Josué 8:2 - Li Santil hu

² Joꞌ xaba̱nu re li tenamit Jericó ut lix reyeb, joꞌcan cuiꞌchic ta̱ba̱nu re li tenamit Hai ut lix reyeb. Abanan anakcuan la̱ex naru nequexoc chokꞌ e̱re lix queto̱mkeb joꞌ ajcuiꞌ chixjunil li cꞌaꞌru cuan reheb. Cauresihomak e̱rib chi oc saꞌ li tenamit aꞌan chi ma̱cꞌaꞌ saꞌ xchꞌo̱leb. Texxic chirix li tenamit ut aran te̱muk e̱rib, chan.

Q'eqchi Bible

² Jo' xab'aanu re Jerikó ut li x'awab'ej, jo'kan ajwi' taab'aanu re Ay ut li x'awab'ej. Ab'an anaqwan truuq teexok cho'q eere li xketomqeb' ut li k'aru wank reheb'. Kawresihomaq eerib' chi ok sa' li tenamit toj chirix, chi maak'a' sa' xch'ooleb'”, chan.

Josué 8:2 ပူးပေါင်းရင်းမြစ်များ

Deuteronomio 20:14

Abanan naru te̱cꞌam chokꞌ e̱re eb li ixk, eb li cocꞌal, li queto̱mk ut chixjunil li cꞌaꞌak re ru cuan saꞌ li tenamit li tixkꞌaxtesi chokꞌ e̱re li Ka̱cuaꞌ le̱ Dios.

Proverbios 13:22

Li ani cha̱bil xnaꞌleb naxcanab li cꞌaꞌru re chokꞌ reheb li ralal xcꞌajol. Abanan laj ma̱c, aꞌaneb chic li ti̱queb xchꞌo̱l teꞌe̱chani̱nk re li cꞌaꞌru re.

2 Crónicas 20:22

Saꞌ li ho̱nal nak queꞌxtiquib bicha̱nc laj Judá ut laj Jerusalén re xqꞌuebal xlokꞌal li Ka̱cuaꞌ, eb laj Amón ut eb laj Moab joꞌ ajcuiꞌ eb li queꞌchal chak saꞌ li tzu̱l Seir, eb li yo̱queb chi cha̱lc chi pletic riqꞌuineb laj Judá, queꞌoc chixpletinquil ribeb chi ribileb rib xban nak li Dios quixsach xnaꞌlebeb.

Josué 6:21

Queꞌxcamsi chi chꞌi̱chꞌ chixjunileb li cristian, joꞌ cui̱nk, joꞌ ixk, joꞌ ti̱x, joꞌ toj sa̱jeb. Ut queꞌxcamsi ajcuiꞌ chixjunileb li bo̱yx, li carner ut li bu̱r. Joꞌcaꞌin nak queꞌxsach ru chixjunil li cuan saꞌ li tenamit aꞌan.

Jeremías 51:12

Taksihomak li bandera retalil nak te̱tiquib pletic riqꞌuineb li cuanqueb saꞌ xbe̱neb li tzꞌac li sutsu cuiꞌ li tenamit. Qꞌuehomak xtzꞌakobeb li soldado ut qꞌuehomakeb saꞌ xnaꞌaj li nequeꞌqꞌuehoc etal. Taklahomakeb chi pletic. Li Ka̱cuaꞌ tixba̱nu li cꞌaꞌru naraj xba̱nunquil joꞌ quixye nak tixba̱nu reheb laj Babilonia.

Jeremías 17:11

Li ani naxtau xbiomal riqꞌuin balakꞌic, aꞌan chanchan li xul li naxhupub rib saꞌ xbe̱n li mol li ma̱cuaꞌ re. Nak toj ma̱jiꞌ ti̱x, tixsach lix biomal ut ta̱cꞌutu̱nk nak ma̱cꞌaꞌ xnaꞌleb.

Proverbios 28:20

Li ani nacuan saꞌ ti̱quilal ta̱osobtesi̱k xban li Dios. Abanan li ani ta̱raj ru xtaubal xbiomal incꞌaꞌ ta̱cana̱k chi incꞌaꞌ tixtoj rix lix ma̱c.

Salmos 39:6

Incꞌaꞌ najt nacuan xyuꞌam junak ut ma̱cꞌaꞌ na-oc cuiꞌ chixjunil li naxba̱nu. Naxcꞌu̱la lix biomal ut incꞌaꞌ naxnau ani chic ta̱e̱chani̱nk re mokon.

2 Crónicas 13:13

Abanan laj Jeroboam ac xtaklaheb lix soldado chirix li naꞌajej li cuanqueb cuiꞌ eb laj Judá. Cuanqueb li soldados yo̱queb chi cha̱lc chiruheb ut cuanqueb li soldado li yo̱queb chi cha̱lc chirixeb.

