San Juan 1:14 - Li Santil hu

¹⁴ Li Jesucristo quitzꞌejcualoꞌ ut tzꞌakal cui̱nk nak quicuan arin saꞌ kaya̱nk. Cꞌajoꞌ li rusilal ut aꞌan naxcꞌut lix ya̱lal. Aꞌan li Ralal li Dios li junaj chi ribil ut la̱o xkil lix lokꞌal.

Q'eqchi Bible

¹⁴ Ut li Aatin kitz'ejwalo'k ut kixk'ojob' li xmuheb'aal sa' qayanq, ut laa'o xqaka'ya li xloq'al k'eeb'il re xb'aan li Yuwa'b'ej jo' xloq'al li jun chi K'ajolb'ej nujenaq chi usilal ut chi yaal.

San Juan 1:14 ပူးပေါင်းရင်းမြစ်များ

1 Juan 4:9

Li Dios quixcꞌut chiku chanru nak nocoxra nak quixtakla chak lix junaj chi Alal saꞌ ruchichꞌochꞌ chi ca̱mc saꞌ kacꞌabaꞌ la̱o. Li Dios quixtakla chak li Ralal re nak ta̱cua̱nk kayuꞌam chi junelic.

1 Timoteo 3:16

Relic chi ya̱l kꞌaxal lokꞌ li katijbal li quixcꞌut chiku li Dios. Naxcꞌut chiku lix ya̱lal li kapa̱ba̱l saꞌ xcꞌabaꞌ li Jesucristo. Li xya̱lal aꞌan aꞌin: Li Cristo quitzꞌejcualoꞌ nak quicꞌulun saꞌ ruchichꞌochꞌ. Xakabanbil xcuanquil xban li Santil Musikꞌej. Qui-ileꞌ ru xbaneb li ángel. Ut aꞌan li chꞌolobanbil resil saꞌ chixjunil li ruchichꞌochꞌ. Ut nabaleb li queꞌpa̱ban re saꞌ ruchichꞌochꞌ. Ut quicꞌameꞌ saꞌ choxa riqꞌuin xnimal xlokꞌal.

San Juan 1:1

Chalen chak saꞌ xticlajic li ruchichꞌochꞌ ac cuan chak li A̱tin. Li A̱tin cuan chak riqꞌuin li Dios ut aꞌan tzꞌakal Dios. Li A̱tin, aꞌan li Cristo.

Gálatas 4:4

Abanan nak quicuulac xkꞌehil, li Dios quixtakla li Ralal chi yoꞌla̱c saꞌ ruchichꞌochꞌ riqꞌuin jun li ixk. Ut quicuan ajcuiꞌ rubel xcuanquil li najter chakꞌrab.

Isaías 40:5

Ut tixcꞌutbesi lix lokꞌal li Ka̱cuaꞌ. Ut chixjunileb li cuanqueb saꞌ ruchichꞌochꞌ teꞌril lix lokꞌal. Li Ka̱cuaꞌ, aꞌan li quiyehoc re aꞌin.

Hebreos 1:3

Li Ralal li Dios, aꞌan nacutanobresin re lix lokꞌal li Acuabej Dios. Ut aꞌan ajcuiꞌ nacꞌutuc chiku chanru lix naꞌleb. Li Ralal li Dios, aꞌan nacu̱tun re li ruchichꞌochꞌ riqꞌuin lix cuanquilal li ra̱tin xban nak aꞌan yal re saꞌ xbe̱n li ruchichꞌochꞌ. Ut nak ac xmayeja rib re risinquil li kama̱c, li Ralal li Dios co̱ saꞌ choxa ut quicꞌojla saꞌ xnim ukꞌ li Dios Acuabej, li kꞌaxal nim xcuanquil.

San Juan 6:51

La̱in li yoꞌyo̱quil cua. Quinchal chak saꞌ choxa. Li ani napa̱ban cue la̱in incꞌaꞌ ta̱sachk. Cua̱nk ban xyuꞌam chi junelic. Li cua li tinqꞌue la̱in, aꞌan lin tibel nak tinkꞌaxtesi cuib chi ca̱mc re nak ta̱ru̱k teꞌcua̱nk xyuꞌameb chi junelic li cuanqueb saꞌ ruchichꞌochꞌ, chan li Jesús.

Colosenses 1:19

Li Jesucristo, aꞌan tzꞌakal Dios ut riqꞌuin aꞌan cuan chixjunil li cuanquilal xban nak joꞌcan quiraj li Acuabej Dios.

