Josué 7:6 - Li Santil hu

⁶ Laj Josué ut eb li nequeꞌcꞌamoc be saꞌ xya̱nkeb laj Israel queꞌxkꞌich li rakꞌeb ut queꞌxcut rib saꞌ chꞌochꞌ chiru li Lokꞌlaj Ca̱x xban xrahil xchꞌo̱leb ut queꞌxqꞌue poks saꞌ xjolomeb ut queꞌcana aran toj qui-ecuu.

Q'eqchi Bible

⁶ Toja' naq laj Josué kixq'ich li raq', kixhupub' rib' chiru li xLoq'laj Kaax li Qaawa' toj ki'ewuuk ut, rochb'eeneb' li cheekel winq, ke'xk'e pojtz' sa' xjolomeb'.

Josué 7:6 ပူးပေါင်းရင်းမြစ်များ

Génesis 37:29

Nak quisukꞌi laj Rubén chirilbal saꞌ li jul, quiril nak ma̱ ani chic laj José. Cꞌajoꞌ nak qui-oc xcꞌaꞌux ut quixkꞌichi li rakꞌ xban xrahil xchꞌo̱l.

Génesis 37:34

Laj Jacob quixkꞌichi li rakꞌ li cuan chirix xban xrahil saꞌ xchꞌo̱l chirix lix camic li ralal. Ut quixqꞌue li kꞌesnal ru tꞌicr chirix chanchan coxtal retalil nak ra saꞌ xchꞌo̱l. Najt quicuan li rakꞌ aꞌan chirix ut incꞌaꞌ quinumeꞌ xrahil saꞌ xchꞌo̱l.

Lamentaciones 2:10

Eb li nequeꞌcꞌamoc be chiruheb li cuanqueb Sión, chunchu̱queb chic saꞌ chꞌochꞌ. Incꞌaꞌ nequeꞌa̱tinac. Queꞌxqꞌue li poks saꞌ xjolomeb ut queꞌxqꞌue li kꞌes ru tꞌicr chirixeb retalil lix rahil xchꞌo̱leb. Ut eb li tukꞌ ixk nequeꞌxxulub lix jolomeb xban xrahil xchꞌo̱leb.

2 Samuel 13:31

Laj David quicuacli ut quixpej li rakꞌ ut quixcut rib saꞌ chꞌochꞌ xban xrahil xchꞌo̱l. Eb lix mo̱s li cuanqueb rochben queꞌxpej ajcuiꞌ li rakꞌeb.

Números 14:6

Ut laj Josué li ralal laj Nun ut laj Caleb li ralal laj Jefone queꞌxpeji li rakꞌeb xban xrahil xchꞌo̱leb. Aꞌaneb xcomoneb li queꞌcuulac chak chixqꞌuebal retal li naꞌajej.

Apocalipsis 18:19

Queꞌxqꞌue poks saꞌ xjolomeb retalil lix rahil xchꞌo̱leb ut queꞌya̱bac ut queꞌxjap reheb chixyebal: ¡Tokꞌobeb ru! ¡Tokꞌobeb ru li cuanqueb saꞌ li tenamit aꞌan! Riqꞌuin lix biomaleb li tenamit aꞌan xobiomoꞌ la̱o li nococꞌanjelac saꞌ jucub. Ut chiru junpa̱t quisacheꞌ ru li tenamit, chanqueb.

Hechos 14:14

Nak queꞌxqꞌue retal li cꞌaꞌru yo̱queb li tenamit, laj Pablo ut laj Bernabé queꞌxpej li rakꞌeb retalil nak incꞌaꞌ quicuulac chiruheb li cꞌaꞌru yo̱queb chixba̱nunquil li tenamit. Ut queꞌco̱eb saꞌ a̱nil saꞌ xya̱nkeb li tenamit ut queꞌxye chi cau xya̱b xcuxeb:

Li xHu LAJ JOB 2:12

Cuanqueb chak chi najt nak queꞌril laj Job ut incꞌaꞌ queꞌxnau nak aꞌan. Nak queꞌxqꞌue retal nak aꞌan, queꞌoc chixjapbal re chi ya̱bac. Chi xju̱nkaleb queꞌxpej li rakꞌeb ut queꞌxcut li poks saꞌ ikꞌ ut queꞌxqꞌue ajcuiꞌ saꞌ xjolomeb xban xrahil xchꞌo̱leb.

