San Juan 1:12 - Li Santil hu

¹² Abanan chixjunileb li queꞌcꞌuluc re ut queꞌpa̱ban re nak aꞌan taklanbil chak xban li Dios, aꞌaneb li quixcꞌuleb chokꞌ ralal xcꞌajol li Dios.

Q'eqchi Bible

¹² A'ut chixjunileb' li ke'k'uluk re, kixk'e reheb' wank cho'q ralal xk'ajol li Yos, a'eb' li neke'paab'ank re:

San Juan 1:12 ပူးပေါင်းရင်းမြစ်များ

Gálatas 3:26

Anakcuan la̱ex chic ralal xcꞌajol li Dios che̱junilex xban nak xepa̱b li Jesucristo.

Romanos 8:14

Chixjunileb li nequeꞌba̱nun re li cꞌaꞌru naraj li Santil Musikꞌej, aꞌaneb tzꞌakal ralal xcꞌajol li Dios.

1 Juan 3:1

Cheqꞌuehak retal nak li Acuabej Dios cꞌajoꞌ nocoxra. Nocoxqꞌue chokꞌ ralal xcꞌajol. Relic chi ya̱l nak la̱o ralal xcꞌajol. Joꞌcan nak li ma̱jiꞌ nequeꞌpa̱ban incꞌaꞌ nequeꞌxtau ru li kanaꞌleb xban nak ma̱jiꞌ nequeꞌxnau xya̱lal xpa̱banquil li Dios.

Gálatas 4:6

Re xcꞌutbal chiku nak la̱o chic ralal xcꞌajol, li Dios quixtakla li Santil Musikꞌej re nak ta̱cua̱nk kiqꞌuin. Ut xban nak cuan li Santil Musikꞌej kiqꞌuin, joꞌcan nak naru nakaye re li Dios, “at inYucuaꞌ.”

San Juan 3:18

Li ani napa̱ban re, ma̱cꞌaꞌ li tojba ma̱c saꞌ xbe̱n. Abanan li ani incꞌaꞌ napa̱ban re, ac cuan li tojba ma̱c saꞌ xbe̱n xban nak incꞌaꞌ xpa̱b li Ralal li Dios, li junaj chi ribil.

Colosenses 2:6

La̱ex xepa̱b li Cristo ut aꞌan chic yal re saꞌ e̱be̱n. Joꞌcan nak junajakex taxak riqꞌuin li Cristo, ut texcua̱nk joꞌ naraj aꞌan.

San Mateo 10:40

Li ani ta̱cꞌuluk e̱re la̱ex, tinixcꞌul ajcuiꞌ la̱in. Ut li ani ta̱cꞌuluk cue, tixcꞌul ajcuiꞌ li xtaklan chak cue.

Isaías 56:5

la̱in tinqꞌue reheb li cꞌaꞌru lokꞌ chiruheb li cocꞌal. Tzꞌi̱banbilak retalil lix cꞌabaꞌeb chiru li tzꞌac saꞌ lin templo. Lix cꞌabaꞌeb ta̱julticama̱nk chi junelic kꞌe cutan. Incꞌaꞌ ta̱sachk.

San Juan 20:31

Abanan li joꞌ qꞌuial tzꞌi̱banbil retalil saꞌ li hu aꞌin, quitzꞌi̱ba̱c re nak te̱pa̱b nak li Jesús, aꞌan li Cristo. Aꞌan li Ralal li Dios. Quitzꞌi̱ba̱c re nak riqꞌuin xpa̱banquil ta̱cua̱nk e̱yuꞌam chi junelic saꞌ xcꞌabaꞌ aꞌan.

Oseas 1:10

Li ralal xcꞌajol laj Israel kꞌaxal cuiꞌchic teꞌta̱mk. Lix qꞌuialeb chanchan li ru li samaib li cuan chire li palau. Incꞌaꞌ naru rajlanquil xban xqꞌuialeb. Saꞌ li naꞌajej bar quiyeheꞌ cuiꞌ reheb xban li Dios, “La̱ex ma̱cuaꞌex chic lin tenamit”, aran ajcuiꞌ ta̱yehekꞌ reheb: “La̱ex cualal incꞌajol la̱in li yoꞌyo̱quil Dios.”

