Josué 7:2 - Li Santil hu

² Mokon chic laj Josué quixtakla cuib oxibeb li cui̱nk saꞌ li tenamit Hai, li cuan nachꞌ riqꞌuin li naꞌajej Bet-avén li cuan saꞌ li este riqꞌuin li tenamit Bet-el. Quixye reheb li cui̱nk: —Ayukex ut qꞌuehomak chak retal li tenamit Hai.— Ut eb aꞌan queꞌco̱eb ut queꞌxqꞌue retal li tenamit.

Q'eqchi Bible

² Wankeb' winq ke'taqlaak xb'aan laj Josué toj Ay, nach' rik'in Bet-Abén, sa' releb'l saq'e sa' xjayal Betel: “Ayuqex ut k'ehomaq chaq reetal li tenamit Ay”, chu'uxkeb' re. Eb' a'an ke'elk Jerikó, koheb' ut ke'xk'e reetal li tenamit Ay.

Josué 7:2 ပူးပေါင်းရင်းမြစ်များ

Josué 18:12

Li naꞌajej li queꞌtzꞌak eb aꞌan naticla cuan cuiꞌ li nimaꞌ Jordán saꞌ li norte. Ut nacuulac cuan cuiꞌ li tenamit Jericó saꞌ li norte. Naxic cuan cuiꞌ li tzu̱l li cuan saꞌ li oeste. Ut nocox-e̱lk saꞌ li chaki chꞌochꞌ Bet-avén.

Oseas 4:15

Usta niquine̱tzꞌekta̱na la̱ex aj Israel, aban incꞌaꞌ taxak tineꞌxtzꞌekta̱na eb laj Judá. Mexxic aran Gilgal chi lokꞌoni̱nc, chi moco texxic Bet-avén, chi moco te̱ba̱nu li juramento saꞌ incꞌabaꞌ la̱in li yoꞌyo̱quil Dios.

1 Samuel 14:23

Queꞌpletic toj retal queꞌcuulac saꞌ li tenamit Bet-avén. Ut li Ka̱cuaꞌ Dios quixcoleb laj Israel saꞌ li cutan aꞌan.

1 Samuel 13:5

Ut eb laj filisteo queꞌxchꞌutub ribeb chi pletic riqꞌuineb laj Israel. Cuanqueb laje̱b xcaꞌcꞌa̱l mil (30,000) chi carruaje re pletic, cuanqueb cuakib mil (6,000) li soldado li nequeꞌxic chirix cacua̱y, ut cuanqueb ajcuiꞌ nabaleb li soldado li nequeꞌxic chi rokeb joꞌ xqꞌuial li samaib li cuan chire li palau. Queꞌco̱eb ut queꞌxyi̱b lix muheba̱leb aran Micmas li nacana saꞌ xjayal li tenamit Bet-avén, li na-el cuiꞌ chak li sakꞌe.

San Mateo 10:16

Chenauhak nak la̱in tintakla̱nk e̱re saꞌ xya̱nkeb li xicꞌ nequeꞌiloc e̱re. Chanchanakex li carner saꞌ xya̱nkeb laj xoj. Se̱bak e̱chꞌo̱l joꞌcakex li cꞌantiꞌ ut ti̱cak e̱chꞌo̱l joꞌcakex li paloma.

Proverbios 24:6

Li ani naxic chi pletic toj naxcꞌu̱b ru chanru tixba̱nu. Cui cuan li cꞌaꞌru ta̱re̱chani, aꞌan xban nak quixcꞌu̱luban li naꞌleb li quiqꞌueheꞌ re xbaneb nabal laj qꞌuehol naꞌleb.

Proverbios 20:18

Li cꞌaꞌru naxcꞌu̱b ru junak, us na-el xban nak naxqꞌue saꞌ xchꞌo̱l li cha̱bil naꞌleb qꞌuebil re. Joꞌcan nak te̱cꞌoxla chi us nak te̱tiquib junak ple̱t.

