Josué 8:18 - Li Santil hu

¹⁸ Ut li Ka̱cuaꞌ Dios quixye re laj Josué: —Taksi la̱ chꞌi̱chꞌ cuan saꞌ la̱ cuukꞌ re xyebal reheb nak teꞌoc saꞌ li tenamit xban nak la̱in tinkꞌaxtesi e̱re li tenamit Hai, chan. Laj Josué quixtaksi lix chꞌi̱chꞌ cuan saꞌ rukꞌ saꞌ xbe̱n li tenamit Hai.

Q'eqchi Bible

¹⁸ Toja' naq li Qaawa' kixye re laj Josué: “Ye' sa' xjayal Ay li jutz' che' li wank sa' laawuq', xb'aan naq tinq'axtesi li tenamit a'in sa' laawuq'”, chan. Laj Josué kixye' li jutz' che' li wank sa' ruq', sa' xjayal Ay.

Josué 8:18 ပူးပေါင်းရင်းမြစ်များ

Josué 8:26

Laj Josué incꞌaꞌ quixcubsi lix chꞌi̱chꞌ ut eb lix soldados incꞌaꞌ queꞌxcanab pletic toj retal queꞌosoꞌ chixjunileb li cuanqueb saꞌ li tenamit Hai.

Li xHu LAJ JOB 15:25

Joꞌcan tixcꞌul li ani tixyal pletic riqꞌuin li Ka̱cuaꞌ ut li ani tixnimobresi rib chiru li nimajcual Dios.

Li xHu LAJ JOB 39:23

Usta natzinloc xya̱b li chꞌi̱chꞌ saꞌ xbe̱neb ut usta na-el ratzꞌum li xam chiru lix chꞌi̱chꞌeb nak naxtochꞌ rib, abanan incꞌaꞌ nequeꞌxucuac.

1 Samuel 17:45

Laj David quixye re laj Goliat: —La̱at xatchal chi pletic cuiqꞌuin riqꞌuin chꞌi̱chꞌ, la̱ns ut kꞌesnal cheꞌ. Abanan la̱in xinchal chi pletic a̱cuiqꞌuin saꞌ xcꞌabaꞌ li Ka̱cuaꞌ, li nimajcual Dios, li nequeꞌxlokꞌoni lix solda̱deb laj Israel li yo̱cat chixchikꞌbal xjoskꞌileb.

1 Samuel 17:41

Ut laj filisteo yo̱ chi nachꞌoc riqꞌuin laj David. Li cui̱nk li nacꞌamoc re li chꞌi̱chꞌ li naxram cuiꞌ li re xchꞌo̱l yo̱ chi xic chiru.

1 Samuel 17:6

Ramro lix tzelec riqꞌuin chꞌi̱chꞌ bronce. Ut cuan ajcuiꞌ jun xkꞌesnal chꞌi̱chꞌ saꞌ xbe̱n xtel.

Josué 8:7

La̱ex te̱ril nak ac xeꞌel saꞌ li tenamit Hai. Tojoꞌnak tex-e̱lk chak saꞌ li naꞌajej li mukmu̱kex cuiꞌ ut tex-oc saꞌ li tenamit chi pletic xban nak li Ka̱cuaꞌ le̱ Dios tixkꞌaxtesi saꞌ e̱rukꞌ li tenamit aꞌan.

Éxodo 14:16

La̱at ta̱taksi la̱ xukꞌ ut ta̱teleb la̱ cuukꞌ saꞌ xbe̱n li palau re nak tixjach rib li haꞌ. Tincanab chi chaki le̱ be re nak texnumekꞌ saꞌ li palau.

Éxodo 8:5

Ut li Ka̱cuaꞌ Dios quixye ajcuiꞌ re laj Moisés: —Ta̱ye re laj Aarón nak tixyeꞌ lix xukꞌ saꞌ xbe̱n li nimaꞌ, saꞌ xbe̱neb li cocꞌ rok haꞌ joꞌ ajcuiꞌ saꞌ xbe̱neb li palau re nak teꞌe̱lk chak li amoch saꞌ li haꞌ. Ut telajeꞌxic saꞌ li tenamit Egipto, chan.

Josué 8:17

Ut ma̱ jun chic li cui̱nk quicana saꞌ li tenamit Hai chi moco saꞌ li tenamit Bet-el. Chixjunileb ban queꞌco̱eb chira̱linanquileb laj Israel. Ut queꞌxcanab lix tenamiteb chi ma̱ ani chic ta̱ilok re.

Josué 8:19

Ut eb li soldados li mukmu̱queb chak chirix li tenamit nak queꞌril nak quixtaksi lix chꞌi̱chꞌ laj Josué saꞌ junpa̱t queꞌel chak ut queꞌoc saꞌ li tenamit ut queꞌre̱chani. Ut saꞌ junpa̱t queꞌoc xcꞌatbal li tenamit.

Ezequiel 30:25

La̱in tinqꞌue xcuanquil lix reyeb laj Babilonia, ut lix reyeb laj Egipto ta̱cana̱k chi ma̱cꞌaꞌ chic xcuanquil. Eb aꞌan teꞌxqꞌue retal nak la̱in li Ka̱cuaꞌ nak tinqꞌue xmetzꞌe̱u lix reyeb laj Babilonia chi pletic riqꞌuineb laj Egipto. Chanchan nak tinqꞌue lin chꞌi̱chꞌ saꞌ rukꞌ lix reyeb laj Babilonia.

Éxodo 8:1

Tojoꞌnak li Ka̱cuaꞌ Dios quixye re laj Moisés: —Tatxic cuiꞌchic riqꞌuin laj faraón ut ta̱ye re, “Joꞌcaꞌin xye li Ka̱cuaꞌ Dios: Xcanabakeb chi xic lin tenamit re nak tineꞌxlokꞌoni.