Josué 7:26 - Li Santil hu

²⁶ Ut queꞌxtu̱b nabal li pec saꞌ xbe̱n ut eb li pec aꞌan toj cuanqueb anakcuan. Riqꞌuin aꞌin qui-el xjoskꞌil li Ka̱cuaꞌ saꞌ xbe̱neb laj Israel. Toj chalen anakcuan nequeꞌxye re li naꞌajej aꞌan “Li ru takꞌa re Acor”.

Q'eqchi Bible

²⁶ Ke'xtuub' naab'al li pek sa' xb'een, ut eb' li pek a'an toj wankeb' anaqwan. Toja' naq kich'anaak xjosq'il li Qaawa'. Jo'kan naq li na'ajej a'an, xTaq'ahil li Rahilal nayeemank re chalen toj anaqwan.

Josué 7:26 ပူးပေါင်းရင်းမြစ်များ

Oseas 2:15

Tinqꞌue cuiꞌchic re li acui̱mk uvas. Ut tinqꞌue ajcuiꞌ li ru takꞌa Acor chokꞌ xnaꞌaj re nak cuan cꞌaꞌru tixyoꞌoni. Ut tixbicha inlokꞌal joꞌ quixba̱nu saꞌ xsa̱jilal nak quicuisi chak saꞌ li naꞌajej Egipto.

Isaías 65:10

Lix queto̱mkeb li cualal incꞌajol li nequeꞌsicꞌoc cue teꞌcua̱nk saꞌ li ru takꞌa Sarón. Ut eb lix cuacax teꞌichajibk saꞌ li ru takꞌa Acor.

Deuteronomio 13:17

Ut me̱xoc chokꞌ e̱re li cꞌaꞌru ac kꞌaxtesinbil re sachecꞌ re nak ta̱numekꞌ xjoskꞌil li Ka̱cuaꞌ. Ut li Ka̱cuaꞌ ta̱ril xtokꞌoba̱l e̱ru ut aꞌan ta̱uxta̱na̱nk e̱ru. Texqꞌue chi nabalocꞌ joꞌ quixye reheb le̱ xeꞌto̱nil yucuaꞌ riqꞌuin juramento.

Lamentaciones 3:53

Xineꞌxcut chi yoꞌyo saꞌ jun li chamal jul ut queꞌxtzꞌap li re riqꞌuin jun nimla pec.

2 Samuel 18:17

Queꞌxcꞌam laj Absalón ut queꞌxcut saꞌ jun chamal jul saꞌ li qꞌuicheꞌ ut queꞌxtu̱b jun mamaꞌ tu̱b li pec saꞌ xbe̱n. Ut chixjunileb laj Israel queꞌe̱lelic ut queꞌco̱eb saꞌ rochocheb.

Josué 8:29

Ut li rey li quicuan saꞌ li tenamit Hai, yatzꞌbil queꞌxba̱nu re. Ut quixnumsi li cutan chi tꞌuytꞌu aran. Nak qui-ecuu laj Josué quixtakla xcubsinquil li camenak re teꞌxcut saꞌ li oqueba̱l re li tenamit. Ut queꞌxtu̱b nabal li pec saꞌ xbe̱n. Toj tu̱btu ajcuiꞌ li pec aꞌan toj chalen anakcuan.

Josué 7:24

Laj Josué ut chixjunileb laj Israel queꞌxchap laj Acán ut queꞌxcꞌam saꞌ li ru takꞌa Acor rochben li plata, li tꞌicr, li oro, ut eb li ralal xcꞌajol joꞌ ixk joꞌ cui̱nk. Queꞌxcꞌam ajcuiꞌ lix bo̱yx, lix bu̱r ut eb lix carner. Ut queꞌxcꞌam ajcuiꞌ lix muheba̱l. Chixjunil li cꞌaꞌru cuan re queꞌxcꞌam.

Zacarías 6:8

Chirix aꞌan li ángel quixjap re ut quixye: —Il, li xeꞌco̱eb saꞌ li norte xeꞌxqꞌue li tenamit chixtojbal rix lix ma̱queb. Ut xrisi xjoskꞌil li Ka̱cuaꞌ saꞌ xbe̱neb, chan li ángel.

Joel 2:18

Ut li nimajcual Dios junelic cuan saꞌ xchꞌo̱l lix tenamit. Tixcꞌutbesi chiruheb lix nimal xrahom ut tixcuy lix ma̱queb.

Joel 2:13

Cheyotꞌ e̱chꞌo̱l chiru li Dios ut me̱pej chic le̱ rakꞌ. Jalomak ban e̱cꞌaꞌux ut patzꞌomak e̱cuybal chiru li Ka̱cuaꞌ le̱ Dios xban nak aꞌan na-uxta̱nan u ut nequexra. Aꞌan incꞌaꞌ najoskꞌoꞌ saꞌ junpa̱t. Kꞌaxal nim ban xcuyum ut narahoꞌ saꞌ xchꞌo̱l nak naxqꞌue li tojbal ma̱c saꞌ e̱be̱n.

