Josué 8:33 - Li Santil hu

³³ Ut chixjunileb laj Israel, rochbeneb li nequeꞌcꞌamoc be chiruheb joꞌ eb ajcuiꞌ li cuanqueb xcuanquil, ut eb laj rakol a̱tin, joꞌ eb ajcuiꞌ li jalan xtenamiteb, queꞌxakli saꞌ xcaꞌ pacꞌalil li Lokꞌlaj Ca̱x li cuan cuiꞌ lix contrato li Dios. Yo̱queb chi iloc cuanqueb cuiꞌ laj levita laj tij li yo̱queb chi pako̱nc re li Lokꞌlaj Ca̱x. Jun jachal li tenamit cuanqueb saꞌ xjayal li tzu̱l Gerizim ut li jun jachal chic cuanqueb saꞌ xjayal li tzu̱l Ebal. Queꞌxba̱nu joꞌ quiyeheꞌ reheb junxil xban laj Moisés laj cꞌanjel chiru li Dios re nak teꞌosobtesi̱k xban li Ka̱cuaꞌ.

Q'eqchi Bible

³³ Toja' naq li jo'k'ihaleb' wankeb' aran, eb' laj Israel jo'wi' li jalan xtenamiteb', eb' li cheekel winq, eb' laj tz'iib' ut eb' laj raqol aatin ke'xaqliik sa' xka'pak'alil li Loq'laj Kaax, chiruheb' laj tij aj Leví aj k'amoneleb' re li xLoq'laj Kaaxil li Sumwank: jun yiijach chiru li tzuul Karisín ut li jun yiijach chik chiru li tzuul Ebal. Ke'xb'aanu jo' kiyehe'k reheb' junxil xb'aan laj Moisés, aj k'anjel chiru li Qaawa', naq kirosob'tesiheb' xb'ensut li tenamit Israel.

Josué 8:33 ပူးပေါင်းရင်းမြစ်များ

Deuteronomio 11:29

Nak li Ka̱cuaꞌ texcꞌam saꞌ li naꞌajej li te̱re̱chani, te̱ye resilal le̱ rosobtesinquil saꞌ li tzu̱l Gerizim. Ut saꞌ li tzu̱l Ebal te̱ye resilal le̱ tzꞌekta̱nanquil.

Deuteronomio 31:12

Ta̱chꞌutub ruheb chixjunileb laj Israel, joꞌ cui̱nk, joꞌ ixk, joꞌ cocꞌal. Ut joꞌcan ajcuiꞌ li jalaneb xtenamit li cuanqueb saꞌ e̱ya̱nk. Ta̱chꞌutubeb chixjunileb re nak teꞌrabi ut teꞌxtzol rib chixba̱nunquil li naxye saꞌ li chakꞌrab aꞌin. Cheꞌxxucua ru li Ka̱cuaꞌ le̱ Dios ut teꞌxqꞌue xchꞌo̱l chixba̱nunquil li naxye li chakꞌrab.

Deuteronomio 31:9

Ut laj Moisés quixtzꞌi̱ba li chakꞌrab aꞌin ut quixqꞌue reheb laj tij, eb li ralal laj Leví. Aꞌan eb li nequeꞌcꞌamoc re li Lokꞌlaj Ca̱x li cuan cuiꞌ li contrato li quixba̱nu li Ka̱cuaꞌ. Ut quixqꞌue ajcuiꞌ reheb li cui̱nk li nequeꞌcꞌamoc be saꞌ xya̱nkeb laj Israel.

Josué 24:1

Laj Josué quixchꞌutubeb chixjunileb lix te̱paleb laj Israel aran Siquem. Quixbokeb li nequeꞌcꞌamoc be saꞌ xya̱nkeb, ut eb li nequeꞌtaklan saꞌ xbe̱neb, ut eb laj rakol a̱tin, joꞌ eb ajcuiꞌ li cuanqueb xcuanquil. Queꞌxchꞌutub ribeb chiru li Dios.

Josué 4:18

Ut eb laj tij li yo̱queb chi cꞌamoc re li Lokꞌlaj Ca̱x queꞌel saꞌ xyi li nimaꞌ ut queꞌco̱eb chire li nimaꞌ. Nak ac xeꞌel saꞌ li nimaꞌ, qui-oc cuiꞌchic chi be̱c li haꞌ chi cau rok ut quixcꞌul cuiꞌchic rib ut yo̱ chi butꞌu̱nc.

