San Juan 1:17 - Li Santil hu

¹⁷ Li Dios quixqꞌue li chakꞌrab re laj Moisés re nak tixcꞌut chiku. Aban lix ya̱lal chirix li Dios ut li rusilal quixcꞌutbesi chiku li Jesucristo.

Q'eqchi Bible

¹⁷ Xb'aan naq li Chaq'rab' k'eeb'il chaq qe sa' xk'ab'a' laj Moisés, a'ut li usilal ut li yaal xk'ulunk sa' xk'ab'a' li Jesus li Kriist.

San Juan 1:17 ပူးပေါင်းရင်းမြစ်များ

Romanos 6:14

Incꞌaꞌ chic cheqꞌue e̱rib rubel xcuanquil li ma̱c. Anakcuan cuanquex rubel xcuanquil lix nimal rusilal li Dios. Moco cuanquex ta chic rubel xcuanquil li chakꞌrab li quiqꞌueheꞌ re laj Moisés.

San Juan 14:6

Li Jesús quixye re: —La̱in aj cꞌamol be che̱ru. La̱in ninchꞌolob lix ya̱lal li Dios ut la̱in ninqꞌuehoc junelic yuꞌam. Ma̱ ani ta̱ru̱k ta̱oc riqꞌuin lin Yucuaꞌ cui incꞌaꞌ tinixpa̱b la̱in.

San Juan 1:14

Li Jesucristo quitzꞌejcualoꞌ ut tzꞌakal cui̱nk nak quicuan arin saꞌ kaya̱nk. Cꞌajoꞌ li rusilal ut aꞌan naxcꞌut lix ya̱lal. Aꞌan li Ralal li Dios li junaj chi ribil ut la̱o xkil lix lokꞌal.

Hebreos 9:22

Joꞌ tzꞌi̱banbil saꞌ li chakꞌrab, tento xsantobresinquil riqꞌuin quicꞌ chixjunil li quicꞌanjelac chiruheb. Ma̱cꞌaꞌ xcuybal li ma̱c cui incꞌaꞌ ta̱hoyekꞌ li quicꞌ.

San Juan 8:32

Te̱nau chic lix ya̱lal. Ut nak acak xenau chic lix ya̱lal, libre chic cua̱nkex, chan.

San Juan 7:19

¿Ma incꞌaꞌ ta biꞌ quixqꞌue e̱re li chakꞌrab laj Moisés? ¿Cꞌaꞌut nak ma̱ jun saꞌ e̱ya̱nk naxba̱nu chi tzꞌakal li cꞌaꞌru naxye li chakꞌrab? Ut, ¿cꞌaꞌut nak te̱raj incamsinquil? chan li Jesús.

Hechos 28:23

Joꞌcan nak queꞌxxakab jun li cutan re nak teꞌcuulak riqꞌuin saꞌ li cab li cuan cuiꞌ. Nabaleb queꞌcuulac riqꞌuin laj Pablo re nak tixchꞌolob xya̱lal chiruheb chirix lix nimajcual cuanquilal li Dios. Quixnumsi li cutan chixchꞌolobanquil lix ya̱lal chirix li Jesús joꞌ tzꞌi̱banbil saꞌ lix chakꞌrab laj Moisés joꞌ ajcuiꞌ li queꞌxtzꞌi̱ba li profeta re nak teꞌxpa̱b li Jesús.

Génesis 22:18

Xban nak xapa̱b li cua̱tin, chixjunileb li tenamit saꞌ ruchichꞌochꞌ teꞌxcꞌul li usilal saꞌ xcꞌabaꞌeb la̱ cualal a̱cꞌajol, chan.

Gálatas 3:17

Aꞌin ut tinye: Li Dios quixba̱nu jun li contrato najter riqꞌuin laj Abraham ut quixxakab xcuanquil saꞌ xcꞌabaꞌ li Cristo. Li chakꞌrab li quiqꞌueheꞌ re laj Moisés ca̱hib ciento riqꞌuin laje̱b xcaꞌcꞌa̱l (430) chihab mokon incꞌaꞌ naxsach xcuanquil li contrato li ac xakabanbil xcuanquil, chi moco tixcanab ta chi ma̱cꞌaꞌ rajbal li yechiꞌinbil re laj Abraham xban li Dios.

