Josué 6:4 - Li Santil hu

⁴ Cuukub eb laj tij teꞌxcꞌam junju̱nk xxucubeb li carner re teꞌxya̱basi. Aꞌaneb li teꞌcꞌamok be chiru li Lokꞌlaj Ca̱x. Ut saꞌ lix cuuk li cutan te̱suti rix li tenamit cuukub sut. Ut eb laj tij yo̱keb chixya̱basinquil li xucub.

Q'eqchi Bible

⁴ Aj k'amolb'ehaqeb' chiru li Loq'laj Kaax wuqub' chi aj tij li te'k'amoq junjunq xxukub'eb' li karneer cho'q tronpeet. Sa' xwuq li kutan teesuti li tenamit wuqub' sut ut eb' laj tij te'xyaab'asiheb' li xtronpeet.

Josué 6:4 ပူးပေါင်းရင်းမြစ်များ

Apocalipsis 16:1

Ut quicuabi jun xya̱b cux quia̱tinac chak chi cau saꞌ lix templo li Dios. Quixye reheb li cuukub chi ángel: —Ayukex ut hoyomak chak saꞌ xbe̱n li ruchichꞌochꞌ lix joskꞌil li Dios li cuan saꞌ li cuukub chi secꞌ.—

2 Crónicas 20:17

La̱ex incꞌaꞌ texpletik. Te̱xakab e̱rib aran ut incꞌaꞌ tex-ecꞌa̱nk. Cauhak taxak e̱chꞌo̱l xban nak te̱ril chanru nak li Dios texcol la̱ex aj Judá ut aj Jerusalén. Mexxucuac chi moco ta̱chꞌina̱nk e̱chꞌo̱l. Texxic cuulaj chixcꞌulbaleb ut li Dios cua̱nk e̱riqꞌuin, chan.

Apocalipsis 8:2

Ut quicuil cuukub li ángel xakxo̱queb chiru li Dios. Ut queꞌqꞌueheꞌ cuukub li trompeta reheb.

2 Crónicas 20:21

Nak quirakeꞌ chi a̱tinac riqꞌuineb li tenamit, cuanqueb li queꞌxakaba̱c xban laj Josafat chi bicha̱nc re xqꞌuebal xlokꞌal li Ka̱cuaꞌ. Tikto̱queb riqꞌuin li akꞌej li kꞌaxtesinbil re li Ka̱cuaꞌ. Aꞌaneb li yo̱queb chi cꞌamoc be nak queꞌco̱eb chiruheb li soldados ut yo̱queb chixyebal, “Cheqꞌuehak taxak xlokꞌal li nimajcual Dios xban nak aꞌan cha̱bil ut kꞌaxal nim li ruxta̱n saꞌ kabe̱n junelic.”

1 Reyes 18:43

Ut quixye re lix mo̱s li cuan rochben: —Tatxic ut tat-ilok toj cuan cuiꞌ li palau, chan. Ut lix mo̱s co̱ ut quisukꞌi cuiꞌchic riqꞌuin laj Elías ut quixye re: —Ma̱cꞌaꞌ nacꞌutun, chan. Cuukub sut quixtakla lix mo̱s chi iloc.

Levítico 14:16

Chirix aꞌan tixtzꞌa saꞌ li aceite li ruꞌuj rukꞌ li cuan saꞌ xnim. Ut tixrachrachi li aceite cuukub sut chiru li Ka̱cuaꞌ.

Apocalipsis 15:7

Ut jun reheb li ca̱hib li yoꞌyo̱queb li chanchaneb ángel, quixqꞌue reheb li cuukub chi ángel li cuukub chi secꞌ oro nujenak riqꞌuin xjoskꞌil li Dios, li yoꞌyo chi junelic kꞌe cutan.

Apocalipsis 15:1

Ut quicuil saꞌ choxa jun chic li sachba chꞌo̱lej rilbal. Quicuil cuukub li ángel ut cuan riqꞌuineb cuukub chi raylal. Aꞌan li raylal li ta̱cꞌulma̱nk saꞌ rosoꞌjiqueb li cutan. Riqꞌuin li cuukub chi raylal aꞌan ta̱tzꞌaklok ru lix joskꞌil li Dios.