1 Corintios 15:47

Nak quiyoꞌobtesi̱c laj Adán xban li Dios, chꞌochꞌ qui-oc. Abanan li Jesucristo moco yoꞌobtesinbil ta. Aꞌan musikꞌej ut saꞌ choxa quichal chak.

Romanos 8:3

Li najter chakꞌrab incꞌaꞌ naru toxcol chiru li ma̱c ut li ca̱mc. Ma̱cꞌaꞌ xcuanquil re kacolbal xban nak incꞌaꞌ nocoru chixba̱nunquil li naxye. Incꞌaꞌ nocoru chixba̱nunquil li naxye xban nak chalen chak saꞌ kayoꞌlajic la̱o aj ma̱c. Aban li Dios xoxcol chiru li ma̱c. Quixtakla chak li Jesucristo li Ralal chi tzꞌejcualocꞌ saꞌ ruchichꞌochꞌ. Li Ka̱cuaꞌ Jesucristo quixmayeja rib re xsachbal xcuanquil li ma̱c.

Isaías 7:14

Joꞌcan ut nak li Ka̱cuaꞌ ta̱qꞌuehok e̱re junak retalil. Aꞌan aꞌin li retalil li ta̱qꞌuehekꞌ e̱re: Jun xkaꞌal toj ma̱jiꞌ cuanjenak riqꞌuin cui̱nk ta̱cua̱nk xcꞌulaꞌal chꞌina te̱lom. Ut Emanuel ta̱qꞌuehekꞌ chokꞌ xcꞌabaꞌ.

Salmos 2:7

Joꞌcaꞌin quixye li Rey li xakabanbil xban li Dios: —La̱in tinye resilal yalak bar li cꞌaꞌru quixye cue li Ka̱cuaꞌ nak quixye cue, “La̱at li tzꞌakal cualal. Anakcuan la̱in xatinqꞌue saꞌ a̱cuanquil.

1 Juan 4:14

La̱o lix apóstol li Jesucristo. Quikil ru li Jesucristo. Ut nakachꞌolob xya̱lal nak li Acuabej Dios quixtakla chak li Ralal chixcolbaleb li cuanqueb saꞌ ruchichꞌochꞌ.

Colosenses 2:9

Me̱qꞌue e̱rib chi balakꞌi̱c xbaneb aꞌan. Nakanau nak chixjunil lix lokꞌal li Dios ut lix cuanquil cuan riqꞌuin li Cristo. Lix lokꞌal ut lix cuanquilal quixcꞌutbesi nak quicꞌulun saꞌ ruchichꞌochꞌ.

2 Juan 1:7

Ninnumsi cuiꞌchic saꞌ e̱xic li naꞌleb aꞌin xban nak nabaleb laj tzolonel aj balakꞌ cuanqueb saꞌ ruchichꞌochꞌ. Eb li cui̱nk aꞌin incꞌaꞌ nequeꞌxchꞌolob lix ya̱lal nak li Jesucristo quitzꞌejcualoꞌ ut tzꞌakal cui̱nk nak quicꞌulun saꞌ ruchichꞌochꞌ. Eb li cui̱nk aꞌin aj balakꞌeb ut xicꞌ nequeꞌril li Jesucristo.

Isaías 53:2

Li Ka̱cuaꞌ quiraj nak laj cꞌanjel chiru ta̱qꞌui̱k joꞌ jun xtux cheꞌ li cuan xxeꞌ saꞌ li chaki chꞌochꞌ. Moco chꞌinaꞌus ta na-iloc chi moco xchakꞌal ta ru. Takil ru abanan ma̱cꞌaꞌ takaj re.

Apocalipsis 21:3

Ut quicuabi jun yo̱ chak chi a̱tinac cuan cuiꞌ li cꞌojariba̱l ut quixye chi cau xya̱b xcux: —Anakcuan ta̱cua̱nk li Dios riqꞌuineb li cristian. Aꞌanakeb li ralal xcꞌajol. Li Dios ta̱cua̱nk riqꞌuineb. Aꞌanak lix Dioseb.

Hebreos 5:5

Joꞌcan ajcuiꞌ li Jesucristo. Moco yal xjunes ta quixxakab rib chi cꞌanjelac chokꞌ xyucuaꞌil aj tij. Aban li Dios quiqꞌuehoc re lix lokꞌal ut quixqꞌue chi cꞌanjelac nak quixye re: At cualal, anakcuan xinqꞌue a̱cuanquil. (Sal. 2:7)

Hebreos 10:5

Joꞌcan nak li Ka̱cuaꞌ Jesucristo, nak ac cha̱lc re saꞌ ruchichꞌochꞌ, quixye re li Acuabej Dios: La̱in ninnau nak la̱at incꞌaꞌ nacacuaj lix quiqꞌuel li mayej xul. Incꞌaꞌ nacuulac cha̱cuu li cꞌaꞌak re ru chi mayejil. Joꞌcan nak tina̱qꞌue chi tzꞌejcualocꞌ.

