Josué 7:18 - Li Santil hu

¹⁸ Ut nak queꞌnumeꞌ chi xjunju̱nkaleb lix cui̱nkilaleb li ralal xcꞌajol laj Zabdi, li Dios quixcꞌut laj Acán, li ralal laj Carmi. Laj Carmi, aꞌan li ralal laj Zabdi. Ut laj Zabdi, aꞌan li ralal laj Zera. Aꞌaneb xcomoneb li ralal xcꞌajol laj Judá.

Q'eqchi Bible

¹⁸ Ut naq ke'nume'k chi xjunjunqaleb' li ralal xk'ajol laj Sabdí, li Yos kixk'ut naq laj Akán, ralal laj Karmí, ri xmam laj Sabdí ut xxikin i laj Séraj, sa' xteepal Judá, wank xmaak.

Josué 7:18 ပူးပေါင်းရင်းမြစ်များ

Números 32:23

Abanan cui incꞌaꞌ te̱ba̱nu li cꞌaꞌru xeyechiꞌi re li Ka̱cuaꞌ, qꞌuehomak retal nak texma̱cobk chiru li Ka̱cuaꞌ. Ut la̱ex te̱cꞌul xtojbal le̱ ma̱c.

Jeremías 2:26

La̱ex aj Israel, xecꞌut e̱xuta̱n joꞌ nak nacꞌuteꞌ xxuta̱n laj e̱lkꞌ nak nataꞌli chi elkꞌac. Jun xiquic nak xecꞌut e̱xuta̱n la̱ex ut eb le̱ rey, joꞌ eb li cuanqueb saꞌ xcuanquil ut eb laj tij ut eb li profetas.

Proverbios 13:21

Eb laj ma̱c ta̱cha̱lk raylal saꞌ xbe̱neb. Abanan eb li ti̱queb xchꞌo̱l teꞌkꞌajca̱mu̱k riqꞌuin usilal.

1 Samuel 14:42

Ut laj Saúl quixye reheb: —Texbu̱lik re rilbal ma la̱in cuan inma̱c, malaj ut laj Jonatán cuan xma̱c, chan. Ut nak queꞌbu̱lic, quicꞌutun nak laj Jonatán cuan xma̱c.

Josué 7:17

Ut queꞌqꞌueheꞌ chi numecꞌ chi ubej li ju̱nk chꞌu̱tal li rechꞌalaleb rib. Ut saꞌ xya̱nkeb aꞌan, quicꞌuteꞌ li ralal xcꞌajol laj Zera. Ut chirix aꞌan queꞌnumeꞌ li junju̱nk cabal li ralal xcꞌajol laj Zera. Ut quicꞌuteꞌ li ralal xcꞌajol laj Zabdi.