Josué 8:29 - Li Santil hu

²⁹ Ut li rey li quicuan saꞌ li tenamit Hai, yatzꞌbil queꞌxba̱nu re. Ut quixnumsi li cutan chi tꞌuytꞌu aran. Nak qui-ecuu laj Josué quixtakla xcubsinquil li camenak re teꞌxcut saꞌ li oqueba̱l re li tenamit. Ut queꞌxtu̱b nabal li pec saꞌ xbe̱n. Toj tu̱btu ajcuiꞌ li pec aꞌan toj chalen anakcuan.

Q'eqchi Bible

²⁹ ut kixt'uyub' li awab'ej sa' ru'uj junaq che' toj re ki'ewuuk; ut sa' rokik li saq'e laj Josué kixtaqla xkub'sinb'il li kamenaq. Chirix chik a'an ke'xkut sa' rokeb'aal li tenamit ut ke'xtuub' k'iila pek sa' xb'een, li toj wank anaqwan.

Josué 8:29 ပူးပေါင်းရင်းမြစ်များ

2 Samuel 18:17

Queꞌxcꞌam laj Absalón ut queꞌxcut saꞌ jun chamal jul saꞌ li qꞌuicheꞌ ut queꞌxtu̱b jun mamaꞌ tu̱b li pec saꞌ xbe̱n. Ut chixjunileb laj Israel queꞌe̱lelic ut queꞌco̱eb saꞌ rochocheb.

Josué 7:26

Ut queꞌxtu̱b nabal li pec saꞌ xbe̱n ut eb li pec aꞌan toj cuanqueb anakcuan. Riqꞌuin aꞌin qui-el xjoskꞌil li Ka̱cuaꞌ saꞌ xbe̱neb laj Israel. Toj chalen anakcuan nequeꞌxye re li naꞌajej aꞌan “Li ru takꞌa re Acor”.

Hechos 12:23

Ut saꞌ ajcuiꞌ li ho̱nal aꞌan, jun x-ángel li Ka̱cuaꞌ quixqꞌue jun yajel saꞌ xbe̱n laj Herodes xban nak quixqꞌue rib chixlokꞌoniheb li tenamit ut incꞌaꞌ quixqꞌue xlokꞌal li Dios. Quimotzoꞌin ut aꞌan quicamsin re.

Salmos 110:5

Li Ka̱cuaꞌ cua̱nk saꞌ la̱ nim ukꞌ cha̱tenkꞌanquil. Nak ta̱cuulak xkꞌehil nak tixcꞌutbesi lix joskꞌil, li Dios tixsach ruheb li rey li cuanqueb saꞌ ruchichꞌochꞌ.

Salmos 107:40

Li Dios quichal xjoskꞌil saꞌ xbe̱neb li yo̱queb chi rahobtesi̱nc reheb lix tenamit ut quixqꞌueheb chixbeninquil ribeb yalak bar ut incꞌaꞌ nequeꞌxtau bar nequeꞌxic.

Ester 7:10

Joꞌcan nak laj Amán quiyatzꞌeꞌ saꞌ li cꞌa̱m li quixqꞌue chi yi̱ba̱c re xyatzꞌbal laj Mardoqueo. Ut nak ac xcam laj Amán, quicube xjoskꞌil li rey.

Josué 10:33

Laj Horam li rey li cuan saꞌ li tenamit Gezer co̱ rochbeneb lix soldados chixtenkꞌanquil li tenamit Laquis. Abanan laj Josué rochbeneb lix soldados queꞌnumta saꞌ xbe̱neb li tenamit aꞌan toj retal quixsacheb ru chixjunileb. Ma̱ jun chic quixcanabeb chi yoꞌyo.

Josué 10:30

Li Ka̱cuaꞌ Dios quixkꞌaxtesi ajcuiꞌ li tenamit aꞌan saꞌ rukꞌeb laj Israel. Queꞌxcamsi chi chꞌi̱chꞌ chixjunileb li cuanqueb saꞌ li naꞌajej aꞌan. Ma̱ jun chic queꞌcana chi yoꞌyo. Ut queꞌxcamsi ajcuiꞌ lix reyeb joꞌ nak queꞌxcamsi li rey re Jericó.

San Juan 19:31

Eb li nequeꞌtaklan saꞌ xya̱nkeb laj judío queꞌxtzꞌa̱ma chiru laj Pilato re nak tixtakla xtokbal xbakel li raꞌeb li queꞌqꞌueheꞌ chiru cruz re nak teꞌca̱mk chi junpa̱t. Queꞌraj nak teꞌisi̱k chiru cruz xban nak cuulac re li hiloba̱l cutan. Yo̱queb chixcauresinquil ribeb re li ninkꞌe Pascua xban nak aꞌan li kꞌaxal lokꞌ chiruheb.

Josué 12:9

Lix cꞌabaꞌeb li rey li queꞌsacheꞌ ruheb, aꞌaneb aꞌin: li rey re Jericó, li rey re Hai li cuan nachꞌ riqꞌuin Bet-el,

Josué 8:23

Caꞌaj cuiꞌ li rey re li tenamit Hai incꞌaꞌ quicamsi̱c. Quichapeꞌ ban ut quicꞌameꞌ riqꞌuin laj Josué.