Josué 8:31 - Li Santil hu

³¹ Eb laj Israel queꞌxba̱nu joꞌ quiyeheꞌ reheb xban laj Moisés laj cꞌanjel chiru li Ka̱cuaꞌ. Queꞌxyi̱b li artal joꞌ tzꞌi̱banbil saꞌ li chakꞌrab li quiqꞌueheꞌ re laj Moisés. Queꞌxyi̱b li artal riqꞌuin pec incꞌaꞌ ti̱cobresinbil ru chi moco juchꞌbil riqꞌuin chꞌi̱chꞌ. Ut queꞌxcꞌat lix mayejeb saꞌ xbe̱n li artal chiru li Ka̱cuaꞌ. Queꞌmayejac re xcꞌambal ribeb saꞌ usilal riqꞌuin li Ka̱cuaꞌ.

Q'eqchi Bible

³¹ jo' yeeb'il reheb' laj Israel xb'aan laj Moisés, aj k'anjel chiru li Qaawa'. A'in ajwi' tz'iib'anb'il sa' xHuhil li xChaq'rab' laj Moisés: “Chayiib' jun li artal rik'in pek li ink'a' q'unob'resinb'ileb' ru chi moko tuqub'anb'ileb' ru rik'in ch'iich'”. Ut sa' xb'een a'an ke'yeechi'ink li k'atb'il mayej chiru li Qaawa' ut ke'mayejak chirix li k'amok ib' sa' usilal.

Josué 8:31 ပူးပေါင်းရင်းမြစ်များ

2 Crónicas 35:12

Chirix aꞌan queꞌxjeqꞌui li tib reheb li junju̱nk cabal re nak teꞌxcꞌat chokꞌ xmayej joꞌ tzꞌi̱banbil saꞌ li chakꞌrab li quiqꞌueheꞌ re laj Moisés. Ut joꞌcan ajcuiꞌ queꞌxba̱nu riqꞌuineb li bo̱yx.

Josué 1:8

Incꞌaꞌ ta̱canab xyebal li chakꞌrab li xinqꞌue e̱re. Chi kꞌek chi cutan yo̱kat chixcꞌoxlanquil li chakꞌrab re nak incꞌaꞌ ta̱canab xba̱nunquil li cꞌaꞌru naxye, ut re ajcuiꞌ nak sa tatcua̱nk ut chixjunil ta̱e̱lk chi us cha̱cuu.

Éxodo 24:5

Laj Moisés quixtaklaheb li sa̱j cui̱nk aj Israel chi mayejac chiru li Dios. Queꞌxcamsi li bo̱yx ut queꞌxcꞌat chokꞌ xmayej chiru li Dios re xpatzꞌbal xcuybal xma̱queb.

Éxodo 18:12

Ut laj Jetro quixqꞌue lix cꞌatbil mayej chiru li Ka̱cuaꞌ Dios. Laj Aarón rochbeneb li cui̱nk li nequeꞌcꞌamoc be saꞌ xya̱nkeb laj Israel, queꞌchal ut queꞌcuaꞌac rochben re xlokꞌoninquil li Ka̱cuaꞌ Dios.

San Mateo 12:26

Joꞌcan ajcuiꞌ laj tza cui teꞌxpleti rib chi ribileb rib, aꞌan tixsach xcuanquil xjunes rib.

Nehemías 13:1

Saꞌ jun li cutan qui-ileꞌ chiruheb li tenamit li hu li quixtzꞌi̱ba laj Moisés. Ut saꞌ li hu aꞌan tzꞌi̱banbil retalil nak eb laj amonita ut eb laj moabitas incꞌaꞌ ta̱ru̱k teꞌcua̱nk saꞌ xya̱nkeb laj Israel, lix tenamit li Dios.

Esdras 6:18

Eb laj tij queꞌqꞌueheꞌ saꞌ xcꞌanjeleb chi xjunju̱nkaleb. Joꞌcan ajcuiꞌ laj levita. Ac xcꞌanjel xcꞌanjel li junju̱nk queꞌqꞌueheꞌ re teꞌcꞌanjelak chiru li Dios joꞌ tzꞌi̱banbil retalil saꞌ li chakꞌrab xban laj Moisés.

2 Crónicas 25:4

Abanan incꞌaꞌ quixtakla xcamsinquil li ralal xcꞌajoleb. Quixba̱nu ban li quixye li Ka̱cuaꞌ joꞌ tzꞌi̱banbil saꞌ li chakꞌrab li quiqꞌueheꞌ re laj Moisés nak li Ka̱cuaꞌ quixye: —Eb li naꞌbej yucuaꞌbej incꞌaꞌ teꞌcamsi̱k xban li ma̱c li queꞌxba̱nu li alal cꞌajolbej, chi moco li alal cꞌajolbej teꞌcamsi̱k xban lix ma̱queb lix naꞌ xyucuaꞌeb. Tixtoj ban xma̱c li ani cuan xma̱c.

2 Reyes 22:8

Saꞌ jun li cutan laj Hilcías li xbe̱nil aj tij quixye re laj Safán: —La̱in xintau saꞌ lix templo li Ka̱cuaꞌ li hu li tzꞌi̱banbil cuiꞌ lix chakꞌrab li Dios, chan. Laj Hilcías quixqꞌue li hu re laj Safán ut laj Safán quiril xsaꞌ.

2 Reyes 14:6

Abanan incꞌaꞌ quixcamsiheb li ralal xcꞌajoleb. Quixba̱nu ban li quixye li Ka̱cuaꞌ joꞌ tzꞌi̱banbil saꞌ li chakꞌrab li quiqꞌueheꞌ re laj Moisés nak li Ka̱cuaꞌ quixye: —Eb li naꞌbej yucuaꞌbej incꞌaꞌ teꞌcamsi̱k xban li ma̱c li queꞌxba̱nu li alal cꞌajolbej, chi moco li alalbej cꞌajolbej teꞌcamsi̱k xban lix ma̱queb lix naꞌ xyucuaꞌeb. Li junju̱nk ta̱ca̱mk xban li ma̱c tixba̱nu.—

Deuteronomio 27:2

Nak la̱ex texnumekꞌ jun pacꞌal li nimaꞌ Jordán re tex-oc saꞌ li naꞌajej li tixqꞌue e̱re li Ka̱cuaꞌ le̱ Dios, saꞌ li cutan aꞌan te̱xakab li ni̱nki pec ut te̱boneb riqꞌuin chun.

Deuteronomio 27:8

Te̱tzꞌi̱ba chi cha̱bil chiru li pec aꞌin li chakꞌrab li xinqꞌue e̱re, chan.