Josué 7:21 - Li Santil hu

²¹ Nak xo-oc aran Jericó, xcuil saꞌ xya̱nkeb li cꞌaꞌak re ru jun cha̱bil tꞌicr xcomon li akꞌej li nequeꞌrocsi laj Babilonia. Xcuil ajcuiꞌ cuib ciento chi tumin plata ut numenak na jun libra li oro. La̱in quinra ru. Joꞌcan nak quinxoc chokꞌ cue. Xinbec jun li jul saꞌ li naꞌajej li cuanquin cuiꞌ chi hila̱nc ut aran xinmuk. Xinqꞌue li tumin rubel li tꞌicr, chan laj Acán.

Q'eqchi Bible

²¹ sa' xyanq li k'aru xqachap sa' li tenamit Jerikó xwil jun li ch'ina'usil t'ikr re Senahar, lajeeb'k'aal chi tumin plaat ut numenaq tana jun liib'r chi oor, k'ajo' naq xe'wulak chiwu; ut xink'uulaheb' cho'q we. Muqb'ileb' sa' ch'och' anaqwan, sa' xyi linmuheb'aal, ut chi rub'el wank li tumin plaat”, chan.

Josué 7:21 ပူးပေါင်းရင်းမြစ်များ

Santiago 1:15

Riqꞌuin xrahinquil ru li cꞌaꞌru incꞌaꞌ us, naticla li ma̱c. Ut nak ac xnumta li ma̱c nachal li ca̱mc.

San Lucas 12:15

Ut quixye ajcuiꞌ reheb chixjunileb li cuanqueb aran: —Qꞌuehomak retal li cꞌaꞌru te̱ba̱nu. Incꞌaꞌ yo̱kex chixrahinquil ru li biomal, xban nak moco riqꞌuin ta kabiomal yoꞌyo̱co, chan.

Salmos 119:37

China̱tenkꞌa re nak incꞌaꞌ tincꞌoxlak chirix li ma̱cꞌaꞌ na-oc cuiꞌ. Chajal taxak lin cꞌaꞌux re nak tincua̱nk joꞌ nacacuaj la̱at.

2 Pedro 2:15

Nak nequeꞌxcanab li ti̱quilal, nequeꞌxic chi joꞌ ma̱joꞌ. Nequeꞌxba̱nu joꞌ quixba̱nu laj Balaam li ralal laj Beor. Laj Balaam quiraj xtaubal xtumin riqꞌuin xba̱nunquil li ma̱usilal.

Deuteronomio 7:25

Te̱cꞌat chixjunileb lix yi̱banbil dios. Me̱rahi ru li plata ut li oro li cuan chiru lix dioseb ut me̱xoc chokꞌ e̱re ma̱re anchal te̱tzꞌek e̱rib xbaneb, xban nak li Ka̱cuaꞌ xicꞌ narileb lix yi̱banbil dios.

Hebreos 13:5

Me̱ra ru li tumin. Checꞌojobak ban e̱chꞌo̱l riqꞌuin li joꞌ qꞌuial cuan e̱re xban nak li Dios quixye: Junelic tatintenkꞌa, ut ma̱ jokꞌe tatincanab a̱junes. (Deut. 31:6)

Proverbios 28:22

Li ani naxra li biomal naraj ru xtaubal lix biomal. Ut incꞌaꞌ naxqꞌue retal nak nebaꞌil yo̱ chi cha̱lc saꞌ xbe̱n.

2 Samuel 11:2

Saꞌ jun li ecuu nak quicuacli chak laj David saꞌ lix chꞌa̱t, co̱ saꞌ xbe̱n li rochoch. Nak yo̱ chi be̱c aran, quiril jun li ixk yo̱ chi ati̱nc. Cꞌajoꞌ xchꞌinaꞌusal li ixk aꞌan.

Génesis 6:2

Li ralal xcꞌajol li Dios queꞌril nak chꞌinaꞌus nequeꞌiloc eb li ixk aꞌin ut queꞌxcꞌameb chokꞌ rixakileb.

Génesis 3:6

Ut li ixk quiril nak li ru li cheꞌ sa xloubal. Chꞌinaꞌus na-iloc ru li cheꞌ. Ut quixra ru xloubal re nak cua̱nk chic xnaꞌleb. Quixsicꞌ ru li cheꞌ. Quixlou ut quixqꞌue ajcuiꞌ re lix be̱lom. Ut chi xcabichaleb queꞌxlou ru li cheꞌ.

Colosenses 3:5

Xban nak acꞌ chic le̱ yuꞌam, canabomak chi junaj cua xrahinquil ru li incꞌaꞌ us joꞌ li coꞌbe̱tac yumbe̱tac, ut li ma̱us aj naꞌleb. Ut canabomak xrahinquil ru li ma̱usilal. Ut me̱rahi ru li biomal xban nak li xrahinquil ru li biomal, aꞌan chanchan ajcuiꞌ xlokꞌoninquil li jalanil dios.

Efesios 5:5

Te̱nau chi tzꞌakal nak li nequeꞌxba̱nu ma̱usilal incꞌaꞌ teꞌtzꞌako̱nk saꞌ lix nimajcual xcuanquilal li Cristo ut li Dios. Chi moco eb laj coꞌbe̱t ut eb laj yumbe̱t chi moco li nequeꞌxrahi li jalan aj e xban nak li ma̱c aꞌan juntakꞌe̱t riqꞌuin xlokꞌoninquil li jalanil dios.