Li xHu LAJ JOB 1:20

Nak quirabi aꞌan, laj Job quicuacli ut quixpej li rakꞌ ut quixbes li rismal retalil lix rahil xchꞌo̱l ut quixcuikꞌib rib saꞌ chꞌochꞌ ut quixlokꞌoni li Dios.

Ester 4:1

Nak quirabi li cꞌaꞌru quicꞌulman, laj Mardoqueo quixpej li rakꞌ xban xrahil xchꞌo̱l ut quixqꞌue li kꞌes ru tꞌicr chirix ut quixqꞌue li cha chirix. Ut co̱ saꞌ li tenamit. Japjo re chi ya̱bac xban xrahil xchꞌo̱l.

2 Samuel 12:16

Ut laj David quixtzꞌa̱ma chiru li Dios nak ta̱qꞌuira̱k li chꞌina al. Quixba̱nu x-ayu̱n. Ut naxnumsi li kꞌojyi̱n chi yocyo saꞌ li chꞌochꞌ.

2 Samuel 1:12

Queꞌya̱bac xban xrahil xchꞌo̱leb ut queꞌxba̱nu x-ayu̱n toj qui-ecuu xban nak queꞌcamsi̱c laj Saúl ut laj Jonatán ut xban ajcuiꞌ nak kꞌaxal nabaleb laj Israel, lix tenamit li Dios, queꞌcamsi̱c saꞌ li ple̱t.

1 Samuel 4:12

Jun li cui̱nk xcomoneb li ralal xcꞌajol laj Benjamín quie̱lelic chiruheb laj filisteo. Co̱ saꞌ a̱nil ut saꞌ ajcuiꞌ li cutan aꞌan quicuulac Silo. Ac xpej li rakꞌ ut xqꞌue li poks saꞌ xjolom retalil nak ra saꞌ xchꞌo̱l.

Jueces 21:2

Ut chixjunileb laj Israel queꞌxchꞌutub ribeb aran Bet-el. Queꞌxnumsi li cutan aꞌan chiru li Ka̱cuaꞌ toj qui-ecuu. Queꞌya̱bac chi cau ut queꞌxye:

Jueces 20:26

Ut chixjunileb laj Israel queꞌco̱eb Bet-el. Queꞌxchꞌutub ribeb chiru li Ka̱cuaꞌ. Queꞌtijoc ut queꞌayunic toj qui-ecuu. Queꞌxmayeja li cꞌatbil xul ut queꞌxqꞌue ajcuiꞌ li mayej re xcꞌambaleb rib saꞌ usilal riqꞌuin li Dios.

Jueces 20:23

Eb laj Israel queꞌco̱eb saꞌ li rochoch li Dios. Chalen ekꞌela toj retal qui-ecuu queꞌya̱bac. Queꞌtijoc ut queꞌxye re li Ka̱cuaꞌ Dios: —¿Ma toxic cuiꞌchic chi pletic riqꞌuineb li ralal xcꞌajol laj Benjamín, li kech aj Israelil? chanqueb. Ut li Ka̱cuaꞌ quixye reheb: —Texxic, chan.

Números 16:45

—Isihomak e̱rib saꞌ xya̱nkeb laj Israel re nak ta̱ru̱k tinsach ruheb chi junaj cua, chan. Ut queꞌxhupub ribeb saꞌ chꞌochꞌ.

Números 16:22

Ut laj Moisés ut laj Aarón queꞌxhupub ribeb saꞌ chꞌochꞌ ut queꞌxye: —At Ka̱cuaꞌ, at kaDios, la̱at nacatqꞌuehoc xyuꞌam li junju̱nk. Jun ajcuiꞌ li xma̱cob cha̱cuu. ¿Ma ta̱cuisi a̱joskꞌil saꞌ xbe̱neb chixjunileb li tenamit?—

Josué 7:7

Laj Josué quixye: —At Ka̱cuaꞌ Dios, ¿cꞌaꞌut nak xoa̱qꞌue chak chi numecꞌ saꞌ li nimaꞌ Jordán yal re nak toa̱kꞌaxtesi saꞌ rukꞌeb laj amorreo re teꞌxsach ku? Kꞌaxal us raj chokꞌ ke nak xocana chak jun pacꞌal li nimaꞌ Jordán.

