma̱queb nak xinchal. Xinchal ban chixcolbaleb.

San Juan 6:33

Li tzꞌakal choxahil cua li naxqꞌue li Dios, aꞌan li jun li quichal chak saꞌ choxa ut naxqꞌue li junelic yuꞌam reheb li cuanqueb saꞌ ruchichꞌochꞌ, chan.

San Juan 3:17

Li Dios incꞌaꞌ quixtakla chak li Ralal saꞌ ruchichꞌochꞌ chixtenebanquil li tojba ma̱c saꞌ xbe̱neb li cuanqueb saꞌ ruchichꞌochꞌ. Quixtakla ban chak re nak saꞌ xcꞌabaꞌ aꞌan teꞌcolekꞌ.

1 Timoteo 1:15

Nakanau nak tzꞌakal ya̱l ut xcꞌulub nak takapa̱b chi anchal li kachꞌo̱l nak li Cristo Jesús quicꞌulun saꞌ ruchichꞌochꞌ chixcolbaleb laj ma̱c. Ut la̱in li kꞌaxal numtajenak inma̱c saꞌ xya̱nkeb chixjunileb nak quincuan.

San Juan 10:1

Relic chi ya̱l tinye e̱re, li ani na-oc saꞌ xcorraleb li carner chi incꞌaꞌ na-oc saꞌ li tzꞌakal oqueba̱l re li corral, li jun aꞌan aj e̱lkꞌ.

San Mateo 20:28

La̱in li Cꞌajolbej. Abanan incꞌaꞌ xinchal re nak teꞌxcꞌanjela cuu. Xinchal ban re tincꞌanjelak chiruheb chixjunil ut re xqꞌuebal lin yuꞌam re xtojbal rix lix ma̱queb chixjunileb.—

Hebreos 7:25

Li Jesucristo aꞌan tzꞌakal ta̱colok reheb chixjunileb li nequeꞌpa̱ban re li Dios saꞌ xcꞌabaꞌ aꞌan. Li Jesucristo yoꞌyo chi junelic ut naa̱tinac chirixeb chiru li Dios.

Isaías 56:11

Chanchaneb li tzꞌiꞌ li junes cuaꞌac nequeꞌraj ut incꞌaꞌ nacꞌojla xchꞌo̱leb. Chanchaneb laj ilol xul li incꞌaꞌ nequeꞌxtau xya̱lal. Chixjunileb nequeꞌxba̱nu li cꞌaꞌru nequeꞌraj ut junes li cꞌaꞌru us chokꞌ reheb nequeꞌxcꞌoxla.

2 Pedro 1:11

Ut naru chic tex-oc chokꞌ ralal xcꞌajol li Dios. Ut tex-oc ajcuiꞌ saꞌ lix nimajcual xcuanquilal li Ka̱cuaꞌ Jesucristo laj Colol ke.

Hebreos 6:17

Joꞌcan nak li Dios quixyechiꞌi li ma̱tan riqꞌuin juramento. Quiraj xcꞌutbal chiruheb li teꞌe̱chani̱nk re nak tzꞌakal ya̱l li yo̱ chixyebal. Ut incꞌaꞌ tixjal ru li ra̱tin.

San Mateo 23:13

Ra cha̱lel saꞌ e̱be̱n, la̱ex aj tzꞌi̱b ut la̱ex aj fariseo, ex aj caꞌ pacꞌal u. Incꞌaꞌ nequecꞌut lix ya̱lal chiruheb li tenamit ut nequeram chiruheb lix cuanquil li Dios. La̱ex incꞌaꞌ nequeraj xkꞌaxtesinquil e̱rib rubel xcuanquil li nimajcual Dios ut incꞌaꞌ ajcuiꞌ nequecanabeb chixkꞌaxtesinquileb rib li ani nequeꞌraj.

Romanos 2:21

Cui la̱at nacatzoleb li jalan chic, ¿cꞌaꞌut nak incꞌaꞌ nacatzol a̱cuib la̱at? La̱at nacachꞌolob xya̱lal nak incꞌaꞌ us li elkꞌac. ¿Cꞌaꞌut nak toj yo̱cat ajcuiꞌ chi elkꞌac la̱at?

Oseas 7:1

Nak xcuaj raj xcolbaleb laj Israel, xjulticoꞌ cue lix ma̱queb li ralal xcꞌajol laj Efraín joꞌ ajcuiꞌ lix ma̱queb laj Samaria. Nequeꞌbalakꞌin, nequeꞌelkꞌac saꞌ rochocheb li ras ri̱tzꞌin, ut nequeꞌelkꞌac ajcuiꞌ saꞌ eb li be.

San Mateo 18:10

La̱in ninye e̱re cheqꞌuehak retal me̱tzꞌekta̱na junak reheb li kꞌuneb xchꞌo̱l saꞌ lix pa̱ba̱l xban nak eb aꞌan cꞌacꞌalenbileb xbaneb li ángel, li cuanqueb riqꞌuin lin Yucuaꞌ cuan saꞌ choxa.

San Marcos 11:17

Ut qui-oc xchꞌolobanquil xya̱lal chiruheb ut quixye: —¿Ma incꞌaꞌ ta biꞌ tzꞌi̱banbil saꞌ li Santil Hu li cꞌaꞌru quixye li Dios? “Li cuochoch, aꞌan re teꞌtijok cuiꞌ chixjunileb li tenamit.” Abanan la̱ex xeqꞌue li rochoch li Dios chokꞌ xnaꞌajeb laj e̱lkꞌ, chan li Jesús.

San Juan 12:6

Ma̱cuaꞌ xban nak naxraheb li nebaꞌ nak quixye aꞌan. Quixye chi joꞌcan xban nak aj e̱lkꞌ. Riqꞌuin aꞌan cuan lix bo̱lsil li tumin ut cuan nak naxchap chokꞌ re aꞌan li tumin cuan chi saꞌ.

San Mateo 21:13

Quixye reheb: —Joꞌcaꞌin tzꞌi̱banbil saꞌ li Santil Hu chirix li rochoch li Dios: Li cuochoch aꞌin re teꞌtijok cuiꞌ li tenamit nak cuan. Abanan la̱ex xeqꞌue li rochoch li Dios chokꞌ xnaꞌajeb laj e̱lkꞌ, chan li Jesús reheb.

San Juan 5:40

La̱ex incꞌaꞌ nequeraj xpa̱banquil nak la̱in ninqꞌuehoc e̱re le̱ yuꞌam chi junelic.

San Juan 10:11

La̱in chanchanin jun li cha̱bil pastor. Junak cha̱bil pastor naxkꞌaxtesi lix yuꞌam saꞌ xcꞌabaꞌeb lix carner.

San Mateo 18:11

La̱in li Cꞌajolbej quincꞌulun arin saꞌ ruchichꞌochꞌ chixcolbaleb li sachenakeb saꞌ li ma̱c.