San Juan 1:21 - Li Santil hu

²¹ Ut queꞌxye cuiꞌchic re: —Ye ke anihat la̱at. ¿Ma la̱at laj Elías?— Quichakꞌoc laj Juan ut quixye: —Moco la̱in ta, chan. —¿Ma la̱at li profeta li ta̱cha̱lk? chanqueb cuiꞌchic re. —Incꞌaꞌ, chan laj Juan.

Q'eqchi Bible

²¹ Ke'xpatz' wi' chik re: —Anihat put laa'at? Ma laa'at laj Elías? Laj Jwan kixye: —Maawa'in. —Ma laa'at li propeet? chankeb' wi' chik re. Kixsumeheb' ut kixye: —Ink'a'.

San Juan 1:21 ပူးပေါင်းရင်းမြစ်များ

Malaquías 4:5

Relic chi ya̱l la̱in tintakla li profeta Elías e̱riqꞌuin nak toj ma̱jiꞌ nacuulac xkꞌehil nak tinrakok a̱tin. Li cutan aꞌan kꞌaxal lokꞌ, abanan kꞌaxal xiu xiu ajcuiꞌ.

San Mateo 11:14

Ut cui te̱raj xtaubal lix ya̱lal chirix laj Juan, aꞌan laj Elías li tol-e̱lk.

San Juan 1:25

Queꞌxye cuiꞌchic re laj Juan: —¿Cꞌaꞌut nak nacatcubsin haꞌ cui ma̱cuaꞌ la̱at li Cristo, chi moco la̱at laj Elías, chi moco la̱at li profeta? chanqueb re laj Juan.

San Mateo 16:14

Eb aꞌan queꞌchakꞌoc ut queꞌxye: —Cuan nequeꞌyehoc nak la̱at laj Juan laj Cubsihom Haꞌ. Ut cuan nequeꞌyehoc nak la̱at li profeta Elías, ut cuan nequeꞌyehoc nak la̱at li profeta Jeremías. Ut cuan cuiꞌchic nequeꞌyehoc nak la̱at junak chic reheb li profeta.—

San Juan 7:40

Nak queꞌrabi li cꞌaꞌru quixye li Jesús, cuan queꞌyehoc: —Relic chi ya̱l li cui̱nk aꞌin profeta.—

San Lucas 1:17

Aꞌan xbe̱n cua ta̱xic chiru li Ka̱cuaꞌ chixchꞌolobanquil lix ya̱lal. Cua̱nk li Santil Musikꞌej riqꞌuin ut cua̱nk xcuanquil joꞌ li cuanquilal li quiqꞌueheꞌ re laj Elías xban li Dios. Ut saꞌ xcꞌabaꞌ aꞌan teꞌxcꞌam cuiꞌchic rib saꞌ usilal li yucuaꞌbej riqꞌuineb li alalbej. Eb laj kꞌetol a̱tin teꞌxjal xnaꞌleb ut teꞌxtzol ribeb riqꞌuineb li ti̱queb xchꞌo̱l. Tixcauresi li tenamit chixcꞌulbal li Ka̱cuaꞌ, chan li ángel.

San Mateo 21:11

Ut eb li tenamit li yo̱queb chi xic chirix yo̱queb chixyebal: —Aꞌan aꞌin li Jesús li profeta, aj Nazaret re Galilea, chanqueb.

San Juan 1:22

—Ye ke chi tzꞌakal anihat re nak ta̱ru̱k takaye reheb li xeꞌtaklan chak ke. Tento nak ta̱ye ke anihat, chanqueb.

San Juan 6:14

Nak queꞌril li milagro li quixba̱nu li Jesús, eb li cuanqueb aran queꞌxye: —Relic chi ya̱l li cui̱nk aꞌin, aꞌan li profeta li quiyeheꞌ chak resil junxil nak ta̱cha̱lk saꞌ ruchichꞌochꞌ, chanqueb.