Josué 9:11 - Li Santil hu

¹¹ Joꞌcan nak eb li nequeꞌcꞌamoc be saꞌ kaya̱nk ut eb li kech tenamitil xeꞌxye ke: “Cꞌamomak le̱ tzacae̱mk ut ayukex riqꞌuineb laj Israel. Ut te̱ye reheb nak la̱o tocꞌanjelak chiruheb. Ut te̱ye ajcuiꞌ reheb nak la̱o takaj xba̱nunquil junak contrato riqꞌuineb.”

Q'eqchi Bible

¹¹ Jo'kan naq eb' li qacheekal winqul ut chixjunileb' li wankeb' sa' li qatenamit xe'xye qe: «Xokomaq li tzekemq taak'anjelaq eere re leeb'eenik. Ayuqex chi xk'ulb'aleb' ut yehomaq reheb': Laa'o eemoos», chankeb'. K'ehomaq b'i' eerib' sa' sumwank qik'in.

Josué 9:11 ပူးပေါင်းရင်းမြစ်များ

Ester 8:17

Saꞌ li junju̱nk chi tenamit li quitakla̱c cuiꞌ li chakꞌrab li quixqꞌue li rey, cꞌajoꞌ nak quisahoꞌ saꞌ xchꞌo̱leb laj judío ut queꞌninkꞌei̱c xban nak aꞌan jun nimla cutan chokꞌ reheb. Ut nabaleb li ma̱cuaꞌeb aj judío queꞌoc saꞌ xya̱nkeb xban nak qui-oc xxiuheb xbaneb laj judío.

Josué 9:8

Eb laj Gabaón queꞌxye re laj Josué: —La̱o tocꞌanjelak che̱ru, chanqueb re. Ut laj Josué quixye reheb: —¿Anihex tzꞌakal la̱ex? Ut, ¿bar xexchal chak?—

San Lucas 9:3

Quixye reheb: —Ma̱cꞌaꞌ te̱cꞌam e̱re nak texxic. Incꞌaꞌ te̱cꞌam e̱xukꞌ, chi moco e̱bo̱ls, chi moco e̱tzacae̱mk chi moco e̱tumin. Caꞌaj cuiꞌ le̱ rakꞌ li cuan che̱rix te̱cꞌam.

Josué 1:11

—Talajexnumekꞌ saꞌ lix muheba̱leb li tenamit ut te̱ye reheb nak teꞌxcauresi ribeb ut teꞌxyi̱b xtzacae̱mk xban nak saꞌ oxib cutan tonumekꞌ jun pacꞌal li nimaꞌ Jordán. Toxic ut take̱chani li naꞌajej li tixqꞌue ke li Ka̱cuaꞌ li kaDios, chaꞌakex reheb.

Génesis 43:12

Te̱cꞌam xtzꞌak li trigo li xecꞌam chak xbe̱n cua. Ut te̱cꞌam ajcuiꞌ lix tzꞌak li te̱lokꞌ chak. Te̱kꞌajsi li tumin li quichal saꞌ le̱ coxtal. Ma̱re yal xeꞌsach nak yo̱queb chixbutꞌbal li trigo.

Josué 9:10

Ut xkabi ajcuiꞌ resil li quixba̱nu reheb li cuib chi rey li queꞌcuan chokꞌ xreyeb laj amorreo li cuanqueb jun pacꞌal li nimaꞌ Jordán. Xkabi resil nak queꞌsach ruheb li rey Sehón aran Hesbón ut laj Og, lix rey eb laj Basán, li quicuan Astarot.

Josué 9:12

Saꞌ li cutan nak co-el chak saꞌ li kochoch tik chi us li kacaxlan cua li kacꞌam chak re takacuaꞌ saꞌ li be. Ut anakcuan ac xchakic ut moꞌ chic ru.

2 Reyes 10:5

Joꞌcan nak li nataklan saꞌ li palacio ut li nataklan saꞌ xbe̱n li tenamit rochbeneb li nequeꞌcꞌamoc be ut li nequeꞌiloc reheb li ralal laj Acab queꞌxjunaji ribeb ut queꞌxtakla resil riqꞌuin laj Jehú. Queꞌxye chi joꞌcaꞌin: —La̱o aj cꞌanjel cha̱cuu. Takaba̱nu li cꞌaꞌru ta̱cuaj la̱at. Ma̱ ani takaxakab chokꞌ karey. Ba̱nu li cꞌaꞌru nacacꞌoxla nak us xba̱nunquil, chanqueb.