Efesios 5:3

La̱ex chic li ralal xcꞌajol li Dios. Joꞌcan nak incꞌaꞌ chic chicua̱nk li coꞌbe̱tac yumbe̱tac saꞌ e̱ya̱nk chi moco tex-a̱tinak chirix. Incꞌaꞌ ta̱cua̱nk li ma̱usilal saꞌ e̱ya̱nk. Ut incꞌaꞌ te̱rahi ru li jalan aj e. Moco xcꞌulub ta chic laj pa̱banel xba̱nunquil aꞌan.

San Lucas 12:2

Ma̱cꞌaꞌ naru na-uxman chi mukmu chi incꞌaꞌ ta ta̱cꞌutu̱nk. Ma̱cꞌaꞌ cuan chi mukmu chi incꞌaꞌ ta ta̱naꞌekꞌ.

Habacuc 2:9

Ra xchal saꞌ e̱be̱n la̱ex li nequerahi ru ut nequemakꞌ li biomal jalan aj e. Ut chiru li tumin aꞌan nequeyi̱b le̱ rochoch chi us re nak ma̱cꞌaꞌ te̱cꞌul.

Isaías 29:15

Raylal ta̱cha̱lk saꞌ xbe̱neb li nequeꞌxcꞌoxla xba̱nunquil chi mukmu chiru li Ka̱cuaꞌ li cꞌaꞌru nequeꞌxcꞌu̱b ru xba̱nunquil. Nequeꞌxcꞌoxla nak ma̱ ani na-iloc reheb. Saꞌ xchꞌo̱leb aꞌan nak ma̱ ani nanaꞌoc re li cꞌaꞌru nequeꞌxba̱nu.

Isaías 28:15

La̱ex nequeye: —La̱o xkaba̱nu jun li contrato riqꞌuin li ca̱mc ut riqꞌuin lix naꞌajeb li camenak. La̱o incꞌaꞌ takacꞌul li raylal saꞌ eb li cutan nak nachal. Xkacꞌojob kachꞌo̱l riqꞌuin li balakꞌi̱nc ut li ticꞌtiꞌic, chanquex.

Proverbios 23:31

Abanan la̱ex, ex cualal incꞌajol, me̱qꞌue e̱rib chi a̱le̱c xban li vino, usta cak cak ru nak na-oc saꞌ li secꞌ. Usta sa rucꞌbal, me̱ra ru.

Proverbios 4:23

Cheqꞌuehak retal chi us li cꞌaꞌru te̱ba̱nu xban nak riqꞌuin xba̱nunquil li us ta̱cua̱nk e̱yuꞌam.

Li xHu LAJ JOB 31:1

Laj Job quixye cuiꞌchic reheb li cui̱nk: —La̱in xinba̱nu li juramento nak incꞌaꞌ tinra ruheb li tukꞌ ixk.

Éxodo 20:17

Me̱ra ru rochoch le̱ ras e̱ri̱tzꞌin. Me̱ra ru rixakil le̱ ras e̱ri̱tzꞌin chi moco lix mo̱s cui̱nk, chi moco lix mo̱s ixk. Me̱ra ru lix bo̱yx chi moco lix xul nai̱kan. Ma̱cꞌaꞌ cꞌaꞌ chic re ru re le̱ ras e̱ri̱tzꞌin te̱ra ru.

Génesis 10:10

Laj Nimrod quicuan xcuanquil saꞌ xbe̱neb li tenamit Babel, Erec, Acad ut Calne. Eb li tenamit aꞌan cuanqueb xcue̱nt Sinar.

Josué 7:20

Laj Acán quichakꞌoc ut quixye: —Ya̱l nak la̱in xinma̱cob chiru li Ka̱cuaꞌ li kaDios la̱o aj Israel. Aꞌin li ma̱c li xinba̱nu.

Josué 7:22

Laj Josué quixtakla cuib oxib li takl saꞌ li naꞌajej li nahilan cuiꞌ laj Acán. Queꞌxtau chixjunil li cꞌaꞌru quixmuk laj Acán. Li plata cuan rubel li tꞌicr.

2 Reyes 7:8

Eb li cui̱nk saklep rixeb queꞌcuulac cuanqueb cuiꞌ lix muheba̱leb laj Siria. Queꞌoc chi saꞌ jun li muheba̱l ut queꞌcuaꞌac ut queꞌucꞌac. Queꞌxxoc li plata, li oro ut li tꞌicr li queꞌxtau saꞌ li muheba̱l ut queꞌco̱eb ut queꞌxmuk. Queꞌsukꞌi cuiꞌchic xcaꞌ sut saꞌ li naꞌajej li xeꞌcuan cuiꞌ laj Siria ut queꞌoc saꞌ jun chic li muheba̱l. Queꞌxxoc li cꞌaꞌru cuan aran ut queꞌco̱eb cuiꞌchic chixmukbal.

Génesis 34:27

Ut eb li jun chꞌol chic li ralal laj Jacob queꞌcuulac saꞌ li tenamit. Quilajeꞌnumeꞌ saꞌ xbe̱neb li camenak ut quilajeꞌrisi chixjunil li cꞌaꞌak re ru li cuan saꞌ li tenamit. Queꞌxba̱nu chi joꞌcaꞌin xban li ma̱usilal li quixba̱nu re lix Dina laj Siquem.

Proverbios 1:19

Joꞌcaꞌin nak nequeꞌosoꞌ eb li cui̱nk li nequeꞌxrahi ru li jalan aj e. Nequeꞌxsach lix yuꞌameb xban li cꞌaꞌru nequeꞌxrahi ru.