Josué 10:28

Saꞌ eb li cutan aꞌan laj Josué ut eb lix soldado queꞌpletic riqꞌuineb li cuanqueb saꞌ li tenamit Maceda. Queꞌnumta saꞌ xbe̱neb ut queꞌxcamsiheb. Ma̱ jun chic queꞌcana chi yoꞌyo saꞌ li tenamit aꞌan. Joꞌ nak quixcamsi lix reyeb laj Jericó, joꞌcan cuiꞌchic quixba̱nu re lix reyeb laj Maceda.

Josué 10:1

Li rey Adonisedec li cuan Jerusalén quirabi resil nak laj Josué quinumta saꞌ xbe̱n li tenamit Hai ut quisach ru ut quixcamsi lix reyeb. Ut quirabi ajcuiꞌ resil nak quixsach ru li tenamit Jericó ut quixcamsi li rey. Ut quirabi ajcuiꞌ resil nak eb li cuanqueb aran Gabaón queꞌxba̱nu jun li contrato re nak teꞌxcꞌam ribeb saꞌ usilal riqꞌuineb laj Israel ut cuanqueb chic saꞌ xya̱nkeb.

Josué 8:24

Nak queꞌrakeꞌ chixcamsinquileb chixjunileb li soldado li queꞌa̱linan reheb toj saꞌ li chaki chꞌochꞌ, eb li soldados aj Israel queꞌsukꞌi cuiꞌchic saꞌ li tenamit ut queꞌxcamsiheb li joꞌ qꞌuial chic queꞌcana saꞌ li tenamit Hai.

Josué 8:19

Ut eb li soldados li mukmu̱queb chak chirix li tenamit nak queꞌril nak quixtaksi lix chꞌi̱chꞌ laj Josué saꞌ junpa̱t queꞌel chak ut queꞌoc saꞌ li tenamit ut queꞌre̱chani. Ut saꞌ junpa̱t queꞌoc xcꞌatbal li tenamit.

Josué 8:14

Nak eb laj Josué cuanqueb saꞌ li ru takꞌa, li rey re li tenamit Hai quirileb. Ut saꞌ junpa̱t quixchꞌutubeb lix soldado re nak teꞌxic chi pletic riqꞌuineb laj Israel saꞌ li ru takꞌa Jordán. Abanan incꞌaꞌ queꞌxnau nak cuanqueb ta yijach lix soldado eb aj Israel mukmu̱queb chirix lix tenamiteb.

Josué 8:12

O̱b mil (5,000) tana li soldado li quixtaklaheb re teꞌxmuk rib saꞌ li naꞌajej li cuan saꞌ li oeste saꞌ xyi li cuib chi tenamit Bet-el ut Hai.

Josué 8:9

Chirix chic aꞌan laj Josué quixtaklaheb lix soldado re nak teꞌxic chixmukbal ribeb saꞌ jun li naꞌajej li cuan saꞌ xyi li cuib chi tenamit Bet-el ut Hai. Ut laj Josué quicana saꞌ xya̱nkeb li jun chꞌol chic lix soldado chiru li kꞌojyi̱n aꞌan.

Josué 8:7

La̱ex te̱ril nak ac xeꞌel saꞌ li tenamit Hai. Tojoꞌnak tex-e̱lk chak saꞌ li naꞌajej li mukmu̱kex cuiꞌ ut tex-oc saꞌ li tenamit chi pletic xban nak li Ka̱cuaꞌ le̱ Dios tixkꞌaxtesi saꞌ e̱rukꞌ li tenamit aꞌan.

Deuteronomio 3:2

Ut li Ka̱cuaꞌ quixye cue: “Matxucuac xban laj Og xban nak la̱in tinkꞌaxtesi saꞌ e̱rukꞌ rochbeneb chixjunileb lix soldado ut lix naꞌajeb. Ta̱ba̱nu re joꞌ xaba̱nu re laj Sehón, lix reyeb laj amorreo li quicuan Hesbón,” chan.

Josué 8:3

Joꞌcan nak laj Josué quixchꞌutubeb lix soldado re tixtakla chi pletic riqꞌuineb li cuanqueb saꞌ li tenamit Hai. Quixsicꞌ ruheb laje̱b xcaꞌcꞌa̱l mil (30,000) chi soldado cauheb xchꞌo̱l chi pletic re tixtaklaheb chiru kꞌojyi̱n.

Josué 8:8

Ut nak acak xex-oc, te̱cꞌat li tenamit aꞌan joꞌ xye li Ka̱cuaꞌ. Aꞌin le̱ taklanquil tinqꞌue, chan laj Josué.

Deuteronomio 2:35

Caꞌaj cuiꞌ lix queto̱mk kaxoc chokꞌ ke ut li cꞌaꞌru terto xtzꞌak li cuan saꞌ eb lix tenamit.

Josué 9:3

Eb laj heveo li cuanqueb Gabaón queꞌrabi resil chixjunil li quixba̱nu laj Josué riqꞌuineb li tenamit Jericó ut Hai.

Josué 11:14

Eb laj Israel quilajeꞌxcamsi chixjunileb li cuanqueb saꞌ eb li tenamit aꞌan. Ma̱ jun queꞌxcanab chi yoꞌyo. Ut quicana chokꞌ reheb lix queto̱mkeb ut chixjunil li cꞌaꞌru reheb.