Génesis 12:8

Chirix chic aꞌan, laj Abram co̱ saꞌ li tzu̱l li cuan jun pacꞌal li tenamit Bet-el saꞌ xjayal bar na-el cuiꞌ chak li sakꞌe. Quixyi̱b lix muheba̱l saꞌ li naꞌajej aꞌan saꞌ xya̱nkeb li cuib chi tenamit Bet-el ut Hai. Ut laj Abram quixyi̱b aran jun chic li artal ut quixlokꞌoni li Ka̱cuaꞌ Dios.

Efesios 5:15

Cheqꞌuehak retal chanru le̱ yuꞌam. Me̱ba̱nu joꞌ nequeꞌxba̱nu li incꞌaꞌ useb xnaꞌleb. Cheba̱nuhak ban joꞌ nequeꞌxba̱nu li cuanqueb xnaꞌleb.

Nehemías 11:31

Ut eb li ralal xcꞌajol laj Benjamín queꞌcana chi cua̱nc saꞌ eb li tenamit Geba, Micmas, Aía, ut Bet-el joꞌ ajcuiꞌ saꞌ eb li cꞌaleba̱l.

Josué 12:9

Lix cꞌabaꞌeb li rey li queꞌsacheꞌ ruheb, aꞌaneb aꞌin: li rey re Jericó, li rey re Hai li cuan nachꞌ riqꞌuin Bet-el,

Josué 2:1

Laj Josué, li ralal laj Nun, toj Sitim quixtakla cuibeb laj qꞌuehol etal chi mukmu ut quixye reheb: —Ayukex xqꞌuebal retal li naꞌajej Canaán ut li tenamit Jericó, chan. Eb aꞌan queꞌco̱eb ut queꞌcuulac saꞌ rochoch jun li ixk xcomoneb li nequeꞌxcꞌayi rib, xRahab xcꞌabaꞌ. Ut aran queꞌcana chixnumsinquil li kꞌojyi̱n.

Génesis 28:19

Li naꞌajej aꞌan Luz xcꞌabaꞌ nak quicuan. Abanan laj Jacob quixjal xcꞌabaꞌ. Bet-el chic quixqꞌue chokꞌ xcꞌabaꞌ.

Josué 7:3

Ut nak queꞌsukꞌi chak queꞌxye re laj Josué: —Incꞌaꞌ tento nak ta̱taklaheb nabaleb li soldado chi pletic. Incꞌaꞌ naru ta̱lubtesiheb li soldado chi ma̱cꞌaꞌ rajbal. Ma̱re cuib mil malaj oxib mil ajcuiꞌ teꞌxic chi pletic. Tzꞌakal riqꞌuin aꞌan xban nak incꞌaꞌ qꞌuiheb li yo̱queb chi iloc re li tenamit Hai, chanqueb.

1 Samuel 30:27

Ut quixtakla ajcuiꞌ xma̱taneb li cuanqueb Bet-el, li cuanqueb Ramot re Neguev, ut reheb ajcuiꞌ li cuanqueb Jatir,

Jeremías 49:3

Chexya̱bak la̱ex li cuanquex Hesbón xban nak quisacheꞌ ruheb li tenamit Hai. Japomak e̱re la̱ex li cuanquex Rabá. Qꞌuehomak li kꞌes ru tꞌicr che̱rix ut chexya̱bak. Texxic yalak bar chi saꞌ li tzꞌac li sutsu cuiꞌ li tenamit xban nak li yi̱banbil dios Milcom ta̱cꞌamekꞌ chi pre̱xil rochbeneb laj tij ut eb li cuanqueb xcuanquil.

1 Reyes 12:29

Quixyi̱b xnaꞌaj jun li cuacax oro aran Bet-el ut li jun chic quixyi̱b xnaꞌaj aran Dan.

Isaías 10:28

Eb li xicꞌ nequeꞌiloc e̱re queꞌpletic riqꞌuin li tenamit Ajat. Queꞌnumeꞌ aran Migrón. Queꞌxcanab li i̱k aran Micmas.