Deuteronomio 5:1

Laj Moisés quixchꞌutubeb chixjunileb laj Israel ut quixye reheb: —La̱ex aj Israel, abihomak li chakꞌrab ut le̱ taklanquil li oc cue chixyebal e̱re anakcuan. Chetzolak chi us li chakꞌrab ut qꞌuehomak e̱chꞌo̱l chixba̱nunquil.

Hechos 7:38

Aꞌan li quicuan rochbeneb laj Israel nak queꞌxchꞌutub ribeb saꞌ li chaki chꞌochꞌ. Quicuan rochbeneb li kaxeꞌto̱nil yucuaꞌ ut rochben ajcuiꞌ li ángel li quia̱tinac riqꞌuin saꞌ li tzu̱l Sinaí nak quixye re li ra̱tin li Dios li naqꞌuehoc yuꞌam re nak aꞌan chic ta̱yehok ke la̱o.

San Juan 5:45

Me̱cꞌoxla nak la̱in tinjitok e̱re chiru lin Yucuaꞌ. Cuan jun li ta̱jitok e̱re. Aꞌan li chakꞌrab li quiqꞌueheꞌ re laj Moisés li cꞌojcꞌo cuiꞌ e̱chꞌo̱l.

Génesis 3:15

Li Dios quixye ajcuiꞌ re li cꞌantiꞌ: —La̱in tinqꞌue raylal saꞌ e̱ya̱nk re nak xicꞌ chic te̱ril e̱rib la̱at ut li ixk. Xicꞌ teꞌril rib la̱ cualal a̱cꞌajol riqꞌuineb li ralal xcꞌajol li ixk. Saꞌ junak cutan la̱at ta̱rahobtesi li rit rok junak reheb li ralal xcꞌajol li ixk, ut aꞌan tixpuqꞌui la̱ jolom.

2 Corintios 1:20

Chixjunil li yechiꞌinbil ke xban li Dios, nakacꞌul saꞌ xcꞌabaꞌ li Jesucristo. Joꞌcan nak saꞌ xcꞌabaꞌ li Jesucristo nakaye “joꞌcan taxak” re xqꞌuebal xlokꞌal li Dios.

San Juan 9:29

—La̱o nakanau nak li Dios quia̱tinac riqꞌuin laj Moisés; abanan li cui̱nk aꞌan incꞌaꞌ nakanau bar xchal chak, chanqueb.

Miqueas 7:20

La̱at toa̱cuosobtesi joꞌ cayechiꞌi re laj Jacob, li kaxeꞌto̱nil yucuaꞌ. La̱at ta̱cuuxta̱na cuiꞌchic ku joꞌ cayechiꞌi re laj Abraham li kaxeꞌto̱nil yucuaꞌ najter kꞌe cutan.

Salmos 98:3

Xban nak li Dios naxba̱nu li cꞌaꞌru naxye, quijulticoꞌ re lix rahom saꞌ xbe̱neb laj Israel. Chixjunileb li tenamit li cuanqueb jun sut rubel choxa queꞌril nak li Dios quixcoleb laj Israel chiruheb li xicꞌ nequeꞌiloc reheb.

Salmos 85:10

Li ya̱l ut li uxta̱na̱nc u ta̱cua̱nk saꞌ kaya̱nk. Ut ta̱cua̱nk ajcuiꞌ li tuktu̱quilal ut li ti̱quilal.

Deuteronomio 33:4

La̱in laj Moisés quinqꞌue e̱re lix chakꞌrab li Dios, li kꞌaxal lokꞌ chiku la̱o li ralal xcꞌajol laj Jacob.

Deuteronomio 4:44

Aꞌan aꞌin li chakꞌrab li quixqꞌue laj Moisés reheb laj Israel.

San Juan 18:37

Laj Pilato quixye re: —La̱at rey chi joꞌcanan.— Li Jesús quixye re: —Ya̱l li xaye nak la̱in rey. Aꞌan aj e nak quinchal chi yoꞌla̱c arin saꞌ ruchichꞌochꞌ re xchꞌolobanquil lix ya̱lal. Ut chixjunileb li nequeꞌraj xnaubal lix ya̱lal, nequeꞌrabi li cꞌaꞌru ninye, chan.