Josué 6:27 - Li Santil hu

²⁷ Li Ka̱cuaꞌ quitenkꞌan re laj Josué ut yalak bar quicuulac resil li cꞌaꞌru quixba̱nu.

Q'eqchi Bible

²⁷ Li Qaawa' kixtenq'a laj Josué, ut yalaq b'ar kiwulak resil li k'aru kixb'aanu.

Josué 6:27 ပူးပေါင်းရင်းမြစ်များ

Josué 9:3

Eb laj heveo li cuanqueb Gabaón queꞌrabi resil chixjunil li quixba̱nu laj Josué riqꞌuineb li tenamit Jericó ut Hai.

Josué 1:5

Ma̱ ani ta̱ru̱k ta̱numta̱k saꞌ a̱be̱n joꞌ najtil yoꞌyo̱kat xban nak la̱in cua̱nkin a̱cuiqꞌuin cha̱tenkꞌanquil joꞌ nak quintenkꞌa laj Moisés. Incꞌaꞌ tatincanab a̱junes. Cua̱nkin ban a̱cuiqꞌuin junelic.

San Mateo 28:20

Te̱cꞌut chiruheb xpa̱banquil chixjunil li xinye chak e̱re. Chenauhak nak la̱in cua̱nkin e̱riqꞌuin chixjunil li cutan chalen toj saꞌ rosoꞌjic li ruchichꞌochꞌ.— Joꞌcan taxak.

San Mateo 18:20

Yalak bar cua̱nkeb cuib oxib chꞌutchꞌu̱keb saꞌ incꞌabaꞌ, aran ajcuiꞌ cua̱nkin la̱in saꞌ xya̱nkeb aꞌan, chan li Jesús.

Josué 9:9

Ut eb aꞌan queꞌchakꞌoc ut queꞌxye: —La̱o xochal chak saꞌ najtil tenamit xban nak xkabi chixjunil li yo̱ chixba̱nunquil li Ka̱cuaꞌ le̱ Dios. Xkabi resil chixjunil li quilajxba̱nu chak aran Egipto.

Josué 9:1

Eb li rey li cuanqueb jun pacꞌal li nimaꞌ Jordán saꞌ li oeste queꞌrabi resil li cꞌaꞌru queꞌxba̱nu laj Israel. Eb li rey aꞌan cuanqueb saꞌ eb li naꞌajej li tzu̱l ru ut li ru takꞌa ut cuanqueb ajcuiꞌ chire li Palau Mediterráneo chiru li naꞌajej Líbano. Aꞌaneb laj heteo, eb laj amorreo, eb laj cananeo, eb laj ferezeo, eb laj heveo ut eb laj jebuseo.

Génesis 39:21

Ut li Dios junelic cuan riqꞌuin. Quixtokꞌoba ru laj José ut quixtenkꞌa. Laj ilol tzꞌalam quixqꞌue retal nak laj José, aꞌan cha̱bil.

2 Timoteo 4:22

Aꞌ taxak li Ka̱cuaꞌ chicua̱nk a̱cuiqꞌuin. Ut aꞌ taxak li rusilal li Dios chicua̱nk e̱riqꞌuin la̱ex che̱junilex. Joꞌcan taxak.

2 Timoteo 4:17

Abanan li Ka̱cuaꞌ quitenkꞌan cue ut quixqꞌue xcacuilal inchꞌo̱l re xjulticanquil chi tzꞌakal resil li colba-ib re nak chixjunileb li ma̱cuaꞌeb aj judío teꞌrabi resil li evangelio. Joꞌcan nak quincoleꞌ saꞌ rukꞌ li cakcoj.

2 Corintios 13:14

Chicua̱nk taxak e̱riqꞌuin li rusilal li Ka̱cuaꞌ Jesucristo, ut chicua̱nk taxak e̱riqꞌuin li rahoc ib li naxqꞌue li Ka̱cuaꞌ Dios, ut aꞌ taxak li Santil Musikꞌej chicua̱nk e̱riqꞌuin. Joꞌcan taxak.

