Josué 7:8 - Li Santil hu

⁸ At Ka̱cuaꞌ, ¿cꞌaꞌru ta̱ru̱k takaye anakcuan? Eb li soldado aj Israel incꞌaꞌ xeꞌxcuy pletic riqꞌuineb laj Hai. Xeꞌe̱lelic ban chiruheb.

Q'eqchi Bible

⁸ Chakuy inmaak, at Qaawa'. K'aru truuq tinye anaqwan, xb'aan naq eb' laj Israel xe'elelik chiruheb' li xik' neke'ilok reheb'?

Josué 7:8 ပူးပေါင်းရင်းမြစ်များ

Habacuc 2:1

Yo̱kin chi oybeni̱nc ut yo̱kin chirilbal. Chanchanakin laj qꞌuehol etal li naxakaba̱c saꞌ li cab li nequeꞌxcol cuiꞌ rib li tenamit. Cꞌaꞌ na ru tixye li Ka̱cuaꞌ ut cꞌaꞌ na ru tixsume cuiꞌ li cꞌaꞌru xinye re, chan laj Habacuc.

Esdras 9:10

Abanan anakcuan, at Ka̱cuaꞌ, at kaDios, ¿Cꞌaꞌru ta̱ru̱k takaye chirix chixjunil aꞌin? La̱o xkakꞌet la̱ chakꞌrab,

Josué 7:7

Laj Josué quixye: —At Ka̱cuaꞌ Dios, ¿cꞌaꞌut nak xoa̱qꞌue chak chi numecꞌ saꞌ li nimaꞌ Jordán yal re nak toa̱kꞌaxtesi saꞌ rukꞌeb laj amorreo re teꞌxsach ku? Kꞌaxal us raj chokꞌ ke nak xocana chak jun pacꞌal li nimaꞌ Jordán.

Josué 7:9

Nak teꞌrabi eb laj cananeo ut chixjunileb li cuanqueb saꞌ li naꞌajej aꞌin li cꞌaꞌru xkacꞌul, ma̱re teꞌxchꞌutub chak rib ut teꞌcha̱lk chi pletic kiqꞌuin ut ma̱re ma̱ ani chic ke ta̱colekꞌ. Cui joꞌcan takacꞌul, ¿cꞌaꞌru ta̱ba̱nu la̱at re xcolbal rix la̱ lokꞌal? chan.

1 Samuel 4:3

Eb laj Israel li incꞌaꞌ queꞌcamsi̱c queꞌsukꞌi saꞌ lix muheba̱leb. Eb li nequeꞌcꞌamoc be saꞌ xya̱nkeb laj Israel queꞌxye: —¿Cꞌaꞌut nak li Ka̱cuaꞌ xoxkꞌaxtesi saꞌ rukꞌeb laj filisteo? Toxic Silo ut takacꞌam chak arin li Lokꞌlaj Ca̱x re nak cua̱nk saꞌ kaya̱nk ut li Ka̱cuaꞌ toxcol chiruheb li xicꞌ nequeꞌiloc ke, chanqueb.

Salmos 44:10

Xoa̱qꞌue chi e̱lelic chiruheb li xicꞌ nequeꞌiloc ke. Ut li cꞌaꞌru cuan ke, xeꞌxmakꞌ chiku ut queꞌxcꞌam chokꞌ reheb.

Salmos 89:43

Incꞌaꞌ xatenkꞌa saꞌ li ple̱t. Chanchan xacuisi xkꞌesnal lix chꞌi̱chꞌ. Joꞌcan nak eb li xicꞌ nequeꞌiloc re xeꞌnumta saꞌ xbe̱n.