Josué 7:12 - Li Santil hu

¹² Joꞌcan nak eb laj Israel incꞌaꞌ teꞌxcuy pletic riqꞌuineb li xicꞌ nequeꞌiloc reheb. Teꞌe̱lelik ban chiruheb xban nak xeꞌxbok raylal saꞌ xbe̱neb xban nak xeꞌxxoc li ac kꞌaxtesinbil re sachecꞌ. La̱in incꞌaꞌ chic tincua̱nk e̱riqꞌuin cui incꞌaꞌ te̱sach ru li cꞌaꞌru xeꞌxxoc.

Q'eqchi Bible

¹² Jo'kan naq eb' laj Israel ink'a' te'xkuy sa' ruq'eb' li xik' neke'ilok reheb'; te'eleliq b'an chiruheb', xb'aan naq relik chi yaal xk'ulub'eb' naq te'sache'q. Wi laa'ex ink'a' teesach ru li k'aru xexok, ink'a' chik tinwanq eerik'in.

Josué 7:12 ပူးပေါင်းရင်းမြစ်များ

Isaías 59:2

Li Dios incꞌaꞌ chic narabi le̱ tij xban le̱ ma̱usilal. Xban le̱ ma̱c incꞌaꞌ chic nequexcuan chi sum a̱tin riqꞌuin li Dios nak nequeraj tijoc.

Jueces 2:14

Cꞌajoꞌ nak quichal xjoskꞌil li Dios saꞌ xbe̱neb laj Israel. Joꞌcan nak quixkꞌaxtesiheb saꞌ rukꞌeb laj e̱lkꞌ ut qui-elkꞌa̱c chixjunil li cꞌaꞌru cuan reheb. Quixkꞌaxtesiheb saꞌ rukꞌeb li xicꞌ nequeꞌiloc reheb, li cuanqueb chi nachꞌ riqꞌuineb ut eb aꞌan chic queꞌnumta saꞌ xbe̱neb. Ut eb laj Israel incꞌaꞌ queꞌxcuy xcolbaleb rib chiruheb.

Números 14:45

Ut eb laj Amalec ut eb laj Canaán li cuanqueb saꞌ li naꞌajej li tzu̱l ru, queꞌcube chi pletic riqꞌuineb ut queꞌnumta saꞌ xbe̱neb. Queꞌra̱linaheb toj saꞌ li naꞌajej Horma.

Josué 6:18

Abanan la̱ex cheba̱nu cue̱nt. Ma̱cꞌaꞌ te̱xoc saꞌ li tenamit aꞌan xban nak li Ka̱cuaꞌ ac xkꞌaxtesi re ta̱sachekꞌ li tenamit ut chixjunil li cuan chi saꞌ. Cui te̱xoc li cꞌaꞌak re ru naru nachal chꞌaꞌajquilal ut raylal saꞌ kabe̱n la̱o aj Israel.

Deuteronomio 7:26

Me̱rocsi saꞌ le̱ rochoch li cꞌaꞌ re ru tzꞌekta̱nanbil xban li Dios. Me̱qꞌue e̱rib chi sachecꞌ xbaneb re nak incꞌaꞌ texsachekꞌ ajcuiꞌ la̱ex. Xicꞌ ban te̱ril chixjunileb. Tento nak teꞌsachekꞌ ru chi junaj cua xban nak ac kꞌaxtesinbil re sachecꞌ.

Habacuc 1:13

La̱at ti̱c la̱ chꞌo̱l ut incꞌaꞌ nacuulac cha̱cuu li incꞌaꞌ us. ¿Cꞌaꞌut nak yal nacacuil li rahobtesi̱nc li yo̱queb chixba̱nunquil? La̱at ma̱cꞌaꞌ nacaba̱nu nak li incꞌaꞌ useb xnaꞌleb nequeꞌxsach ruheb li ti̱queb xchꞌo̱l.

Oseas 9:12

Ut cui ta teꞌni̱nka̱nk li ralal xcꞌajol, la̱in tebinmakꞌ chiruheb. Tokꞌobak ruheb nak tebincanab la̱in, chan li Ka̱cuaꞌ.

Jeremías 23:33

At Jeremías, cui eb lin tenamit teꞌpatzꞌok a̱cue, malaj ut junak profeta malaj ut aj tij, ut teꞌxye a̱cue, “¿Cꞌaꞌru xye li Ka̱cuaꞌ anakcuan?” ta̱ye reheb, “Li cꞌaꞌru xye li Ka̱cuaꞌ, aꞌan nak la̱ex tzꞌekta̱nanbilex chic.”

Jeremías 6:8

Qꞌuehomak e̱chꞌo̱l chi cua̱nc saꞌ ti̱quilal la̱ex aj Jerusalén re nak la̱in incꞌaꞌ texincanab e̱junes, ut re ajcuiꞌ nak incꞌaꞌ tinsukꞌisi le̱ naꞌaj chokꞌ chaki chꞌochꞌ ut incꞌaꞌ chic teꞌcua̱nk cristian aran.

Proverbios 28:1

Eb li incꞌaꞌ useb xnaꞌleb nequeꞌe̱lelic usta ma̱ ani yo̱ chi a̱lina̱nc reheb. Abanan eb li ti̱queb xchꞌo̱l incꞌaꞌ nequeꞌxucuac. Cꞌojcꞌo̱queb ban xchꞌo̱l. Chanchaneb li cakcoj.

Jueces 2:4

Nak queꞌrabi li cꞌaꞌru quixye li ángel, eb laj Israel queꞌoc chi ya̱bac chi cau.

Números 14:39

Nak laj Moisés quixye resil reheb li cꞌaꞌru quixye li Ka̱cuaꞌ chixjunileb laj Israel queꞌrahoꞌ saꞌ xchꞌo̱leb.

Jueces 16:20

Ut quixye re: —At Sansón, xeꞌchal laj filisteo cha̱chapbal, chan. Nak qui-aj ru laj Sansón quixye: —Tine̱lelik chiruheb joꞌ ninba̱nu rajlal, chan. Abanan incꞌaꞌ quixqꞌue retal nak ac xcanaba̱c xban li Ka̱cuaꞌ.

1 Samuel 14:38

Joꞌcan nak laj Saúl quixbokeb li nequeꞌcꞌamoc be saꞌ xya̱nkeb li soldados ut quixye reheb: —Quimkex arin. Takatzꞌil a̱tin re xnaubal ani xma̱cob chiru li cutan aꞌin.

Salmos 44:10

Xoa̱qꞌue chi e̱lelic chiruheb li xicꞌ nequeꞌiloc ke. Ut li cꞌaꞌru cuan ke, xeꞌxmakꞌ chiku ut queꞌxcꞌam chokꞌ reheb.

Salmos 60:10

Choa̱tenkꞌa, at Ka̱cuaꞌ, usta xoa̱canab kajunes junxil. Toa̱tenkꞌa saꞌ li ple̱t, at inDios.

Números 14:42

Mexxic xban nak li Ka̱cuaꞌ moco cuan ta chic e̱riqꞌuin. Eb li xicꞌ nequeꞌiloc e̱re teꞌnumta̱k saꞌ e̱be̱n.

Números 14:43

Cui texpletik riqꞌuineb laj Amalec ut riqꞌuineb laj Canaán texcamsi̱k xbaneb. Li Dios incꞌaꞌ textenkꞌa xban nak xekꞌet li cꞌaꞌru quixye, chan laj Moisés reheb.