San Juan 11:40

Quixye li Jesús re: —¿Ma incꞌaꞌ xinye a̱cue nak cui ta̱pa̱b, ta̱cuil xcuanquilal li Dios? chan.

San Juan 3:16

Li Dios cꞌajoꞌ nak quixraheb li cuanqueb saꞌ ruchichꞌochꞌ nak quixqꞌue li Ralal junaj chi ribil re nak chixjunileb li ani teꞌpa̱ba̱nk re incꞌaꞌ teꞌsachk. Ta̱cua̱nk ban xyuꞌameb chi junelic.

San Juan 2:11

Aꞌan aꞌin li xbe̱n milagro li quixba̱nu li Jesús nak quixsukꞌisi li haꞌ chokꞌ vino aran Caná re Galilea. Riqꞌuin li milagro aꞌin quixcꞌutbesi nak cuan xcuanquil ut eb lix tzolom queꞌxpa̱b nak li Jesús aꞌan li Ralal li Dios.

San Juan 14:6

Li Jesús quixye re: —La̱in aj cꞌamol be che̱ru. La̱in ninchꞌolob lix ya̱lal li Dios ut la̱in ninqꞌuehoc junelic yuꞌam. Ma̱ ani ta̱ru̱k ta̱oc riqꞌuin lin Yucuaꞌ cui incꞌaꞌ tinixpa̱b la̱in.

Hebreos 1:5

Nakanau nak kꞌaxal lokꞌ xban nak li Dios ma̱ jun cua quixye re junak ángel: La̱at li cualal; anakcuan xinqꞌue a̱cuanquil. (Sal. 2:7) Chi moco quixye ta chirix junak ángel: La̱inak lix yucuaꞌ ut aꞌanak li cualal. (2 Sam. 7:14)

San Juan 14:9

Li Jesús quixye re: —At Felipe, ac junxil nin-oc saꞌ e̱ya̱nk. ¿Ma toj ma̱jiꞌ nequenau cuu? Li ani nanaꞌoc cuu la̱in, aꞌan naxnau ajcuiꞌ ru li Yucuaꞌbej. ¿Cꞌaꞌut nak nacaye cue, “Cꞌut chiku li Yucuaꞌbej?”

San Lucas 9:32

Usta yo̱queb xcuara laj Pedro ut li cuanqueb rochben, abanan incꞌaꞌ queꞌcuar. Yo̱queb ban chirilbal lix lokꞌal li Jesús joꞌ ajcuiꞌ li cuib chi cui̱nk li cuanqueb rochben.

San Juan 17:22

La̱in xinqꞌueheb lix lokꞌal joꞌ nak xaqꞌue inlokꞌal la̱in re nak junajak ruheb joꞌ nak junaj ku la̱o.

San Juan 3:18

Li ani napa̱ban re, ma̱cꞌaꞌ li tojba ma̱c saꞌ xbe̱n. Abanan li ani incꞌaꞌ napa̱ban re, ac cuan li tojba ma̱c saꞌ xbe̱n xban nak incꞌaꞌ xpa̱b li Ralal li Dios, li junaj chi ribil.

San Lucas 2:11

Anakcuan xyoꞌla jun laj Colol e̱re saꞌ lix tenamit laj David ut aꞌan li Cristo li Ka̱cuaꞌ li yechiꞌinbil xban li Dios.

Salmos 45:2

Aꞌan aꞌin li bich li tinbicha chokꞌ re li rey: At rey, cꞌajoꞌ xchakꞌal a̱cuu. Kꞌaxal cuiꞌchic chꞌinaꞌusat chiruheb chixjunileb li cui̱nk. Cha̱bil nacat-a̱tinac ut tzꞌakal re ru nacaye. La̱at osobtesinbilat xban li Dios junelic.

Hebreos 2:11

La̱o nocosantobresi̱c xban li Ka̱cuaꞌ Jesucristo. La̱o ut li Jesucristo junaj ajcuiꞌ li kachoxahil Yucuaꞌ. Xban aꞌan li Jesucristo incꞌaꞌ naxuta̱na̱c chixyebal nak la̱o lix herma̱n.