Isaías 40:2

Chex-a̱tinak riqꞌuineb lin tenamit Jerusalén saꞌ kꞌunil. Cheye reheb nak tzꞌakal li raylal li ac xeꞌxcꞌul. Cuybil sachbil chic lix ma̱queb. Nabal lix tojbal rix lix ma̱queb xinqꞌue, chan li Dios.

2 Samuel 21:14

Ut queꞌxmuk lix bakeleb laj Saúl ut laj Jonatán saꞌ li mukleba̱l li quimukeꞌ cuiꞌ laj Sis lix yucuaꞌ. Li mukleba̱l aꞌan cuan aran Zela saꞌ lix chꞌochꞌeb li ralal xcꞌajol laj Benjamín. Queꞌxba̱nu chixjunil li quiyeheꞌ reheb xban li rey David. Ut chirix aꞌan, li Dios quirosobtesi cuiꞌchic li tenamit joꞌ queꞌxtzꞌa̱ma chiru.

Josué 10:27

Nak ac x-ecuu, laj Josué quixtakla xcubsinquileb li camenak. Ut quixye ajcuiꞌ nak teꞌcutekꞌ chak saꞌ li ochoch pec bar queꞌxmuk cuiꞌ chak ribeb. Ut queꞌxqꞌue ajcuiꞌ ni̱nki pec saꞌ li oqueba̱l re li ochoch pec. Ut toj cuanqueb ajcuiꞌ li pec aꞌan chalen anakcuan.

Éxodo 32:12

¿Cꞌaꞌut nak ta̱qꞌue a̱cuib chi hobecꞌ xbaneb laj Egipto? Eb aꞌan teꞌxye, “¿Cꞌaꞌut nak li Dios xrisiheb arin ut xcꞌameb saꞌ li chaki chꞌochꞌ yal re tixcamsiheb saꞌ li tzu̱l? Quixsacheb chi junaj cua”, chaꞌkeb. Ma̱qꞌue a̱joskꞌil. Jal la̱ cꞌaꞌux. Ma̱sach ruheb la̱ tenamit.

Números 25:8

Co̱ saꞌ lix muheba̱l li cui̱nk li quicꞌamoc re li ixk aj Madián. Qui-oc saꞌ li muheba̱l ut quixnumsi lix la̱ns saꞌ xsaꞌeb li cui̱nk ut li ixk. Quixcamsiheb chixcabichaleb. Ut riqꞌuin aꞌan quichꞌana li caki yajel li yo̱ chi camsi̱nc reheb li cui̱nk aj Israel.

Deuteronomio 13:18

Tixba̱nu chi joꞌcan cui te̱ba̱nu li quixye e̱re li Ka̱cuaꞌ le̱ Dios. Cheba̱nu chixjunil li chakꞌrab li yo̱quin chixyebal e̱re anakcuan. Ut cua̱nkex saꞌ ti̱quilal chiru li Ka̱cuaꞌ.

2 Crónicas 29:10

Joꞌcan nak anakcuan xinye nak tinba̱nu junak li contrato riqꞌuin li Ka̱cuaꞌ lix Dioseb laj Israel re nak ta̱e̱lk xjoskꞌil saꞌ kabe̱n.

Esdras 10:14

Naru teꞌcana̱k li nequeꞌtaklan saꞌ kabe̱n chi a̱tinac chikix la̱o li joꞌ qꞌuialo cuanco arin. Ut li ani queꞌxcꞌam chokꞌ rixakileb li ixk li jalan xtenamiteb naru nequeꞌchal jokꞌe teꞌyehekꞌ reheb nak teꞌcha̱lk. Teꞌcha̱lk li cuanqueb saꞌ li junju̱nk chi tenamit rochbeneb laj rakol a̱tin ut eb li nequeꞌtaklan saꞌ xbe̱neb. Takaba̱nu chi joꞌcaꞌin re nak ta̱e̱lk xjoskꞌil li Dios saꞌ kabe̱n, chanqueb.

Salmos 85:4

Choa̱cꞌam cuiꞌchic a̱cuiqꞌuin, at Ka̱cuaꞌ, at aj Colol ke. Ut chie̱lk taxak chi junaj cua la̱ joskꞌil saꞌ kabe̱n.

Oseas 2:17

La̱in tin-isi̱nk re saꞌ xchꞌo̱l lix cꞌabaꞌeb laj Baal. Ut ma̱ jun sut chic tixpatzꞌ xcꞌabaꞌeb.

Jonás 1:15

Nak queꞌrakeꞌ chi tijoc, queꞌxchap laj Jonás ut queꞌxcut saꞌ li palau ut chꞌanamil ru li palau quicana.