Josué 7:1 - Li Santil hu

¹ Jun li cui̱nk aj Acán xcꞌabaꞌ, xcomoneb li ralal xcꞌajol laj Judá, quixxoc chokꞌ re li cꞌaꞌru ac kꞌaxtesinbil xban li Dios re sachecꞌ. Laj Acán, aꞌan li ralal laj Carmi. Laj Carmi, aꞌan li ralal laj Zabdi ut laj Zabdi, aꞌan li ralal laj Zera. Li ma̱c quixba̱nu laj Acán, li Dios quixqꞌue saꞌ xbe̱neb chixjunileb li ralal xcꞌajol laj Israel, ut cꞌajoꞌ nak quijoskꞌoꞌ saꞌ xbe̱neb.

Q'eqchi Bible

¹ Ab'an eb' laj Israel ke'xq'et li xtaqlahom laj Josué. Laj Akán, ralal laj Karmí, ri xmam laj Sabdí, xxikin i laj Séraj, sa' xteepal Judá, kixxok cho'q re li k'aru ak q'axtesinb'il re sache'k. Jo'kan naq k'ajo' naq kijosq'o'k li Qaawa' sa' xb'eeneb' laj Israel.

Josué 7:1 ပူးပေါင်းရင်းမြစ်များ

Josué 22:20

Chijulticokꞌ e̱re nak laj Acán li ralal laj Zera quima̱cob riqꞌuin xchapbal li ta̱cꞌanjelak chiru li Dios ut riqꞌuin xchapbal li ac kꞌaxtesinbil re sachecꞌ. Xban li ma̱c li quixba̱nu, li Ka̱cuaꞌ quijoskꞌoꞌ saꞌ kabe̱n chikajunilo ut moco caꞌaj cuiꞌ ta aꞌan quicam xban li ma̱c li quixba̱nu, chanqueb.

Eclesiastés 9:18

Kꞌaxal us nak cua̱nk kanaꞌleb chiru nak cua̱nk kacꞌanjeleba̱l re pletic. Li ani incꞌaꞌ us xnaꞌleb naxpoꞌ ru li us.

1 Crónicas 21:7

Ut incꞌaꞌ ajcuiꞌ quicuulac chiru li Dios nak laj David quixtakla rajlanquileb laj Israel. Joꞌcan nak quixtakla raylal saꞌ xbe̱neb.

Josué 22:18

Ut la̱ex yo̱quex chixcanabanquil li Ka̱cuaꞌ Dios ut yo̱quex chixkꞌetkꞌetinquil e̱rib chiru. Cui joꞌcan yo̱quex, ta̱cha̱lk xjoskꞌil li Dios saꞌ kabe̱n la̱o aj Israel.

Josué 22:16

Ut queꞌxye reheb: —La̱o xochal chi a̱tinac e̱riqꞌuin saꞌ xcꞌabaꞌeb laj Israel, le̱ rech tenamitil. ¿Cꞌaꞌut nak xeba̱nu li ma̱c aꞌin chiru li kaDios? ¿Cꞌaꞌut nak xex-oc chixyi̱banquil li artal aꞌin? ¿Cꞌaꞌut nak yo̱quex chixkꞌetbal lix chakꞌrab li Ka̱cuaꞌ Dios?

Jonás 1:7

Ut queꞌxye chi ribileb rib laj cꞌamol re li jucub: —Kabu̱lihak kix re takil ani cuan xma̱c nak yo̱co chixcꞌulbal li raylal aꞌin, chanqueb. Ut queꞌxbu̱li rixeb ut li ma̱c quitꞌaneꞌ saꞌ xbe̱n laj Jonás.

Esdras 9:6

Ut quinye: —At Ka̱cuaꞌ, at inDios, sachso innaꞌleb ut ninxuta̱nac chixtaksinquil li cuiloba̱l cha̱cuu xban nak kꞌaxal numtajenak li kama̱usilal. At Ka̱cuaꞌ, xban nak kꞌaxal nabal li kama̱c chanchan nak ac xcuulac toj saꞌ choxa.

2 Crónicas 24:18

Queꞌxtzꞌekta̱na lix templo li Ka̱cuaꞌ lix Dioseb lix xeꞌto̱nil yucuaꞌ ut aꞌ chic li yi̱banbil dios xAsera ut eb li jalam u̱ch queꞌxlokꞌoni. Xban li ma̱c queꞌxba̱nu, cꞌajoꞌ nak quichal xjoskꞌil li Dios saꞌ xbe̱neb laj Judá ut eb laj Jerusalén.

2 Samuel 24:1

Quichal cuiꞌchic xjoskꞌil li Ka̱cuaꞌ Dios saꞌ xbe̱neb laj Israel. Joꞌcan nak quixqꞌue xjoskꞌil laj David saꞌ xbe̱neb. Quiyeheꞌ re laj David nak ta̱rajlaheb chixjunileb laj Israel ut eb laj Judá.

Daniel 9:7

At Ka̱cuaꞌ, la̱at junelic nacaba̱nu li ti̱quilal, abanan la̱o xuta̱nal noco-el riqꞌuin li ma̱usilal nakaba̱nu. Chikajunilo la̱o aj Israel xoma̱cob toj chalen anakcuan, li cuanqueb Judá joꞌ ajcuiꞌ li cuanqueb Jerusalén ut chixjunileb li tenamit Israel; li cuanqueb chi nachꞌ joꞌ ajcuiꞌ li cuanqueb chi najt saꞌ chixjunileb li naꞌajej bar xajeqꞌuiheb cuiꞌ ruheb xban nak xeꞌxkꞌet li chakꞌrab li qꞌuebil reheb a̱ban.

Levítico 10:6

Laj Aarón cuan rochbeneb laj Eleazar ut laj Itamar li ralal cuib. Laj Moisés quixye reheb: —Me̱risi xbatbal le̱ jolom ut me̱kꞌich le̱ rakꞌ xban xrahil e̱chꞌo̱l re nak incꞌaꞌ texca̱mk ajcuiꞌ la̱ex ut re nak incꞌaꞌ ta̱cha̱lk xjoskꞌil li Ka̱cuaꞌ Dios saꞌ xbe̱neb chixjunileb li tenamit. Aban le̱ rech tenamitil aj Israel teꞌrahokꞌ saꞌ xchꞌo̱leb xban li xam li quixtakla chak li Ka̱cuaꞌ.

2 Reyes 5:24

Nak queꞌcuulac saꞌ xbe̱n li bol, laj Giezi quixchap li cuib bo̱ls chi tumin joꞌ ajcuiꞌ li tꞌicr ut quixcꞌam saꞌ rochoch chi mukmu. Ut quixsukꞌisiheb cuiꞌchic lix mo̱s laj Naamán.

Génesis 34:27

Ut eb li jun chꞌol chic li ralal laj Jacob queꞌcuulac saꞌ li tenamit. Quilajeꞌnumeꞌ saꞌ xbe̱neb li camenak ut quilajeꞌrisi chixjunil li cꞌaꞌak re ru li cuan saꞌ li tenamit. Queꞌxba̱nu chi joꞌcaꞌin xban li ma̱usilal li quixba̱nu re lix Dina laj Siquem.

Li xHu LAJ JOB 35:8

Cui la̱at cha̱bilat, aꞌaneb ajcuiꞌ la̱ cuas a̱cui̱tzꞌin li teꞌcꞌuluk re li usilal. Ut cui la̱at tatma̱cobk, aꞌan eb ajcuiꞌ la̱ cuas a̱cui̱tzꞌin li teꞌcꞌuluk re li raylal.