San Juan 1:33 - Li Santil hu

³³ Incꞌaꞌ raj xinnau nak aꞌan li Cristo cui ta incꞌaꞌ quicuil li quicꞌulman. Xinnau nak aꞌan li Cristo xban nak li Dios li quitaklan chak cue chi cubsi̱nc haꞌ quixye cue, “Nak ta̱cuil li Santil Musikꞌej chanchan jun li paloma yo̱k chi cubec ut ta̱hila̱nk saꞌ xbe̱n jun li cui̱nk, aꞌan retalil nak aꞌan li ta̱qꞌuehok e̱re li Santil Musikꞌej”, chan li Dios.

Q'eqchi Bible

³³ Laa'in ink'a' ninnaw chaq ru, ab'an li kitaqlank chaq we chi kub'sink ha' xye we: «Li taawil wi' chi kub'eek li Musiq'ej ut tolkanaaq sa' xb'een, a'an li taakub'sinq ha' rik'in Santil Musiq'ej».

San Juan 1:33 ပူးပေါင်းရင်းမြစ်များ

Hechos 1:5

Ya̱l nak laj Juan quicubsin haꞌ riqꞌuin haꞌ. Abanan anakcuan aꞌ chic lix cuanquilal li Santil Musikꞌej te̱cꞌul chi se̱b ut aꞌan chic ta̱cua̱nk e̱riqꞌuin, chan.

San Lucas 3:16

Laj Juan quichakꞌoc ut quixye reheb chixjunileb: —Ya̱l nak la̱in nincubsin haꞌ riqꞌuin haꞌ. Abanan cha̱lc re li kꞌaxal nim xcuanquil. Xban nak kꞌaxal nim xcuanquil chicuu la̱in, moco incꞌulub ta nak tinhit xcꞌa̱mal lix xa̱b. Aꞌan tixcubsi e̱haꞌ riqꞌuin li Santil Musikꞌej ut riqꞌuin xam.

San Mateo 3:11

Ya̱l nak la̱in nincubsi e̱haꞌ riqꞌuin haꞌ retalil nak xyotꞌeꞌ e̱chꞌo̱l ut xejal e̱cꞌaꞌux. Abanan cha̱lc re li kꞌaxal nim xcuanquil. Xban nak kꞌaxal nim xcuanquil chicuu la̱in, moco incꞌulub ta nak tincuisi lix xa̱b. Aꞌan tixcubsi e̱haꞌ riqꞌuin li Santil Musikꞌej ut riqꞌuin xam.

San Juan 3:34

Li Jesucristo, aꞌan taklanbil chak xban li Dios ut naxye li cꞌaꞌru nayeheꞌ re xban li Dios xban nak li Santil Musikꞌej cuan riqꞌuin chi tzꞌakal.

1 Corintios 12:13

Chikajunilo junajo riqꞌuin li Cristo usta aj judío, usta ma̱cuaꞌ aj judío, usta lokꞌbil mo̱s, usta incꞌaꞌ. Xkacꞌul li cubi haꞌ saꞌ xcꞌabaꞌ li jun chi Santil Musikꞌej ut chikajunilo cuan li Santil Musikꞌej kiqꞌuin. Joꞌcan nak junajo riqꞌuin li Cristo.

San Juan 3:5

Quichakꞌoc li Jesús ut quixye re: —Relic chi ya̱l ninye a̱cue nak ani incꞌaꞌ ta̱yoꞌla̱k riqꞌuin haꞌ ut riqꞌuin li Santil Musikꞌej moco ta̱ru̱k ta ta̱oc rubel lix nimajcual cuanquilal li Dios.

Hechos 2:4

Queꞌxcꞌul li xcuanquilal li Santil Musikꞌej, ut queꞌoc chi a̱tinac saꞌ jalan a̱tinoba̱l aꞌ yal chanru quicꞌuteꞌ chiruheb xban li Santil Musikꞌej.

San Juan 1:31

La̱in incꞌaꞌ ninnau nak aꞌan li Cristo. Abanan yo̱quin chi cubsi̱nc haꞌ re nak li Dios tixcꞌutbesi chiku la̱o aj Israel ani tzꞌakal li Cristo, chan.

San Juan 7:39

Nak quixye aꞌin, li Jesús yo̱ chi a̱tinac chirix li Santil Musikꞌej li ta̱cua̱nk riqꞌuineb li teꞌpa̱ba̱nk re. Saꞌ li cutan aꞌan, li Santil Musikꞌej toj ma̱jiꞌ nacꞌulun xban nak li Jesús toj ma̱jiꞌ naxic saꞌ choxa chixcꞌulbal lix lokꞌal.

San Juan 14:26

Li Santil Musikꞌej li tixtakla chak li Yucuaꞌbej chokꞌ cuu̱chil, aꞌan ta̱tenkꞌa̱nk e̱re ut aꞌan ta̱cꞌutuk che̱ru chixjunil li cꞌaꞌak re ru li incꞌaꞌ nequetau ru. Ut aꞌan tixjultica e̱re chixjunil li cꞌaꞌru xinye e̱re.