2 Pedro 1:4

Saꞌ xcꞌabaꞌ lix nimal xlokꞌal ut xcuanquilal li Dios quixyechiꞌi kama̱tan kꞌaxal lokꞌ ut nim xcuanquil. Li Dios quixyechiꞌi ke lix cuanquilal re toe̱lk saꞌ li ma̱usilal li cuan saꞌ ruchichꞌochꞌ ut quixyechiꞌi ajcuiꞌ ke lix cuanquilal re nak takacanab xrahinquil ru li ma̱c, ut re ajcuiꞌ nak totzꞌako̱nk riqꞌuin lix ti̱quilal li Dios.

San Mateo 12:21

Ut chixjunileb li tenamit caꞌaj cuiꞌ riqꞌuin aꞌan teꞌyoꞌoni̱nk. (Isa. 42:2-4)

1 Juan 3:23

Ut aꞌan aꞌin lix chakꞌrab quixqꞌue ke li Dios, nak chopa̱ba̱nk saꞌ xcꞌabaꞌ li Jesucristo li Ralal li Dios ut takara kib chi kibil kib, joꞌ coxchakꞌrabi cuiꞌ.

Jeremías 3:19

La̱ex aj Israel, la̱in xcuaj nak xexincꞌul chokꞌ cualal incꞌajol. Xinqꞌue e̱re jun li cha̱bil naꞌajej. Aꞌan li kꞌaxal cha̱bil chiru chixjunil li naꞌajej li cuan saꞌ ruchichꞌochꞌ. La̱in xcuaj nak te̱ye “At inyucuaꞌ” cue. Incꞌaꞌ xcuaj nak tine̱tzꞌekta̱na.

Hechos 3:16

Li cui̱nk aꞌin xqꞌuira saꞌ xcꞌabaꞌ li Jesús. Riqꞌuin xpa̱banquil li Jesús xqꞌuira chi junaj cua li cui̱nk aꞌin li nequenau ru ut yo̱quex chirilbal.

San Juan 11:52

Ut ma̱cuaꞌ caꞌaj cuiꞌ saꞌ xcꞌabaꞌeb aꞌan nak ta̱ca̱mk li Jesús. Re aj ban cuiꞌ nak junajakeb chic ru chixjunileb li ralal xcꞌajol li cuanqueb saꞌ chixjunil li ruchichꞌochꞌ.

San Juan 1:7

Quitakla̱c chak chixchꞌolobanquil xya̱lal nak li Jesús, aꞌan li cutan saken re nak chixjunileb li ani teꞌabi̱nk re, teꞌpa̱ba̱nk.

San Mateo 18:5

Ut li ani ta̱cꞌuluk re junak chꞌina al joꞌ aꞌin saꞌ incꞌabaꞌ chanchan ajcuiꞌ nak la̱in xinixcꞌul.

San Juan 2:23

Nak li Jesús cuan aran Jerusalén chixnumsinquil li ninkꞌe Pascua, nabaleb queꞌpa̱ban re xban nak queꞌril li milagro li quilajxba̱nu.

San Juan 1:11

Quicꞌulun saꞌ lix tenamit. Abanan incꞌaꞌ quicꞌuleꞌ saꞌ xya̱lal xbaneb.

Romanos 8:16

Li Santil Musikꞌej naxchꞌolob xya̱lal chiku, ut nakecꞌa saꞌ li ka̱m nak la̱o chic ralal xcꞌajol li Dios.

Romanos 8:19

Chixjunil li cꞌaꞌ re ru yi̱banbil xban li Dios yo̱queb chi xyoꞌoninquil nak ta̱cuulak xkꞌehil nak li Dios tixqꞌue xlokꞌaleb li ralal xcꞌajol.

1 Juan 3:2

Ex inherma̱n, anakcuan la̱o ralal xcꞌajol li Dios. Abanan ma̱jiꞌ nakanau joꞌ qꞌuial chic li usilal takacꞌul mokon. Caꞌaj cuiꞌ nakanau nak tol-e̱lk li Jesucristo, chanchanako chic aꞌan xban nak takil ru chi tzꞌakal.

1 Juan 3:10

Riqꞌuin aꞌin naꞌno̱queb ru li ralal xcꞌajol li Dios ut naꞌno̱queb ajcuiꞌ ruheb li ralal xcꞌajol laj tza: li ani incꞌaꞌ naxba̱nu li ti̱quilal, ut li ani incꞌaꞌ naxra li ras ri̱tzꞌin, aꞌan ma̱cuaꞌeb ralal xcꞌajol li Dios.

2 Samuel 7:24

La̱at catsicꞌoc ruheb laj Israel re nak aꞌanakeb la̱ tenamit chi junelic. Ut la̱at, at Ka̱cuaꞌ, la̱atak lix Dioseb.