San Juan 1:19 - Li Santil hu

¹⁹ Eb laj judío li cuanqueb Jerusalén queꞌxtaklaheb laj tij ut eb laj levita chixpatzꞌbal re laj Juan, ut queꞌxye re: —¿Anihat la̱at? ¿Ma la̱at li Cristo li taklanbil chak xban li Dios? chanqueb re.

Q'eqchi Bible

¹⁹ A'an a'in li yaal kixch'olob' laj Jwan naq eb' laj Judiiy ke'xtaqla chaq toj Jerusalén aj tij ut aj Leví chi xpatz'b'al re: “Anihat laa'at?”.

San Juan 1:19 ပူးပေါင်းရင်းမြစ်များ

San Juan 10:24

Quisuteꞌ xbaneb laj judío ut queꞌxye re: —¿Jokꞌe ta̱ye ke chi tzꞌakal anihat? ¿Ma yal yo̱kat chixqꞌuebal kacꞌaꞌux? ¿Ma la̱at li Mesías, li yechiꞌinbil xban li Dios? Cui la̱at li Cristo, ye ke chi tzꞌakal anakcuan, chanqueb.

Hechos 19:4

Laj Pablo quixye reheb: —Laj Juan quixcubsiheb xhaꞌ li queꞌxyotꞌ xchꞌo̱l ut queꞌxjal xcꞌaꞌux. Quixye reheb nak teꞌpa̱ba̱nk saꞌ xcꞌabaꞌ li Jesucristo li tol-e̱lk mokon, chan.

Hechos 13:25

Nak ac rakecꞌ re xba̱nunquil lix cꞌanjel, laj Juan quixye, “¿Anihin la̱in nak nequecꞌoxla? Moco la̱in ta li yo̱quex chiroybeninquil. Cha̱lc ban re chicuix li yo̱quex chiroybeninquil. Aꞌan nim xcuanquil chicuu la̱in. Moco incꞌulub ta xhitbal xcꞌa̱mal lix xa̱b,” chan laj Juan.

San Juan 2:18

Ut eb laj judío queꞌxye re li Jesús: —¿Cꞌaꞌru retalil ta̱cꞌut chiku re nak takanau nak cuan a̱cuanquil chirisinquileb saꞌ li templo? chanqueb re.

San Juan 5:10

Queꞌoc chi cuechꞌi̱nc li nequeꞌtaklan saꞌ xya̱nkeb laj judío. Queꞌxye re li cui̱nk li quiqꞌuira: —Hiloba̱l cutan anakcuan. Yo̱cat chixkꞌetbal li kachakꞌrab xban nak yo̱cat chixcꞌambal la̱ cuarib chiru li hiloba̱l cutan, chanqueb.

San Juan 6:52

Nak queꞌrabi li cꞌaꞌru quixye, eb laj judío queꞌoc chixcuechꞌinquil rix li quixye ut queꞌxye: —¿Chanru nak tixqꞌue lix tibel re takatzaca? chanqueb.

San Juan 6:41

Ut eb laj judío queꞌoc chixcuechꞌinquil rix li quixye li Jesús xban nak quixye, “La̱in li cua. La̱in xinchal chak saꞌ choxa.”

Deuteronomio 24:8

Te̱ba̱nu reheb li saklep rixeb chi tzꞌakal re ru chixjunil li nequeꞌxye eb laj tij. Tento te̱ba̱nu joꞌ xinye reheb aꞌan.

San Juan 1:7

Quitakla̱c chak chixchꞌolobanquil xya̱lal nak li Jesús, aꞌan li cutan saken re nak chixjunileb li ani teꞌabi̱nk re, teꞌpa̱ba̱nk.

San Juan 2:20

Eb laj judío queꞌchakꞌoc ut queꞌxye re li Jesús: —Chiru cuakib roxcꞌa̱l (46) chihab queꞌcablac re xyi̱banquil li templo aꞌin. ¿Ma nacacꞌoxla la̱at nak yal chiru oxib cutan ta̱cuaclesi cuiꞌchic? chanqueb.

