Josué 9:10 - Li Santil hu

¹⁰ Ut xkabi ajcuiꞌ resil li quixba̱nu reheb li cuib chi rey li queꞌcuan chokꞌ xreyeb laj amorreo li cuanqueb jun pacꞌal li nimaꞌ Jordán. Xkabi resil nak queꞌsach ruheb li rey Sehón aran Hesbón ut laj Og, lix rey eb laj Basán, li quicuan Astarot.

Q'eqchi Bible

¹⁰ jo'wi' chixjunil li kixb'aanu reheb' li wiib' chi awab'ej aj Amor junpak'al li nima' Jordán, a' laj Sijón, awab'ej re Jesbón, ut laj Og, awab'ej re Basán, li kiwank aran Astarot.

Josué 9:10 ပူးပေါင်းရင်းမြစ်များ

Josué 12:4

Laj Og li rey re Basán, aꞌan jun xcomoneb li queꞌchal chak saꞌ li naꞌajej Refaim. Laj Og quicuan aran Astarot ut Edrei.

Deuteronomio 2:30

Abanan laj Sehón lix reyeb laj Hesbón incꞌaꞌ coxcanab chi numecꞌ xban nak li Ka̱cuaꞌ le̱ Dios quixcacuubresi xchꞌo̱l re nak tixkꞌaxtesi saꞌ kukꞌ li naꞌajej toj chalen anakcuan.

Deuteronomio 1:4

Aꞌin quicꞌulman nak ac xeꞌnumta saꞌ xbe̱n laj Sehón lix reyeb laj amorreo, li quicuan Hesbón ut saꞌ xbe̱n ajcuiꞌ laj Og lix reyeb laj Basán li quicuan Astarot saꞌ li naꞌajej Edrei.

1 Crónicas 6:71

Yi jach li ralal xcꞌajol laj Manasés queꞌxqꞌue reheb li ralal xcꞌajol laj Gersón li tenamit Golán li cuan saꞌ xcue̱nt Basán rochben lix cocꞌ cꞌaleba̱l ut li tenamit Astarot rochben lix cocꞌ cꞌaleba̱l.

Génesis 14:5

Nak ac xnumeꞌ chic jun chihab, li rey Quedorlaomer queꞌxchꞌutub rib rochbeneb li oxibeb chic li rey. Queꞌco̱eb rochbeneb lix soldados chi pletic. Nak yo̱queb chi xic chi pletic riqꞌuineb li o̱b chic li rey, saꞌ lix beheb queꞌxtau jalaneb tenamit ut queꞌpletic riqꞌuineb toj retal queꞌnumta saꞌ xbe̱neb laj Refaim li cuanqueb saꞌ li tenamit Astarot Karnaim, ut saꞌ xbe̱neb laj Zuz li cuanqueb saꞌ li tenamit Ham, joꞌ ajcuiꞌ saꞌ xbe̱neb laj Emita li cuanqueb saꞌ li tenamit Save-quiriataim.

Números 20:14

Nak cuanqueb Cades laj Moisés quixtaklaheb lix takl chi a̱tinac riqꞌuin lix reyeb laj Edom. Nak queꞌcuulac queꞌxye re: —La̱o aj Israel kechꞌalal kib e̱riqꞌuin la̱ex. Xotakla̱c chak chixyebal a̱cue chi joꞌcaꞌin. La̱at nacanau chixjunil li raylal li yo̱co chixcꞌulbal.

Josué 2:9

—La̱in ninnau nak li Ka̱cuaꞌ xqꞌue e̱re li naꞌajej aꞌin. Ut aꞌan ajcuiꞌ xqꞌuehoc kaxiu chikajunilo. Chixjunileb li cuanqueb arin ca̱mqueb re xban xxiuheb e̱ban la̱ex.

Josué 9:9

Ut eb aꞌan queꞌchakꞌoc ut queꞌxye: —La̱o xochal chak saꞌ najtil tenamit xban nak xkabi chixjunil li yo̱ chixba̱nunquil li Ka̱cuaꞌ le̱ Dios. Xkabi resil chixjunil li quilajxba̱nu chak aran Egipto.

Josué 9:11

Joꞌcan nak eb li nequeꞌcꞌamoc be saꞌ kaya̱nk ut eb li kech tenamitil xeꞌxye ke: “Cꞌamomak le̱ tzacae̱mk ut ayukex riqꞌuineb laj Israel. Ut te̱ye reheb nak la̱o tocꞌanjelak chiruheb. Ut te̱ye ajcuiꞌ reheb nak la̱o takaj xba̱nunquil junak contrato riqꞌuineb.”

Josué 13:31

Yijach li naꞌajej Galaad quiqꞌueheꞌ reheb ut li nimla tenamit Astarot joꞌ ajcuiꞌ li nimla tenamit Edrei, li queꞌcuan rubel xcuanquil laj Og, lix reyeb laj Basán. Chixjunil li naꞌajej aꞌin quiqꞌueheꞌ reheb yijach li ralal xcꞌajol laj Maquir, li ralal laj Manasés, aꞌ yal chanru xqꞌuialeb li junju̱nk chꞌu̱tal.

Josué 2:10

La̱o nakanau nak quex-el chak Egipto li Dios quixchakihobresi li haꞌ saꞌ li Caki Palau re nak texnumekꞌ jun pacꞌal. Ut nakanau ajcuiꞌ nak la̱ex quesach ruheb chi junaj cua li cuib chi rey laj Sehón ut laj Og, lix reyeb laj amorreo li cuanqueb jun pacꞌal li nimaꞌ Jordán.