Josué 8:1 - Li Santil hu

¹ Tojoꞌnak li Ka̱cuaꞌ Dios quixye re laj Josué: —Matxucuac chi moco chichꞌina̱nk a̱chꞌo̱l. Cꞌameb chixjunileb la̱ soldado ut ayukex chire̱chaninquil li tenamit Hai. La̱in tintenkꞌa̱nk e̱re chi numta̱c saꞌ xbe̱n lix reyeb ut saꞌ xbe̱neb li tenamit. Li tenamit ut chixjunil li naꞌajej aꞌan e̱rehak chic.

Q'eqchi Bible

¹ Toja' naq li Qaawa' kixye re laj Josué: “Matxiwak chi moko chich'inanq aach'ool. K'ameb' chawix chixjunileb' laj puub'. Ayu chi yalok rik'ineb' laj Ay, xb'aan naq tinq'axtesi sa' laawuq' li awab'ej re Ay, jo'wi' li wankeb' rub'el xwankil, li xtenamit ut li xch'och'.

Josué 8:1 ပူးပေါင်းရင်းမြစ်များ

Josué 1:9

La̱in li yo̱quin chi takla̱nc a̱cue. Yal a̱kꞌe ut cacuubresi a̱chꞌo̱l. Matxucuac chi moco ta̱chꞌina̱nk a̱chꞌo̱l xban nak la̱in li Ka̱cuaꞌ la̱ Dios cua̱nkin a̱cuiqꞌuin yalak bar tatxic, chan li Dios.

Deuteronomio 7:18

Abanan, mexxucuac chiruheb. Chinak ban saꞌ e̱chꞌo̱l cꞌaꞌru quixba̱nu li Ka̱cuaꞌ le̱ Dios re laj faraón ut reheb chixjunileb laj Egipto.

Deuteronomio 1:21

Qꞌuehomak retal. Li Ka̱cuaꞌ le̱ Dios tixkꞌaxtesi e̱re li naꞌajej. Texxic ut te̱re̱chani li naꞌajej joꞌ quixye li Ka̱cuaꞌ, lix Dioseb li kaxeꞌto̱nil yucuaꞌ. Mexxucuac, chi moco ta̱chꞌina̱nk le̱ chꞌo̱l, chanquin e̱re.

Josué 6:2

Abanan li Ka̱cuaꞌ quixye re laj Josué: —La̱in xinkꞌaxtesi li tenamit Jericó saꞌ a̱cuukꞌ, ut xinkꞌaxtesi ajcuiꞌ li rey joꞌ eb ajcuiꞌ lix soldado.

Deuteronomio 31:8

Li Ka̱cuaꞌ ta̱cua̱nk a̱cuiqꞌuin. Aꞌan ta̱cꞌamok be cha̱cuu. Incꞌaꞌ tatxcanab a̱junes chi moco tatxtzꞌekta̱na. Joꞌcan nak matxucuac chi moco ta̱chꞌina̱nk a̱chꞌo̱l, chan laj Moisés.

Isaías 43:2

Nak texnumekꞌ saꞌ li palau, la̱in cua̱nkin e̱riqꞌuin re e̱colbal. Nak texnumekꞌ saꞌ li nimaꞌ, incꞌaꞌ texcꞌam li rok li haꞌ. Cui texnumekꞌ saꞌ li xam incꞌaꞌ texcꞌatk, chi moco li rakꞌ xam ta̱cꞌatok e̱re.

San Mateo 8:26

Ut li Jesús quichakꞌoc ut quixye: —La̱ex incꞌaꞌ nequexpa̱ban chi tzꞌakal. Joꞌcan nak nequexxucuac, chan reheb. Tojoꞌnak quicuacli, quixkꞌus li ikꞌ, ut li palau, ut saꞌ junpa̱t quichꞌana li ikꞌ ut quitukla ru li haꞌ.

Daniel 4:35

Chixjunileb li cuanqueb saꞌ ruchichꞌochꞌ ma̱cꞌaꞌeb xcuanquil chiru aꞌan. Li Ka̱cuaꞌ kꞌaxal nim xcuanquil saꞌ xbe̱neb li cuanqueb saꞌ choxa joꞌ ajcuiꞌ saꞌ ruchichꞌochꞌ. Naxba̱nu li cꞌaꞌru naraj aꞌan ut ma̱ ani naru naa̱tinac chirix.

Daniel 4:25

La̱at tatyolesi̱k saꞌ la̱ naꞌaj. Tat-isi̱k saꞌ xya̱nkeb li tenamit. Saꞌ pim tatcua̱nk saꞌ xya̱nkeb li xul. Ut pim ta̱cuaꞌ joꞌ li bo̱yx ut tattꞌakresi̱k xban li xchuꞌque. Cuukub chihab tatcua̱nk saꞌ pim. Riqꞌuin aꞌin ta̱qꞌue retal nak li nimajcual Dios, aꞌan li kꞌaxal nim xcuanquil saꞌ xbe̱neb li cuanqueb xcuanquil saꞌ ruchichꞌochꞌ ut aꞌan yal re li ani naraj xqꞌuebal xcuanquil.

