Josué 7:13 - Li Santil hu

¹³ ¡Cuaclin! Ut ye reheb li tenamit nak teꞌxsantobresi ribeb re cuulaj xban nak la̱in li Ka̱cuaꞌ le̱ Dios la̱ex aj Israel, ninye chi joꞌcaꞌin: “La̱ex aj Israel, xexoc li cꞌaꞌak re ru li tento raj xesach ru chi junaj cua. Ut xexoc chokꞌ e̱re li xkꞌaxtesi̱c raj chi cꞌanjelac chicuu. Cui la̱ex incꞌaꞌ te̱risi aꞌan saꞌ e̱ya̱nk ma̱ jokꞌe te̱cuy pletic riqꞌuineb li xicꞌ nequeꞌiloc e̱re.”

Q'eqchi Bible

¹³ Xaqlin b'i', kawresi xch'ooleb' li tenamit ut ye reheb': Santob'resiiq eerib' re wulaj, xb'aan naq jo'ka'in xye li Qaawa', xYos laj Israel: «At Israel, sa' eeyanq wank li tz'i'b'eetalil. Jo'kan naq ink'a' truuq teekuy sa' ruq'eb' li xik' neke'ilok eere, wi ink'a' nekerisi sa' eeyanq li k'aru tento raj xsachmank».

Josué 7:13 ပူးပေါင်းရင်းမြစ်များ

Josué 3:5

Laj Josué quixye reheb li tenamit: —Santobresihomak e̱rib xban nak cuulaj tixba̱nu xni̱nkal ru milagro li Ka̱cuaꞌ saꞌ kaya̱nk.—

San Mateo 7:5

At aj caꞌ pacꞌal u, xbe̱n cua isi li tzꞌamba cuan saꞌ li xnakꞌ a̱cuu, tojoꞌnak tat-ilok chi tzꞌakal re risinquil li cꞌaj cheꞌ cuan saꞌ xnakꞌ ru la̱ cuas a̱cui̱tzꞌin.

Josué 7:11

Eb laj Israel xeꞌma̱cob ut xeꞌxkꞌet li contrato li xinba̱nu riqꞌuineb nak xinye reheb nak incꞌaꞌ teꞌxxoc li cꞌaꞌak re ru ac kꞌaxtesinbil re ta̱sachekꞌ. Eb aꞌan xeꞌrelkꞌa li cꞌaꞌru incꞌaꞌ raj xeꞌxchꞌeꞌ ut xeꞌticꞌtiꞌic. Ut li cꞌaꞌru xeꞌxxoc, xeꞌxqꞌue saꞌ xya̱nk li cꞌaꞌruheb re.

Josué 6:18

Abanan la̱ex cheba̱nu cue̱nt. Ma̱cꞌaꞌ te̱xoc saꞌ li tenamit aꞌan xban nak li Ka̱cuaꞌ ac xkꞌaxtesi re ta̱sachekꞌ li tenamit ut chixjunil li cuan chi saꞌ. Cui te̱xoc li cꞌaꞌak re ru naru nachal chꞌaꞌajquilal ut raylal saꞌ kabe̱n la̱o aj Israel.

2 Crónicas 28:10

Ut anakcuan la̱ex te̱raj te̱qꞌue chokꞌ rahobtesinbil mo̱s eb laj Judá ut eb laj Jerusalén. ¿Ma incꞌaꞌ ta biꞌ xexma̱cob la̱ex chiru li Ka̱cuaꞌ li kaDios?

Génesis 34:27

Ut eb li jun chꞌol chic li ralal laj Jacob queꞌcuulac saꞌ li tenamit. Quilajeꞌnumeꞌ saꞌ xbe̱neb li camenak ut quilajeꞌrisi chixjunil li cꞌaꞌak re ru li cuan saꞌ li tenamit. Queꞌxba̱nu chi joꞌcaꞌin xban li ma̱usilal li quixba̱nu re lix Dina laj Siquem.

Deuteronomio 13:6

Cui ani tixye e̱re saꞌ mukmu nak te̱lokꞌoni li jalanil dios, me̱ba̱nu chi joꞌcan. Me̱ba̱nu aꞌan usta le̱ ras, usta le̱ ralal malaj ut le̱ rabin, usta le̱ rixakil li nequera, usta li tzꞌakal e̱rami̱g li ta̱yehok e̱re nak te̱lokꞌoniheb li jalanil dios li incꞌaꞌ xelokꞌoni ruheb, chi moco xeꞌxlokꞌoni le̱ naꞌ e̱yucuaꞌ.