Apocalipsis 10:3

Ut quixjap re chi cau xya̱b xcux chanchan nak naxjap re li cakcoj. Ut qui-abi̱c cuukub xya̱b cux chanchan ca̱k nak queꞌecꞌan.

Apocalipsis 8:6

Ut eb li cuukub chi ángel queꞌxcauresi ribeb chixya̱basinquil li cuukub chi trompeta li cuan riqꞌuineb.

Apocalipsis 5:6

Quicuil Jun xakxo aran chiru li lokꞌlaj cꞌojariba̱l li sutsu xbaneb li ca̱hib li chanchaneb ángel joꞌqueb ajcuiꞌ li ca̱hib xcaꞌcꞌa̱l li cꞌojcꞌo̱queb aran. Quicꞌutun nak li jun aꞌan ac camsinbil. Chanchan carner. Cuan cuukub xxucub ut cuan ajcuiꞌ cuukub xnakꞌ ru retalil li Santil Musikꞌej li quitakla̱c saꞌ chixjunil li ruchichꞌochꞌ.

Apocalipsis 5:1

Ut saꞌ lix nim ukꞌ li Dios li cꞌojcꞌo saꞌ li lokꞌlaj cꞌojariba̱l quicuil jun li botbil hu tzꞌi̱banbil chi saꞌ ut chirix ut tzꞌapbil riqꞌuin cuukub li sello.

Apocalipsis 1:20

Lix ya̱lal li cuukub chi chahim li xacuil saꞌ lin nim ukꞌ, aꞌan li retalileb li cuukub lix takl li Dios li nequeꞌiloc reheb li cuukub chꞌu̱tal chi aj pa̱banel. Ut lix ya̱lal li cuukub chi candelero, aꞌan retalileb li cuukub chꞌu̱tal chi aj pa̱banel.

Apocalipsis 1:4

La̱in laj Juan. Yo̱quin chi tzꞌi̱bac e̱riqꞌuin la̱ex li cuukub chꞌu̱talex chi aj pa̱banel li cuanquex aran Asia. Aꞌ taxak li usilal ut li tuktu̱quilal chicua̱nk e̱riqꞌuin li naxqꞌue li Dios li ac cuan chak saꞌ xticlajic, li cuan anakcuan, ut li cua̱nk chi junelic, ut li naxqꞌue li Santil Musikꞌej li cuan cuiꞌ lix lokꞌlaj cꞌojariba̱l li Ka̱cuaꞌ.

2 Reyes 5:10

Ut li profeta quixtakla jun lix takl re tixye re laj Naamán nak ta̱xic chi ati̱nc cuukub sut saꞌ li nimaꞌ Jordán re nak ta̱qꞌuira̱k lix tibel.

Números 23:1

Quixye laj Balaam: —Takla xyi̱banquil cuukub li artal saꞌ li naꞌajej aꞌin. Ut cauresihomakeb cuukub li toro ut cuukub li te̱lom carner, chan.

Zacarías 4:6

Lix ángel li Ka̱cuaꞌ quichakꞌoc ut quixye cue: —Aꞌan aꞌin li quixye li Ka̱cuaꞌ re laj Zorobabel: Moco riqꞌuin ta e̱metzꞌe̱u chi moco riqꞌuin ta e̱cuanquil te̱ba̱nu li cꞌanjel aꞌin. Riqꞌuin ban lix cuanquil lin Santil Musikꞌ li tinqꞌue e̱re, chan li nimajcual Dios.

Zacarías 4:2

Ut quixye cue: —¿Cꞌaꞌru yo̱cat chirilbal?— Ut la̱in quinchakꞌoc ut quinye re: —Yo̱quin chirilbal jun li candelero yi̱banbil riqꞌuin oro. Ut saꞌ xbe̱n cuan xnaꞌaj li aceite ut cuan xnaꞌaj cuukub candil ut cuan ajcuiꞌ cuukub li nanumeꞌ cuiꞌ li aceite.

