San Juan 1:7 - Li Santil hu

⁷ Quitakla̱c chak chixchꞌolobanquil xya̱lal nak li Jesús, aꞌan li cutan saken re nak chixjunileb li ani teꞌabi̱nk re, teꞌpa̱ba̱nk.

Q'eqchi Bible

⁷ A'an kichalk cho'q aj yehol yaal chirix li saqenk re naq chixjunileb' te'paab'anq xb'aan.

San Juan 1:7 ပူးပေါင်းရင်းမြစ်များ

Hechos 19:4

Laj Pablo quixye reheb: —Laj Juan quixcubsiheb xhaꞌ li queꞌxyotꞌ xchꞌo̱l ut queꞌxjal xcꞌaꞌux. Quixye reheb nak teꞌpa̱ba̱nk saꞌ xcꞌabaꞌ li Jesucristo li tol-e̱lk mokon, chan.

San Juan 1:36

Nak quiril li Jesús yo̱ chi numecꞌ nachꞌ cuanqueb cuiꞌ, laj Juan quixye: —Cueꞌ chak li Cristo, li chanchan carner qꞌuebil chak xban li Dios, chan.

San Juan 1:12

Abanan chixjunileb li queꞌcꞌuluc re ut queꞌpa̱ban re nak aꞌan taklanbil chak xban li Dios, aꞌaneb li quixcꞌuleb chokꞌ ralal xcꞌajol li Dios.

San Juan 1:9

Aꞌan li tzꞌakal cutan saken li quicꞌulun saꞌ ruchichꞌochꞌ chixcutanobresinquil xcꞌaꞌuxeb chixjunileb li cristian.

San Juan 1:15

Laj Juan laj Cubsihom Haꞌ quixchꞌolob xya̱lal chi cau xya̱b xcux ut quixye: —Aꞌan aꞌin li quinchꞌolob chak xya̱lal che̱ru nak quinye e̱re: Mokon ta̱cha̱lk jun kꞌaxal nim xcuanquil chicuu la̱in xban nak aꞌan ac cuan ajcuiꞌ chak junxil chicuu la̱in, chan.

2 Pedro 3:9

Cuan li nequeꞌxye nak li Ka̱cuaꞌ Jesucristo xbay chak chi cha̱lc. Incꞌaꞌ ajcuiꞌ xcꞌulun joꞌ quixye, chanqueb. Abanan incꞌaꞌ yo̱ chak chi ba̱yc. Toj ma̱jiꞌ nacꞌulun xban nak nim lix cuyum e̱riqꞌuin la̱ex. Incꞌaꞌ naraj nak ta̱sachk junak. Naraj ban nak teꞌyotꞌekꞌ xchꞌo̱l ut teꞌxjal xcꞌaꞌux.

Tito 2:11

Li Dios quixcꞌutbesi lix nimal ruxta̱n re xcolbaleb chixjunileb li cuanqueb jun sut rubel choxa.

Efesios 3:9

Joꞌcan nak tento tinchꞌolob yalak bar lix ya̱lal li naꞌleb li mukmu nak quicuan chak junxil. Chalen chak saꞌ xticlajic chixjunil li naꞌleb aꞌin mukmu chak xban li Dios li quiyi̱ban re chixjunil.

1 Timoteo 2:4

Li Dios naraj nak chixjunileb teꞌcolekꞌ ut teꞌxtau ru chi tzꞌakal cꞌaꞌru li ya̱l.

San Juan 1:19

Eb laj judío li cuanqueb Jerusalén queꞌxtaklaheb laj tij ut eb laj levita chixpatzꞌbal re laj Juan, ut queꞌxye re: —¿Anihat la̱at? ¿Ma la̱at li Cristo li taklanbil chak xban li Dios? chanqueb re.

Malaquías 3:1

Li Dios quixye: —La̱in tintakla lin takl laj cꞌamol be chicuu. Aꞌan ta̱chꞌoloba̱nk xya̱lal chiruheb li tenamit re nak eb aꞌan yoꞌon cua̱nkeb chixcꞌulbal li Jun li tintakla. Chi se̱b ta̱cha̱lk li Ka̱cuaꞌ li yo̱quex chixsicꞌbal ut ta̱oc saꞌ li templo. Li ani cha̱lc re, aꞌan ta̱xakaba̱nk re xcuanquil li contrato, li yo̱quex chiroybeninquil, chan li Dios.

Gálatas 3:26

Anakcuan la̱ex chic ralal xcꞌajol li Dios che̱junilex xban nak xepa̱b li Jesucristo.