Josué 3:3

Ut queꞌxye reheb chixjunileb chi joꞌcaꞌin: —Nak te̱ril nak yo̱k chak chi cha̱lc li Lokꞌlaj Ca̱x li yo̱keb chak chixcꞌambal eb laj levita laj tij, la̱ex tex-e̱lk chak saꞌ le̱ naꞌaj ut texxic chirix,

Deuteronomio 31:25

Chirix aꞌan quixye reheb laj levita li nequeꞌpakon re li Lokꞌlaj Ca̱x li cuan cuiꞌ lix contrato li Ka̱cuaꞌ:

Números 15:29

Li chakꞌrab aꞌin e̱re la̱ex aj Israel ut reheb li jalaneb xtenamit li cuanqueb saꞌ e̱ya̱nk. Jun ajcuiꞌ li chakꞌrab li tento te̱ba̱nu nak nequexma̱cob chi incꞌaꞌ yal naraj e̱chꞌo̱l.

Números 15:16

Li chakꞌrab li te̱ba̱nu la̱ex, aꞌan ajcuiꞌ li teꞌxba̱nu li jalaneb xtenamit li cuanqueb saꞌ e̱ya̱nk.

Éxodo 12:49

Juntakꞌe̱takeb chic li chakꞌrab chokꞌ e̱re joꞌ ajcuiꞌ reheb li jalan xtenamiteb.

Josué 23:2

Joꞌcan nak laj Josué quixtakla xbokbaleb laj Israel ut eb li nequeꞌcꞌamoc be chiruheb, ut eb li nequeꞌtaklan saꞌ xbe̱neb, joꞌ eb ajcuiꞌ laj rakol a̱tin ut li cuanqueb xcuanquil. Ut quixye reheb: —La̱in xinti̱x. Incꞌaꞌ chic nincuy.

Josué 6:6

Laj Josué quixbokeb laj tij ut quixye reheb: —Cꞌamomak lix Lokꞌlaj Ca̱x li Ka̱cuaꞌ. Ut cuukub e̱re teꞌxcꞌam lix xucub li carner re teꞌxya̱basi ut teꞌxic chi ubej chiru lix Lokꞌlaj Ca̱x li Ka̱cuaꞌ.—

Josué 4:10

Ut eb li tenamit queꞌxba̱nu li cꞌaꞌru quixye laj Josué. Eb laj tij li yo̱queb chi cꞌamoc re li Lokꞌlaj Ca̱x queꞌcana chi xakxo saꞌ xyi li nimaꞌ Jordán toj queꞌxba̱nu li joꞌ qꞌuial quixye li Ka̱cuaꞌ re laj Josué, joꞌ quiyeheꞌ re junxil xban laj Moisés. Ut eb li tenamit queꞌnumeꞌ chi junpa̱t jun pacꞌal li nimaꞌ.

Josué 3:14

Eb laj Israel queꞌel chak saꞌ lix naꞌajeb li cuanqueb cuiꞌ ut eb laj tij li yo̱queb chi cꞌamoc re li Lokꞌlaj Ca̱x, aꞌaneb li yo̱queb chi cꞌamoc be chiruheb.

Levítico 24:22

Li chakꞌrab aꞌin tenebanbil saꞌ xbe̱neb laj Israel joꞌ eb ajcuiꞌ li jalaneb xtenamit. La̱in li Ka̱cuaꞌ le̱ Dios.—

Josué 3:6

Ut laj Josué quixye ajcuiꞌ reheb laj tij: —Pakomak li Lokꞌlaj Ca̱x ut numenkex chiruheb li tenamit, chan. Ut eb aꞌan queꞌxpako li Lokꞌlaj Ca̱x ut queꞌnumeꞌ chiruheb li tenamit.

San Juan 4:20

Eb li kaxeꞌto̱nil yucuaꞌ la̱o aj Samaria queꞌtijoc chiru li Dios saꞌ li tzu̱l li cuan arin. Abanan la̱ex aj judío nequeye nak toj aran Jerusalén cuan li tzꞌakal naꞌajej re lokꞌoni̱nc. Ye cue bar cuan li tzꞌakal xya̱lal, chan li ixk.

Números 15:15

Li chakꞌrab aꞌin qꞌuebil e̱re la̱ex ut qꞌuebil ajcuiꞌ reheb li jalaneb xtenamit li cuanqueb saꞌ e̱ya̱nk. Aꞌin jun li chakꞌrab te̱ba̱nu chi junelic la̱ex joꞌ eb ajcuiꞌ li jalaneb xtenamit li cuanqueb saꞌ e̱ya̱nk.