Daniel 2:21

Li Dios aꞌan yal re saꞌ xbe̱neb li cutan. Aꞌan nataklan chak re li hab ut aꞌan nataklan re li sakꞌehil. Aꞌan naxakaban reheb li rey ut aꞌan ajcuiꞌ na-isin reheb. Aꞌan li naqꞌuehoc re lix naꞌlebeb li cuanqueb xnaꞌleb ut naxqꞌueheb ajcuiꞌ chixtaubal ru li incꞌaꞌ natauman ru.

Jeremías 46:27

La̱ex aj Israel, li ralal xcꞌajol laj Jacob, mexxucuac. Michꞌinan e̱chꞌo̱l. La̱in tincolok e̱re usta saꞌ najtil tenamit cuanquex chak. Ut tinqꞌueheb cuiꞌchic chi sukꞌi̱c eb la̱ cualal a̱cꞌajol li cuanqueb chi pre̱xil. Texcua̱nk cuiꞌchic saꞌ tuktu̱quil usilal. Ut incꞌaꞌ chic texxucuak.

Isaías 12:2

Li Ka̱cuaꞌ, aꞌan li nacoloc cue. Cau inchꞌo̱l riqꞌuin. Joꞌcan nak incꞌaꞌ tinxucuak. Li Ka̱cuaꞌ, li nimajcual Dios, aꞌan naqꞌuehoc xcacuil inchꞌo̱l ut aꞌan li ninbicha ru, chaꞌakeb.

Salmos 46:11

Li Ka̱cuaꞌ, li kꞌaxal nim xcuanquil, aꞌan li cuan kiqꞌuin. Aꞌan lix Dios laj Jacob. Ut aꞌan ajcuiꞌ li nacoloc ke.

Salmos 44:3

Eb li kaxeꞌto̱nil yucuaꞌ incꞌaꞌ queꞌre̱chani li naꞌajej riqꞌuin li ple̱t queꞌxba̱nu chi moco xban xcuanquileb. La̱at ban cattenkꞌan reheb riqꞌuin la̱ cuanquilal xban nak cacuil xtokꞌoba̱l ruheb ut cacuuxta̱na ruheb.

Salmos 27:1

Li Ka̱cuaꞌ, aꞌan nacutanobresin re lin cꞌaꞌux, ut aꞌan nacoloc cue. Ma̱ ani ninxucua ru. Li Ka̱cuaꞌ, aꞌan na-iloc cue. Joꞌcan nak incꞌaꞌ ninxucuac.

Josué 7:9

Nak teꞌrabi eb laj cananeo ut chixjunileb li cuanqueb saꞌ li naꞌajej aꞌin li cꞌaꞌru xkacꞌul, ma̱re teꞌxchꞌutub chak rib ut teꞌcha̱lk chi pletic kiqꞌuin ut ma̱re ma̱ ani chic ke ta̱colekꞌ. Cui joꞌcan takacꞌul, ¿cꞌaꞌru ta̱ba̱nu la̱at re xcolbal rix la̱ lokꞌal? chan.

Josué 10:7

Laj Josué qui-el chak Gilgal rochbeneb chixjunileb li soldado li cauheb rib chi pletic.

Josué 10:8

Ut li Ka̱cuaꞌ quixye re laj Josué: —Matxucuac chiruheb aꞌan xban nak la̱in tinkꞌaxtesiheb saꞌ a̱cuukꞌ ut ma̱ jun reheb aꞌan teꞌnumta̱k saꞌ a̱be̱n, chan li Ka̱cuaꞌ.

Jeremías 49:3

Chexya̱bak la̱ex li cuanquex Hesbón xban nak quisacheꞌ ruheb li tenamit Hai. Japomak e̱re la̱ex li cuanquex Rabá. Qꞌuehomak li kꞌes ru tꞌicr che̱rix ut chexya̱bak. Texxic yalak bar chi saꞌ li tzꞌac li sutsu cuiꞌ li tenamit xban nak li yi̱banbil dios Milcom ta̱cꞌamekꞌ chi pre̱xil rochbeneb laj tij ut eb li cuanqueb xcuanquil.

Deuteronomio 7:21

Mexxucuac chiruheb xban nak li Ka̱cuaꞌ le̱ Dios li cuan e̱riqꞌuin, aꞌan li kꞌaxal nim xcuanquil che̱tenkꞌanquil.

Josué 2:24

Queꞌxye re: —Li Ka̱cuaꞌ xkꞌaxtesi saꞌ kukꞌ li naꞌajej aꞌan xban nak chixjunileb li cuanqueb saꞌ li naꞌajej aꞌan ca̱mqueb re xban xxiuheb kaban la̱o, chanqueb.