2 Corintios 12:9

Abanan li Ka̱cuaꞌ quixye cue: “Incꞌaꞌ nacuisi la̱ raylal. Abanan tatintenkꞌa re nak ta̱cuy xnumsinquil. La̱in ninqꞌue lin cuanquil re li ani naxnau nak ma̱cꞌaꞌ xcuanquil xjunes,” chan cue. Joꞌcan nak nasahoꞌ saꞌ inchꞌo̱l riqꞌuin li raylal re nak lix cuanquil li Cristo cua̱nk cuiqꞌuin.

San Mateo 1:16

Ut laj Jacob, aꞌan xyucuaꞌ laj José, xbe̱lom lix María. Ut lix María, aꞌan lix naꞌ li Jesús. Ut li Jesús, Aꞌan li Cristo.

Colosenses 2:3

Riqꞌuin li Cristo naru nakatau li kanaꞌleb xban nak caꞌaj cuiꞌ riqꞌuin li Cristo cuan li tzꞌakal ya̱l ut aꞌan naxnau chixjunil.

Efesios 3:8

La̱in li kꞌaxal cubenak incuanquil saꞌ xya̱nkeb chixjunileb li ralal xcꞌajol li Dios. Abanan yal xban lix nimal ruxta̱n li Dios quixqꞌue cue li cꞌanjel aꞌin re xchꞌolobanquil che̱ru lix ya̱lal chirix lix nimal ruxta̱n li Cristo ut li lokꞌlaj colba-ib saꞌ xcꞌabaꞌ aꞌan.

Romanos 9:5

Aꞌaneb li ralal xcꞌajol li kaxeꞌto̱nil yucuaꞌ laj Abraham, laj Isaac ut laj Jacob. Ut saꞌ xya̱nkeb aꞌan quiyoꞌla li Cristo nak quitzꞌejcualoꞌ ut quicꞌulun saꞌ ruchichꞌochꞌ. Lokꞌoninbil taxak chi junelic li Cristo li kꞌaxal nim xcuanquil saꞌ xbe̱neb chixjunileb. Joꞌcan taxak.

San Lucas 2:7

Ut quiyoꞌla li xbe̱n xcꞌulaꞌal, quixlan saꞌ tꞌicr ut quixyocob saꞌ xnaꞌaj xcuaheb li cuacax xban nak ma̱cꞌaꞌ xnaꞌajeb saꞌ eb li ochoch.

Hechos 13:33

Quitzꞌakloc ru chokꞌ ke la̱o li alal cꞌajolbej li quixyechiꞌi chak li Dios reheb li kaxeꞌto̱nil yucuaꞌ junxil joꞌ tzꞌi̱banbil retalil saꞌ li hu Salmos li naxye chi joꞌcaꞌin: La̱at li tzꞌakal cualal. Anakcuan xatinqꞌue saꞌ a̱cuanquil, chan li Dios. (Sal. 2:7)

Salmos 85:9

Relic chi ya̱l li Dios cuan kiqꞌuin chikacolbal la̱o li nakaxucua ru. Ut lix lokꞌal li Dios ta̱cua̱nk kiqꞌuin saꞌ li katenamit.

Ezequiel 37:27

Ut la̱in cua̱nkin riqꞌuineb. La̱inak lix Dioseb ut aꞌanakeb lin tenamit.

San Juan 8:32

Te̱nau chic lix ya̱lal. Ut nak acak xenau chic lix ya̱lal, libre chic cua̱nkex, chan.

San Juan 17:24

At inYucuaꞌ, nintzꞌa̱ma cha̱cuu nak chixjunileb li xakꞌaxtesiheb cue teꞌcua̱nk cuiqꞌuin saꞌ li naꞌajej li tincua̱nk cuiꞌ la̱in. Nacuaj nak teꞌril lin lokꞌal li caqꞌue chak cue nak toj ma̱jiꞌ quiyi̱ba̱c li ruchichꞌochꞌ xban nak niquina̱ra.

San Juan 18:37

Laj Pilato quixye re: —La̱at rey chi joꞌcanan.— Li Jesús quixye re: —Ya̱l li xaye nak la̱in rey. Aꞌan aj e nak quinchal chi yoꞌla̱c arin saꞌ ruchichꞌochꞌ re xchꞌolobanquil lix ya̱lal. Ut chixjunileb li nequeꞌraj xnaubal lix ya̱lal, nequeꞌrabi li cꞌaꞌru ninye, chan.

Apocalipsis 19:13

Cuan quicꞌ chiru li rakꞌ ut lix cꞌabaꞌ aꞌan “Ra̱tin li Dios”.