Isaías 27:13

Saꞌ eb li cutan aꞌan ta̱ya̱basi̱k chi cau li trompeta. Eb laj Israel li queꞌchapeꞌ ut queꞌcꞌameꞌ saꞌ eb li tenamit Asiria ut Egipto teꞌxchꞌutub ribeb ut teꞌxic Jerusalén ut teꞌxlokꞌoni li Ka̱cuaꞌ saꞌ lix santil tzu̱l.

Li xHu LAJ JOB 42:8

Anakcuan te̱cꞌam cuukub li toro ut cuukub li carner te̱lom ut texxic riqꞌuin laj Job, laj cꞌanjel chicuu re nak aꞌan ta̱mayejak saꞌ e̱cꞌabaꞌ la̱ex. Laj Job ta̱tijok che̱rix ut la̱in tincuabi lix tij. Ma̱cꞌaꞌ tinba̱nu e̱re usta e̱cꞌulub xtojbal rix le̱ ma̱c xban nak incꞌaꞌ xeye li ya̱l chicuix joꞌ xba̱nu laj Job, chan li Dios.

2 Crónicas 20:19

Chirix aꞌan eb laj levita, li ralal laj Coat ut eb li ralal laj Coré, queꞌxakli ut queꞌxlokꞌoni li Ka̱cuaꞌ lix Dioseb laj Israel chi cau xya̱b xcuxeb.

2 Crónicas 13:12

Cheqꞌuehak retal. Li Dios cuan kiqꞌuin. Aꞌan yo̱ chi cꞌamoc kabe. Ut eb laj tij oqueb re chixya̱basinquil lix trompe̱teb re takatiquib pletic e̱riqꞌuin. Joꞌcan ut, ex ralal xcꞌajol laj Israel, mexpletic riqꞌuin li Ka̱cuaꞌ lix Dioseb le̱ xeꞌto̱nil yucuaꞌ xban nak incꞌaꞌ texnumta̱k saꞌ kabe̱n, chan laj Abías.

Levítico 4:6

Tixtzꞌa li ruꞌuj rukꞌ saꞌ li quicꞌ ut chiru li Ka̱cuaꞌ tixrach cuukub sut nachꞌ riqꞌuin li tꞌicr li naramoc re li Lokꞌlaj Santil Naꞌajej.

Génesis 2:3

Li Dios quirosobtesi li xcuuk li cutan ut quixsantobresi xban nak saꞌ li cutan aꞌan quihilan riqꞌuin chixjunil li cꞌanjel li quixba̱nu.

Josué 6:3

La̱ex soldado aj Israel te̱suti rix li tenamit jun sut chiru li cutan. Joꞌcaꞌin te̱ba̱nu chiru cuakib cutan.

Josué 6:5

Te̱rabi nak incꞌaꞌ teꞌxcanab xya̱basinquil li xucub carner. Che̱junilex la̱ex te̱jap e̱re chi cau. Ut li tzꞌac li sutsu cuiꞌ li tenamit ta̱tꞌanekꞌ. Nak ac xtꞌaneꞌ li tzꞌac li sutsu cuiꞌ, la̱ex saꞌ junpa̱t tex-oc saꞌ li tenamit chi pletic, chan li Dios.

Josué 6:13

Ut eb li cuukub chi aj tij yo̱queb chi xic chiru lix Lokꞌlaj Ca̱x li Ka̱cuaꞌ ut incꞌaꞌ queꞌxcanab be̱c chi moco queꞌxcanab xya̱basinquil li xucub. Cuanqueb li soldado yo̱queb chi xic chiruheb laj tij li yo̱queb chixya̱basinquil li xucub ut cuanqueb li soldado li yo̱queb chi xic chirix li Lokꞌlaj Ca̱x. Ut eb laj tij incꞌaꞌ queꞌxcanab xya̱basinquil li xucub.

2 Reyes 5:14

Joꞌcan nak laj Naamán co̱ saꞌ li nimaꞌ Jordán ut quixsub rib cuukub sut saꞌ li nimaꞌ joꞌ quiyeheꞌ re xban lix profeta li Dios. Ut quiqꞌuira. Lix tibel kꞌun kꞌun quicana joꞌ xtibel junak sa̱j al.