Josué 8:20 - Li Santil hu

²⁰ Ut eb li soldado re li tenamit Hai queꞌiloc chirixeb ut queꞌxqꞌue retal nak lix tenamiteb yo̱ chi cꞌatc. Yo̱ chi takecꞌ lix sibel saꞌ choxa. Ma̱cꞌaꞌ chic quiru queꞌxba̱nu. Ma̱ bar chic quiru queꞌe̱lelic xban nak eb li soldado aj Israel li yo̱queb chi e̱lelic toj saꞌ li chaki chꞌochꞌ, queꞌsukꞌi saꞌ xbe̱neb ut queꞌoc chi pletic riqꞌuineb.

Q'eqchi Bible

²⁰ Eb' laj Ay ke'ilok chirixeb' ut ke'ril li xsib'el li tenamit yo chi taqe'k sa' choxa: maab'ar chik ke'ruuk chi elelik, xb'aan naq eb' laj Israel li yookeb' chi xik aj eelel sa' li chaqich'och' ke'sutq'iik chaq sa' xb'eeneb' laj aanilasinel reheb'.

Josué 8:20 ပူးပေါင်းရင်းမြစ်များ

Apocalipsis 19:3

Ut queꞌxye cuiꞌchic: Aleluya, lokꞌoninbil taxak li Dios. Lix sibel li tenamit aꞌan ta̱takekꞌ chi junelic kꞌe cutan nak yo̱k chi cꞌatc.

Apocalipsis 18:9

Eb li rey li cuanqueb saꞌ ruchichꞌochꞌ li queꞌcuulac aran Babilonia chixba̱nunquil li ma̱usilal rochbeneb ut queꞌsahoꞌ saꞌ xchꞌo̱leb riqꞌuineb, ta̱rahokꞌ saꞌ xchꞌo̱leb chirilbal nak yo̱k chi sachecꞌ ru li tenamit. Teꞌya̱bak xban xrahil xchꞌo̱leb nak teꞌril xsibel li tenamit nak yo̱k chi cꞌatc.

Isaías 34:10

Ut incꞌaꞌ chic ta̱chupk lix xamlel. Yo̱k xxamlel chi kꞌek chi cutan. Junelic yo̱k xsibel. Ta̱cana̱k chi ma̱cꞌaꞌ chic na-oc cuiꞌ. Ut ma̱ ani chic ta̱numekꞌ aran.

Salmos 76:5

Eb li cauheb raj rib queꞌmakꞌeꞌ chiruheb li cꞌaꞌru reheb. Quilajeꞌcam ut ma̱ jun reheb li cauheb rib queꞌsumen.

Li xHu LAJ JOB 11:20

Abanan li incꞌaꞌ useb xnaꞌleb teꞌosokꞌ. Ma̱ bar teꞌxcol ribeb. Caꞌaj chic li ca̱mc yo̱keb chiroybeninquil, chan laj Zofar.

Génesis 19:28

Laj Abraham qui-iloc saꞌ li naꞌajej li queꞌcuan cuiꞌ li tenamit Sodoma ut Gomorra. Ut aran quiril nak ma̱ caꞌchꞌin li sib nakꞌujujnac chi takecꞌ. Chanchan jun nimla horno li yo̱ xxamlel.

Josué 8:19

Ut eb li soldados li mukmu̱queb chak chirix li tenamit nak queꞌril nak quixtaksi lix chꞌi̱chꞌ laj Josué saꞌ junpa̱t queꞌel chak ut queꞌoc saꞌ li tenamit ut queꞌre̱chani. Ut saꞌ junpa̱t queꞌoc xcꞌatbal li tenamit.

Josué 8:21

Laj Josué ut eb lix soldados queꞌril nak eb li soldados li mukmu̱queb chak ac xeꞌoc saꞌ li tenamit chixcꞌatbal. Eb lix soldado laj Josué queꞌsukꞌi ut queꞌoc chi pletic riqꞌuineb li soldado re li tenamit Hai.

Jueces 20:38

Ac queꞌxcꞌu̱b riqꞌuineb li queꞌxmuk rib nak teꞌril li sib yo̱ chi takecꞌ saꞌ li tenamit, teꞌsukꞌi̱k chirix re teꞌoc chi pletic riqꞌuineb li ralal xcꞌajol laj Benjamín.

Jueces 20:40

Tojoꞌnak queꞌiloc chirixeb ut queꞌril li sib li yo̱ chi takecꞌ saꞌ xbe̱n li tenamit Gabaa. Cꞌajoꞌ nak queꞌsach xchꞌo̱leb li ralal xcꞌajol laj Benjamín.

Jueces 20:41

Ut eb li ralal xcꞌajol laj Israel queꞌxsukꞌisi ribeb ut queꞌxtiquib cuiꞌchic pletic riqꞌuineb. Qui-oc xxiuheb li ralal xcꞌajol laj Benjamín xban nak queꞌxqꞌue retal nak teꞌsachekꞌ ruheb.