2 Samuel 1:11

Laj David, joꞌ eb ajcuiꞌ chixjunileb li cui̱nk li cuanqueb rochben, queꞌxpej li rakꞌeb xban xrahil xchꞌo̱leb.

2 Reyes 22:11

Nak li rey Josías quirabi li chakꞌrab li tzꞌi̱banbil saꞌ li hu aꞌan, quixpej li rakꞌ.

2 Crónicas 34:19

Nak li rey quirabi li a̱tin li tzꞌi̱banbil saꞌ li hu, quixpej li rakꞌ xban xrahil xchꞌo̱l.

Li xHu LAJ JOB 42:6

Anakcuan la̱in xinqꞌue retal nak incꞌaꞌ us xinye. Joꞌcan nak narahoꞌ inchꞌo̱l. Anakcuan tinjal incꞌaꞌux. Tinchunub cuib saꞌ poks ut saꞌ cha xban xrahil inchꞌo̱l, chan laj Job.

Jueces 11:35

Cꞌajoꞌ nak quirahoꞌ xchꞌo̱l laj Jefté nak quiril lix rabin. Quixpej li rakꞌ xban xrahil xchꞌo̱l ut quixye: —At inrabin, cꞌajoꞌ xrahil inchꞌo̱l nachal a̱ban. ¿Cꞌaꞌut nak la̱at li xbe̱n li xat-el chak chincꞌulbal? Ac xinyechiꞌi re li Dios nak tinmayejak chiru ut incꞌaꞌ naru tinkꞌet li cua̱tin, chan.

2 Samuel 1:2

Saꞌ rox li cutan quicuulac jun li sa̱j cui̱nk riqꞌuin laj David. Li cui̱nk aꞌan xcomoneb lix soldados laj Saúl. Pejel li rakꞌ ut cuan li poks saꞌ xjolom retalil lix rahil xchꞌo̱l. Quixcuikꞌib rib saꞌ chꞌochꞌ re xqꞌuebal xlokꞌal laj David.

2 Samuel 13:19

Lix Tamar quixqꞌue li cha saꞌ xjolom. Quixpej li rakꞌ. Quixtzꞌap li ru riqꞌuin li rukꞌ ut yo̱ chi ya̱bac nak co̱.

Esdras 10:1

Nak yo̱ chi tijoc laj Esdras, cuikꞌcuo chiru lix templo li Dios. Yo̱ chi ya̱bac ut yo̱ chixpatzꞌbal xcuybal xma̱queb li tenamit. Queꞌcuulac riqꞌuin jun chꞌu̱taleb laj Israel, joꞌ cui̱nk, joꞌ ixk, joꞌ cocꞌal. Yo̱queb chi ya̱bac chi cꞌajoꞌ xrahil xchꞌo̱leb.

Nehemías 9:1

Queꞌxchꞌutub ribeb chixjunileb saꞌ li ca̱hib xcaꞌcꞌa̱l xbe li po aꞌan ut queꞌxba̱nu lix ayu̱n. Queꞌxqꞌue li kꞌesnal tꞌicr chirixeb ut queꞌxqꞌue li poks saꞌ xjolomeb retalil nak ra saꞌ xchꞌo̱leb xban lix ma̱queb.

Ester 4:3

Saꞌ eb li tenamit li cuanqueb rubel xcuanquil li rey Asuero quicuulac resil li chakꞌrab li quixqꞌue. Quicuan jun nimla rahil chꞌo̱lej saꞌ xya̱nkeb laj judío. Queꞌayunic ut queꞌya̱bac. Queꞌxqꞌue li kꞌes ru tꞌicr chirixeb ut nabaleb queꞌxyocob rib saꞌ cha xban xrahil xchꞌo̱leb.