San Juan 5:15

Qui-el li cui̱nk riqꞌuin li Jesús ut quixye resil reheb li nequeꞌtaklan saꞌ xya̱nkeb laj judío nak li Jesús, aꞌan li quiqꞌuirtesin re.

San Juan 5:16

Eb li nequeꞌtaklan saꞌ xya̱nkeb laj judío xicꞌ queꞌril li Jesús xban nak naqꞌuirtesin saꞌ li hiloba̱l cutan. Ut queꞌraj xcamsinquil.

San Juan 5:18

Kꞌaxal cuiꞌchic queꞌjoskꞌoꞌ laj judío riqꞌuin aꞌin. Joꞌcan nak queꞌraj xcamsinquil xban nak moco caꞌaj ta cuiꞌ naxkꞌet lix chakꞌrabeb nak naqꞌuirtesin chiru li hiloba̱l cutan; riqꞌuin aj ban cuiꞌ nak naxjuntakꞌe̱ta rib riqꞌuin li Dios nak naxye nak li Dios, aꞌan lix Yucuaꞌ.

San Juan 7:1

Chirix chic aꞌan, li Jesús yo̱ chixbeninquileb li naꞌajej li cuanqueb Galilea. Incꞌaꞌ quiraj xic Judea xban nak eb li nequeꞌtaklan saꞌ xya̱nkeb laj judío teꞌraj xcamsinquil.

San Juan 7:11

Eb li nequeꞌtaklan saꞌ xya̱nkeb laj judío yo̱queb chixsicꞌbal li Jesús saꞌ li ninkꞌe. —¿Bar anchal cuan li cui̱nk aꞌan? chanqueb.

San Juan 7:15

Queꞌsach xchꞌo̱leb li nequeꞌtaklan saꞌ xya̱nkeb laj judío chirabinquil li cꞌaꞌru quixye li Jesús. Queꞌxye: —¿Chanru nak naxnau li cui̱nk aꞌin chixjunil li cꞌaꞌak re ru aꞌin? Aꞌan moco tzolbil ta, chanqueb.

San Juan 8:22

Ut eb laj judío queꞌxye: —Aꞌan xye nak incꞌaꞌ naru toxic bar ta̱xic cuiꞌ aꞌan. ¿Cꞌaꞌut nak xye ke chi joꞌcan? ¿Ma yo̱ chixcꞌoxlanquil xcamsinquil rib? chanqueb.

San Juan 8:48

Queꞌchakꞌoc eb laj judío ut queꞌxye re: —Ya̱l ajcuiꞌ nacaye. Samaria la̱ tenamit ut cuan ma̱us aj musikꞌej a̱cuiqꞌuin, chanqueb.

San Juan 8:52

Eb laj judío queꞌchakꞌoc ut queꞌxye: —Anakcuan nakanau chi tzꞌakal nak cuan ma̱us aj musikꞌej a̱cuiqꞌuin. Laj Abraham quicam ut queꞌcam ajcuiꞌ eb li profeta. Abanan la̱at nacaye nak li ani ta̱ba̱nu̱nk re li cꞌaꞌru nacaye incꞌaꞌ ta̱ca̱mk.

San Juan 8:57

Eb aꞌan queꞌxye re: —¿Chanru nak xacuil ru laj Abraham? La̱at toj ma̱jiꞌ nacaba̱nu laje̱b roxcꞌa̱l (50) chihab, chanqueb.

San Juan 10:31

Ut eb laj judío queꞌxchap xpequeb ut queꞌraj cuiꞌchic xcutbal chi pec.

San Juan 11:19

Nabaleb laj judío queꞌchal chixcꞌojobanquil xchꞌo̱leb lix María ut lix Marta xban nak ac xcam li raseb.

1 Juan 1:5

Aꞌan aꞌin li a̱tin quikabi riqꞌuin li Jesucristo. Ut aꞌan li nakachꞌolob xya̱lal che̱ru. Li Dios, aꞌan li cutan saken. Riqꞌuin li Dios ma̱cꞌaꞌ kꞌojyi̱n. Ti̱c ban xchꞌo̱l li Dios. Relic chi ya̱l nak ma̱cꞌaꞌ ma̱usilal riqꞌuin.