San Juan 1:6 - Li Santil hu

⁶ Quicuan jun li cui̱nk aj Juan xcꞌabaꞌ taklanbil chak xban li Dios.

Q'eqchi Bible

⁶ Kol'elq jun li winq taqlanb'il chaq xb'aan li Yos, aj Jwan xk'ab'a'.

San Juan 1:6 ပူးပေါင်းရင်းမြစ်များ

Malaquías 3:1

Li Dios quixye: —La̱in tintakla lin takl laj cꞌamol be chicuu. Aꞌan ta̱chꞌoloba̱nk xya̱lal chiruheb li tenamit re nak eb aꞌan yoꞌon cua̱nkeb chixcꞌulbal li Jun li tintakla. Chi se̱b ta̱cha̱lk li Ka̱cuaꞌ li yo̱quex chixsicꞌbal ut ta̱oc saꞌ li templo. Li ani cha̱lc re, aꞌan ta̱xakaba̱nk re xcuanquil li contrato, li yo̱quex chiroybeninquil, chan li Dios.

San Juan 3:28

La̱ex querabi ajcuiꞌ chak nak quinye nak moco la̱in ta li Cristo. Yal taklanbilin ban chak xbe̱n cua chiru aꞌan chixchꞌolobanquil li resilal.

San Juan 1:33

Incꞌaꞌ raj xinnau nak aꞌan li Cristo cui ta incꞌaꞌ quicuil li quicꞌulman. Xinnau nak aꞌan li Cristo xban nak li Dios li quitaklan chak cue chi cubsi̱nc haꞌ quixye cue, “Nak ta̱cuil li Santil Musikꞌej chanchan jun li paloma yo̱k chi cubec ut ta̱hila̱nk saꞌ xbe̱n jun li cui̱nk, aꞌan retalil nak aꞌan li ta̱qꞌuehok e̱re li Santil Musikꞌej”, chan li Dios.

Hechos 13:24

Nak toj ma̱jiꞌ nacꞌulun li Jesús, laj Juan yo̱ chixchꞌolobanquil chiruheb chixjunileb laj Israel nak tento teꞌxyotꞌ xchꞌo̱l teꞌxjal xcꞌaꞌux ut teꞌxcꞌul li cubi haꞌ.

San Lucas 1:76

At cualal, la̱at xprofeta li nimajcual Dios. La̱at tatxic xbe̱n cua chiru li Ka̱cuaꞌ ut ta̱chꞌolob lix ya̱lal chiruheb li tenamit re nak teꞌxcauresi ribeb chixcꞌulbal li Ka̱cuaꞌ.

San Mateo 11:10

Chirix laj Juan tzꞌi̱banbil saꞌ li Santil Hu nak naxye chi joꞌcaꞌin: Aꞌut la̱in tintakla lin takl aj cꞌamol be cha̱cuu. Aꞌan ta̱chꞌoloba̱nk xya̱lal chiruheb li tenamit re nak eb aꞌan yoꞌon cua̱nkeb cha̱cꞌulbal la̱at. (Mal. 3:1)

San Lucas 1:13

Ut li ángel quixye: —At Zacarías, matxucuac. Li Dios xrabi li cꞌaꞌru xatzꞌa̱ma. Lix Elisabet la̱ cuixakil ta̱cua̱nk jun xcꞌulaꞌal ut Juan ta̱qꞌue chokꞌ xcꞌabaꞌ.

San Mateo 21:25

¿Ani quitaklan chak re laj Juan chi cubsi̱nc haꞌ? ¿Ma li Dios malaj ut cui̱nk quitaklan re? chan reheb. Eb aꞌan queꞌxcꞌoxla ut queꞌxye chi ribileb rib: —¿Cꞌaꞌru takasume cuiꞌ? Cui takaye nak aꞌ li Dios xtaklan chak re, aꞌan tixye ke cꞌaꞌut nak incꞌaꞌ xkapa̱b li cꞌaꞌru quixye laj Juan.