Josué 9:25 - Li Santil hu

²⁵ Anakcuan takacanab kib rubel a̱cuanquil. Ba̱nu li cꞌaꞌru nacacꞌoxla nak us xba̱nunquil, chanqueb laj Gabaón.

Q'eqchi Bible

²⁵ Anaqwan we'ko sa' laawuq'. B'aanu qik'in li k'aru taawaj; b'aanu li nakak'oxla naq us xb'aanunkil”, chankeb'.

Josué 9:25 ပူးပေါင်းရင်းမြစ်များ

Génesis 16:6

Quichakꞌoc laj Abram ut quixye re: —La̱at nacanau nak la̱ mo̱s cuan rubel a̱takl. La̱at yal a̱cue cꞌaꞌru ta̱ba̱nu riqꞌuin, chan laj Abram. Cꞌajoꞌ nak quijoskꞌoꞌ lix Sarai saꞌ xbe̱n lix mo̱s ut cꞌajoꞌ nak quixchꞌila. Tojoꞌnak lix Agar quie̱lelic.

Jeremías 26:14

Aꞌut la̱in cuanquin saꞌ e̱rukꞌ anakcuan. Ba̱nuhomak cuiqꞌuin li cꞌaꞌru nequecꞌoxla nak us xba̱nunquil cue.

Jueces 10:15

Eb laj Israel queꞌxye re li Dios: —La̱o xoma̱cob cha̱cuu. Ba̱nu li cꞌaꞌru ta̱cuaj kiqꞌuin. Caꞌaj cuiꞌ nakatzꞌa̱ma cha̱cuu nak toa̱col anakcuan, chanqueb.

San Mateo 11:26

Xaba̱nu chi joꞌcan xban nak joꞌcan xcuulac cha̱cuu, chan li Jesús nak quitijoc.

Jeremías 38:5

Laj Sedequías quixye reheb: —Ba̱nuhomak re laj Jeremías li cꞌaꞌru te̱raj xba̱nunquil. La̱in ma̱cꞌaꞌ naru ninye, chan.

Isaías 47:6

Nak yo̱ injoskꞌil saꞌ xbe̱n lin tenamit quinkꞌaxtesiheb saꞌ e̱rukꞌ la̱ex. Quinqꞌue lin tenamit chi cꞌutecꞌ xxuta̱n. Ut la̱ex incꞌaꞌ xeril xtokꞌoba̱l ruheb. Usta ac ti̱xeb, xeqꞌueheb chi cꞌanjelac chi cau.

2 Samuel 24:14

Laj David quixye: —Kꞌaxal ra saꞌ inchꞌo̱l ut incꞌaꞌ nintau cꞌaꞌru tinba̱nu. Abanan takacanab kib saꞌ rukꞌ li Dios xban nak nim li rusilal. Incꞌaꞌ nakaj nak totꞌanekꞌ saꞌ rukꞌeb li xicꞌ nequeꞌiloc ke, chan laj David.

1 Samuel 3:18

Joꞌcan nak laj Samuel quixye re chixjunil li quixye li Ka̱cuaꞌ. Ma̱cꞌaꞌ quixmuk chiru. Ut laj Elí quixye: —Li Ka̱cuaꞌ, aꞌan li nimajcual Dios. Chixba̱nu taxak li cꞌaꞌru naxcꞌoxla nak us xba̱nunquil, chan.

Jueces 8:15

Ut laj Gedeón rochbeneb lix soldado queꞌco̱eb Sucot. Laj Gedeón quixye reheb li cuanqueb aran: —¿Ma jultic e̱re chanru nak xine̱hob saꞌ xcꞌabaꞌ laj Zeba ut laj Zalmuna? ¿Ma toj cuan saꞌ e̱chꞌo̱l nak incꞌaꞌ xeqꞌue xcuaheb lin soldado, usta tacuajenakeb, nak xinpatzꞌ e̱re? “¿Ma ac xexnumta ta biꞌ saꞌ xbe̱neb laj Zeba ut laj Zalmuna?” chanquex ke. Arin cuanqueb anakcuan, chan laj Gedeón.

Josué 9:26

Ut laj Josué incꞌaꞌ quixcanabeb re nak teꞌcamsi̱k xbaneb laj Israel.

2 Samuel 15:26

Abanan cui incꞌaꞌ sa saꞌ xchꞌo̱l cuiqꞌuin, chixba̱nuhak cuiqꞌuin joꞌ naraj aꞌan, chan.

2 Reyes 10:5

Joꞌcan nak li nataklan saꞌ li palacio ut li nataklan saꞌ xbe̱n li tenamit rochbeneb li nequeꞌcꞌamoc be ut li nequeꞌiloc reheb li ralal laj Acab queꞌxjunaji ribeb ut queꞌxtakla resil riqꞌuin laj Jehú. Queꞌxye chi joꞌcaꞌin: —La̱o aj cꞌanjel cha̱cuu. Takaba̱nu li cꞌaꞌru ta̱cuaj la̱at. Ma̱ ani takaxakab chokꞌ karey. Ba̱nu li cꞌaꞌru nacacꞌoxla nak us xba̱nunquil, chanqueb.