Josué 9:18 - Li Santil hu

¹⁸ Abanan eb laj Israel incꞌaꞌ queꞌxcamsiheb li tenamit aꞌan xban nak eb laj cꞌamol be saꞌ xya̱nkeb laj Israel ac xeꞌxba̱nu li contrato riqꞌuineb saꞌ xcꞌabaꞌ li Ka̱cuaꞌ lix Dioseb. Joꞌcan nak chixjunileb laj Israel yo̱queb chixcuechꞌinquil rixeb laj cꞌamol be saꞌ xya̱nkeb.

Q'eqchi Bible

¹⁸ Ab'an ink'a' ke'xkamsiheb' xb'aan naq jo'kan yeeb'il chaq sa' jurament xb'aaneb' laj jolominel re li komonil, sa' xk'ab'a' li Qaawa' xYos laj Israel. Toja' naq k'ajo' naq chixjunil li tenamit ke'xwech' rixeb' laj jolominel!

Josué 9:18 ပူးပေါင်းရင်းမြစ်များ

Salmos 15:4

Nequeꞌjoskꞌoꞌ saꞌ xbe̱neb li nequeꞌtzꞌekta̱nan re li Dios ut nequeꞌx-oxlokꞌi li nequeꞌxxucua ru li Dios. Junelic nequeꞌxba̱nu li cꞌaꞌru nequeꞌxye, usta nequeꞌxcꞌul raylal.

Eclesiastés 9:2

Chixjunileb juntakꞌe̱t teꞌxcꞌul. Juntakꞌe̱t teꞌxcꞌul li ti̱queb xchꞌo̱l riqꞌuineb li incꞌaꞌ ti̱queb xchꞌo̱l. Juntakꞌe̱t teꞌxcꞌul li cha̱bileb xnaꞌleb riqꞌuineb li incꞌaꞌ useb xnaꞌleb. Juntakꞌe̱t teꞌxcꞌul li nequeꞌxba̱nu li us riqꞌuineb li nequeꞌxba̱nu ma̱usilal. Juntakꞌe̱t teꞌxcꞌul li nequeꞌxqꞌue lix cꞌatbil mayej riqꞌuineb li incꞌaꞌ nequeꞌxqꞌue lix cꞌatbil mayej. Juntakꞌe̱t teꞌxcꞌul li ma̱cꞌaꞌeb xma̱c riqꞌuineb li cuanqueb xma̱c. Juntakꞌe̱t teꞌxcꞌul li nequeꞌyechiꞌin cꞌaꞌak re ru riqꞌuin juramento riqꞌuineb li incꞌaꞌ nequeꞌxba̱nu li juramento.

Eclesiastés 5:6

Cheqꞌuehak retal li cꞌaꞌru te̱ba̱nu re nak incꞌaꞌ texma̱cobk xban li cꞌaꞌru te̱yechiꞌi. Ma̱re mokon te̱ye re laj cꞌanjel chiru li Dios nak xma̱cꞌaꞌil e̱naꞌleb xeba̱nu cuiꞌ. Li Dios naru nasach ru li ac xeba̱nu. ¿Cꞌaꞌut nak te̱chikꞌ xjoskꞌil li Dios riqꞌuin li cꞌaꞌru nequeye?

Eclesiastés 5:2

Moco yalak cꞌaꞌru ta te̱ye chi incꞌaꞌ te̱cꞌoxla chi us. Incꞌaꞌ tex-oc xyechiꞌinquil re li Dios li cꞌaꞌru incꞌaꞌ naru te̱qꞌue xban nak li Dios saꞌ choxa cuan ut la̱ex saꞌ ruchichꞌochꞌ cuanquex. Cheba̱nuhak cue̱nt re nak incꞌaꞌ tex-a̱tinak nabal.

2 Samuel 21:7

Li rey David quiril xtokꞌoba̱l ru laj Mefi-boset li ralal laj Jonatán li ralal laj Saúl xban li juramento li queꞌxba̱nu laj David ut laj Jonatán saꞌ xcꞌabaꞌ li Dios.

Josué 9:17

Nak ac xnumeꞌ oxib cutan chic queꞌco̱eb laj Israel chixsicꞌbaleb saꞌ lix tenamiteb. Eb li tenamit aꞌan, aꞌaneb Gabaón, Cafira, Beerot, ut Quiriat-jearim.

Josué 9:19

Chixjunileb laj cꞌamol be saꞌ xya̱nkeb queꞌxye re li tenamit: —Ma̱cꞌaꞌ naru takaba̱nu reheb xban nak ac xkaba̱nu jun li contrato riqꞌuineb saꞌ xcꞌabaꞌ li Ka̱cuaꞌ Dios.

Números 30:3

Cui junak tukꞌ ixk toj sa̱j, li toj cuan saꞌ rochoch lix naꞌ xyucuaꞌ, naxyechiꞌi re li Dios cꞌaꞌak re ru,

Deuteronomio 23:22

Abanan ma̱cꞌaꞌak le̱ ma̱c cui incꞌaꞌ nequeyechiꞌi cꞌaꞌak re ru re li Ka̱cuaꞌ.

Deuteronomio 23:23

Li cꞌaꞌru nequeyechiꞌi re li Dios xba̱nunquil, tento nak te̱ba̱nu, xban nak yal e̱junes xeyechiꞌi chi incꞌaꞌ minbil e̱re xba̱nunquil.

Deuteronomio 23:24

Cui nequexxic saꞌ xnaꞌajeb lix uvas le̱ rech cabal, naru te̱lou li ru toj ta̱cꞌojla̱k e̱chꞌo̱l, abanan incꞌaꞌ naru te̱xoc li ru saꞌ le̱ chacach re te̱cꞌam che̱rix.