San Juan 1:24 - Li Santil hu

²⁴ Li queꞌtakla̱c chi a̱tinac riqꞌuin laj Juan, aꞌan xcomoneb laj fariseo.

Q'eqchi Bible

²⁴ Sa' xyanqeb' li ke'taqlaak chaq aran, wankeb' ajwi' aj Pariseey.

San Juan 1:24 ပူးပေါင်းရင်းမြစ်များ

San Lucas 11:53

Ut nak quirakeꞌ chixyebal eb li a̱tin aꞌin, cꞌajoꞌ nak queꞌjoskꞌoꞌ eb laj tzolol chakꞌrab ut eb laj fariseo. Queꞌoc chixchꞌiꞌchꞌiꞌinquil ut nabal li cꞌaꞌak re ru yo̱queb chixpatzꞌbal re.

San Lucas 16:14

Nak eb laj fariseo queꞌrabi li quixye li Jesús, queꞌoc chixseꞌenquil xban nak nequeꞌxra lix biomaleb.

San Lucas 7:30

Abanan eb laj fariseo ut eb laj tzolol chakꞌrab queꞌxtzꞌekta̱na li rusilal li Dios li quixcꞌoxla xba̱nunquil reheb. Ut incꞌaꞌ queꞌxcꞌul li cubi haꞌ riqꞌuin laj Juan.

Hechos 26:5

Eb aꞌan nequeꞌxnau cuu chalen chak saꞌ incaꞌchꞌinal. Cui teꞌraj, ta̱ru̱k teꞌxchꞌolob xya̱lal chicuix. La̱in aj fariseo xcomoneb li nequeꞌxqꞌue xchꞌo̱l chixba̱nunquil chixjunil li naxye saꞌ li chakꞌrab joꞌ naraj li kapa̱ba̱l.

Hechos 23:8

Eb laj saduceo incꞌaꞌ nequeꞌxpa̱b nak nequeꞌcuacli cuiꞌchic chi yoꞌyo li camenak, chi moco nequeꞌxpa̱b nak cuan ángel, chi moco nequeꞌxpa̱b nak cuan musikꞌej. Abanan eb laj fariseo nequeꞌxpa̱b chixjunil aꞌ cꞌaꞌak re ru aꞌin.

San Mateo 23:26

Ex mutzꞌ aj fariseo, chꞌajomak xbe̱n cua lix saꞌ le̱ secꞌ ut le̱ plato re nak chꞌajbilak ajcuiꞌ li rix.

San Juan 1:23

Quixye laj Juan: —La̱in li yo̱quin chixchꞌolobanquil lix ya̱lal chiruheb li cristian chi cau xya̱b incux saꞌ li chaki chꞌochꞌ ut ninye resil li quixye li profeta Isaías: Yi̱bomak le̱ yuꞌam ut yoꞌon cua̱nkex chixcꞌulbal li Ka̱cuaꞌ joꞌ nak nequeꞌxyi̱b li be re xcꞌulbal junak li nim xcuanquil.— (Isa. 40:3)

San Juan 1:25

Queꞌxye cuiꞌchic re laj Juan: —¿Cꞌaꞌut nak nacatcubsin haꞌ cui ma̱cuaꞌ la̱at li Cristo, chi moco la̱at laj Elías, chi moco la̱at li profeta? chanqueb re laj Juan.