Josué 8:4 - Li Santil hu

⁴ Ut quixye reheb: —Abihomak chi us. La̱ex texxic chirix li tenamit ut te̱muk e̱rib nachꞌ riqꞌuin li tenamit. Acak yo̱kex chi oybeni̱nc jokꞌe tex-oc chi pletic.

Q'eqchi Bible

⁴ ut kixchaq'rab'iheb' chi jo'ka'in: “K'ehomaq reetal! Texxik chirix li tenamit ut wanqex aran chi muqmu re xramb'al li tenamit; ab'an miq'axalexnajto'k rik'in ut aj'ajaq eeru chejunilex.

Josué 8:4 ပူးပေါင်းရင်းမြစ်များ

Jueces 20:29

Cuanqueb cui̱nk aj Israel queꞌxmuk ribeb chi xjun sutam li tenamit Gabaa.

Hechos 23:21

Ma̱ba̱nu cꞌaꞌru teꞌxye xban nak numenak caꞌcꞌa̱l chi cui̱nk teꞌramok re saꞌ be re xcamsinquil. Eb aꞌan queꞌxcꞌu̱b rib. Queꞌxba̱nu li juramento ut queꞌxye nak incꞌaꞌ teꞌcuaꞌak chi moco teꞌucꞌak cui incꞌaꞌ teꞌxcamsi laj Pablo. Anakcuan yo̱queb chiroybeninquil cꞌaꞌru ta̱ye la̱at, chan li al.

Eclesiastés 9:16

Nak ninqꞌue retal aꞌin la̱in ninye nak kꞌaxal us nak cua̱nk kanaꞌleb chiru nak cauhak kib. Abanan eb aꞌan queꞌxtzꞌekta̱na lix naꞌleb li cui̱nk aꞌan yal xban nak nebaꞌ ut incꞌaꞌ queꞌrabi li cꞌaꞌru quixye.

Eclesiastés 7:19

Li ani cuan xnaꞌleb naqꞌueheꞌ xcacuilal xban lix naꞌleb ut cau rib chiru laje̱b chi cui̱nk li cuanqueb xcuanquil.

1 Samuel 15:5

Chirix aꞌan laj Saúl queꞌco̱eb saꞌ lix tenamiteb laj Amalec ut aran queꞌcana chi oybeni̱nc saꞌ li ru takꞌa.

1 Samuel 15:2

Aꞌan aꞌin li naxye li nimajcual Dios; “La̱in tinqꞌueheb chixtojbal xma̱queb li ralal xcꞌajol laj Amalec xban nak incꞌaꞌ queꞌxcanabeb laj Israel chi numecꞌ saꞌ lix naꞌajeb nak queꞌel chak aran Egipto.

Jueces 20:36

Ut eb li ralal xcꞌajol laj Benjamín queꞌxqꞌue retal nak incꞌaꞌ queꞌnumta saꞌ xbe̱neb laj Israel. Lix qꞌuialeb li ralal xcꞌajol laj Israel queꞌa̱linac chiruheb laj Benjamín xban nak cꞌojcꞌo̱queb xchꞌo̱l riqꞌuineb li mukmu̱queb chi xjun sutam li tenamit Gabaa.

Jueces 20:33

Nak ma̱cꞌaꞌ saꞌ xchꞌo̱leb li ralal xcꞌajol laj Benjamín, eb li ralal xcꞌajol laj Israel queꞌxtus ribeb re teꞌpletik aran Baal-tamar. Ut eb laj Israel li mukmu̱queb chi xjun sutam li tenamit Gabaa queꞌel chak saꞌ li pim li mukmu̱queb cuiꞌ.

Jueces 9:25

Eb laj Siquem queꞌxxakabeb li cui̱nk re nak teꞌxmuk ribeb saꞌ eb li tzu̱l. Ut queꞌrelkꞌa chixjunil li cꞌaꞌru cuan reheb li nequeꞌnumeꞌ aran. Abanan laj Abimelec quirabi resil li cꞌaꞌru yo̱queb chixba̱nunquil.

Josué 8:16

Chixjunileb li soldado li cuanqueb Hai queꞌxchꞌutub rib re teꞌra̱linaheb lix soldado laj Josué. Xban ra̱linanquileb lix soldado laj Josué, chixjunileb queꞌxcanab lix tenamit.

Josué 8:3

Joꞌcan nak laj Josué quixchꞌutubeb lix soldado re tixtakla chi pletic riqꞌuineb li cuanqueb saꞌ li tenamit Hai. Quixsicꞌ ruheb laje̱b xcaꞌcꞌa̱l mil (30,000) chi soldado cauheb xchꞌo̱l chi pletic re tixtaklaheb chiru kꞌojyi̱n.

2 Reyes 7:12

Li rey quicuacli chak saꞌ lix cuariba̱l xban nak ac kꞌojyi̱n. Quixye reheb: —La̱in tinchꞌolob xya̱lal e̱re li cꞌaꞌru yo̱queb chixcꞌoxlanquil xba̱nunquil ke eb laj Siria. Eb aꞌan nequeꞌxnau nak ma̱cꞌaꞌ chic katzacae̱mk. Joꞌcan nak xeꞌel saꞌ lix muheba̱leb ut xeꞌxmuk ribeb chi nachꞌ. Saꞌ xchꞌo̱leb aꞌan nak toe̱lk saꞌ li tenamit ut toeꞌxchap chi yoꞌyo ut teꞌoc saꞌ li katenamit, chan.

2 Crónicas 13:13

Abanan laj Jeroboam ac xtaklaheb lix soldado chirix li naꞌajej li cuanqueb cuiꞌ eb laj Judá. Cuanqueb li soldados yo̱queb chi cha̱lc chiruheb ut cuanqueb li soldado li yo̱queb chi cha̱lc chirixeb.

Jueces 9:32

Joꞌcan nak chiru li kꞌojyi̱n aꞌin la̱at a̱cuochbeneb li soldados texcha̱lk ut te̱muk e̱rib chire li tenamit.