Josué 7:19 - Li Santil hu

¹⁹ Ut laj Josué quixye re laj Acán: —At Acán, la̱in nintzꞌa̱ma cha̱cuu nak ta̱qꞌue xlokꞌal li Ka̱cuaꞌ, li kaDios la̱o aj Israel. Ye lix ya̱lal. Ta̱ye cue cꞌaꞌru xaba̱nu. Ma̱muk chicuu, chan laj Josué.

Q'eqchi Bible

¹⁹ Toja' naq laj Josué kixye re laj Akán: “At walal, chanima xloq'al li Qaawa', xYos laj Israel; chaterq'usi li xk'ab'a'. Ye we k'aru xab'aanu ut maamuq chiwu”, chan.

Josué 7:19 ပူးပေါင်းရင်းမြစ်များ

1 Samuel 6:5

Te̱yi̱b li retalil li tumor li cuan che̱rix ut li retalil li chꞌo li yo̱queb chi sachoc re le̱ racui̱mk. Qꞌuehomak xlokꞌal lix Dioseb laj Israel. Chi joꞌcan ma̱re tixcanab xqꞌuebal li raylal saꞌ e̱be̱n ut saꞌ xbe̱neb le̱ dios ut le̱ racui̱mk.

Jeremías 13:16

Qꞌuehomak xlokꞌal li Ka̱cuaꞌ le̱ Dios nak toj ma̱jiꞌ naxtakla li kꞌojyi̱n ma̱re anchal te̱tich le̱ rok saꞌ eb li tzu̱l xban nak kꞌojyi̱n chic. Qꞌuehomak xlokꞌal li Ka̱cuaꞌ nak toj ma̱jiꞌ naxtakla li raylal li cha̱lc re saꞌ e̱be̱n.

San Juan 9:24

Eb laj fariseo queꞌxbok cuiꞌchic xcaꞌ sut li cui̱nk, li mutzꞌ nak quicuan, ut queꞌxye re: —Saꞌ xcꞌabaꞌ li Dios ta̱ye ke lix ya̱lal. La̱o nakanau nak li cui̱nk aꞌan aj ma̱c, chanqueb re.

Daniel 9:4

Ut quintijoc chiru li Ka̱cuaꞌ lin Dios ut quintzꞌa̱ma xcuybal xma̱queb lin tenamit chiru. Quinye re: —At Ka̱cuaꞌ, at nimajcual Dios, a̱cꞌulub nak ta̱xucua̱k a̱cuu. La̱at nacaba̱nu li cꞌaꞌru nacaye saꞌ li contrato ut nacacuuxta̱na ruheb li nequeꞌrahoc a̱cue ut nequeꞌba̱nun re li chakꞌrab li xaqꞌue.

2 Crónicas 30:22

Li rey Ezequías quixqꞌue xcacuilal xchꞌo̱leb laj levita li queꞌxba̱nu chi us lix cꞌanjel chiru li Ka̱cuaꞌ. Cuukub cutan queꞌtzacan saꞌ li ninkꞌe ut queꞌxqꞌue xmayejeb re xcꞌambaleb rib saꞌ usilal chiru li Ka̱cuaꞌ. Ut queꞌxlokꞌoni li Ka̱cuaꞌ lix Dioseb lix xeꞌto̱nil yucuaꞌ.

1 Samuel 14:43

Laj Saúl quixye re laj Jonatán: —Ye cue cꞌaꞌru li ma̱c xaba̱nu, chan. Laj Jonatán quixye re: —La̱in xinlou caꞌchꞌin li xyaꞌal cab li xcana chi ruꞌuj lin xukꞌ. ¿Ma yal xban aꞌan nak tinca̱mk? chan.

Proverbios 28:13

Li ani naxmuk lix ma̱c, incꞌaꞌ us ta̱e̱lk. Abanan li ani tixpatzꞌ xcuybal xma̱c ut tixcanab xba̱nunquil li ma̱usilal, ta̱uxta̱na̱k ru.

Salmos 32:5

Tinye lin ma̱c re li Ka̱cuaꞌ, chanquin. Joꞌcan ut nak xinpatzꞌ incuybal cha̱cuu, at Ka̱cuaꞌ, ut ma̱cꞌaꞌ xinmuk cha̱cuu. Ut la̱at xacuy xasach lin ma̱c.

Apocalipsis 16:9

Eb li cristian queꞌcꞌateꞌ xban xtikcual li sakꞌe. Xban li raylal li yo̱queb chixcꞌulbal, queꞌxmajecua li Dios li cuan xcuanquil saꞌ xbe̱neb li raylal. Ut incꞌaꞌ queꞌyotꞌeꞌ xchꞌo̱leb chi moco queꞌxqꞌue xlokꞌal li Dios.

Santiago 1:20

Xban nak cui nocojoskꞌoꞌ, incꞌaꞌ nakaba̱nu li cꞌaꞌru naraj li Dios.

Tito 2:2

Chaqꞌueheb xnaꞌleb li che̱quel cui̱nk re nak incꞌaꞌ teꞌcala̱k ut cha̱bilakeb xnaꞌleb. Toj cheꞌxcꞌoxla chi us li cꞌaꞌru teꞌxba̱nu ut cheꞌpa̱ba̱nk chi anchaleb xchꞌo̱l. Chixjunil li teꞌxba̱nu, cheꞌxba̱nuhak xban nak nequeꞌxra li ras ri̱tzꞌin ut cheꞌxcuyak li raylal.

2 Timoteo 2:25

Ut saꞌ tu̱lanil chixchꞌolobak xya̱lal reheb li nequeꞌcuechꞌin rix lix ya̱lal. Ma̱re chan nak li Dios ta̱tenkꞌa̱nk reheb chixyotꞌbal xchꞌo̱leb, chixjalbal xcꞌaꞌuxeb re teꞌxnau ru li ya̱l.

Romanos 10:10

Li ani naxpa̱b li Cristo chi anchal xchꞌo̱l ut naxchꞌolob xya̱lal riqꞌuin xtzꞌu̱mal re, aꞌan nati̱coꞌ xchꞌo̱l chiru li Dios ut ta̱colekꞌ.

San Lucas 17:18

¿Ma caꞌaj cuiꞌ li jun aꞌin li ma̱cuaꞌ aj judío xsukꞌi chixlokꞌoninquil li Dios? chan.

Isaías 13:12

Moco qꞌuiheb ta chic li cui̱nk li teꞌcana̱k chi yoꞌyo̱queb. Chanchanakeb li cha̱bil oro li cuan aran Ofir xban nak moco nabalakeb ta chic.

Salmos 51:3

Ninnau nak la̱in aj kꞌetol a̱tin cha̱cuu. Ut junelic nayotꞌeꞌ inchꞌo̱l xban li ma̱c xinba̱nu.

Josué 7:20

Laj Acán quichakꞌoc ut quixye: —Ya̱l nak la̱in xinma̱cob chiru li Ka̱cuaꞌ li kaDios la̱o aj Israel. Aꞌin li ma̱c li xinba̱nu.

2 Reyes 20:15

Quixye cuiꞌchic laj Isaías: —¿Cꞌaꞌru xeꞌril saꞌ li palacio?— Ut laj Ezequías quixye re: —Xeꞌril chixjunil li cꞌaꞌru cuan saꞌ li cuochoch joꞌ ajcuiꞌ li cuan saꞌ eb li naꞌajej li naxocman cuiꞌ li cꞌaꞌak re ru. Ma̱cꞌaꞌ cꞌaꞌ re ru cue incꞌaꞌ ta xincꞌut chiruheb, chan.