San Mateo 14:1

Saꞌ eb li cutan aꞌan laj Herodes li acuabej quirabi resil li cꞌaꞌru yo̱ chixba̱nunquil li Jesús.

San Mateo 4:24

Quicuulac resil saꞌ chixjunil li naꞌajej Siria li cꞌaꞌru yo̱ chixba̱nunquil li Jesús aran Galilea. Ut queꞌxcꞌam riqꞌuin chixjunileb li yaj. Qꞌuila pa̱y ru lix yajeleb ut lix raylaleb. Cuan li toj nakꞌehin xyajeleb. Ut cuan li cuanqueb ma̱us aj musikꞌej riqꞌuineb ut cuanqueb ajcuiꞌ li sic. Ut li Jesús naxqꞌuirtesiheb.

2 Samuel 7:9

La̱in xintenkꞌan a̱cue saꞌ chixjunil li naꞌajej xatcuulac cuiꞌ ut xinkꞌaxtesi saꞌ a̱cuukꞌ chixjunileb li xicꞌ nequeꞌiloc a̱cue. Xinqꞌue a̱cuanquil joꞌ lix cuanquileb li xni̱nkal ru cui̱nk li cuanqueb saꞌ ruchichꞌochꞌ.

1 Samuel 2:30

Joꞌcan nak li Ka̱cuaꞌ li nequeꞌxlokꞌoni laj Israel quixye chi joꞌcaꞌin, “Quinye nak eb li ralal xcꞌajol la̱ yucuaꞌ teꞌcꞌanjelak chicuu chokꞌ aj tij chi junelic kꞌe cutan. Abanan anakcuan incꞌaꞌ chic ta̱ru̱k texcꞌanjelak chicuu xban nak la̱in ninqꞌue xlokꞌal li nalokꞌonin cue ut nintzꞌekta̱na li ani natzꞌekta̱nan cue.

Josué 1:9

La̱in li yo̱quin chi takla̱nc a̱cue. Yal a̱kꞌe ut cacuubresi a̱chꞌo̱l. Matxucuac chi moco ta̱chꞌina̱nk a̱chꞌo̱l xban nak la̱in li Ka̱cuaꞌ la̱ Dios cua̱nkin a̱cuiqꞌuin yalak bar tatxic, chan li Dios.

Deuteronomio 31:6

Cacuubresihomak e̱chꞌo̱l ut chicua̱nk e̱metzꞌe̱u. Mexxucuak chi moco texcꞌoxlak xbaneb, xban nak li Ka̱cuaꞌ incꞌaꞌ texcanab e̱junes. Cua̱nk ban e̱riqꞌuin chi junelic, chan laj Moisés.

Jueces 1:19

Li Ka̱cuaꞌ cuan riqꞌuineb li ralal xcꞌajol laj Judá ut queꞌnumta saꞌ xbe̱neb li cuanqueb saꞌ li naꞌajej li tzu̱l ru. Abanan incꞌaꞌ queꞌru queꞌnumta saꞌ xbe̱neb li cuanqueb saꞌ li ru takꞌa xban nak eb aꞌan cuanqueb lix carruaje yi̱banbil riqꞌuin chꞌi̱chꞌ.

1 Samuel 18:14

Li Ka̱cuaꞌ cuan riqꞌuin laj David. Joꞌcan nak us na-el riqꞌuin chixjunil li cꞌaꞌru naxba̱nu.

1 Crónicas 14:17

Joꞌcan nak qui-abi̱c resil yalak bar li cꞌaꞌru quixba̱nu laj David. Ut li Ka̱cuaꞌ quixqꞌueheb xxiuheb chixjunileb li jalan tenamit nak queꞌrabi resil.

Ester 9:4

Queꞌxucuac xban nak laj Mardoqueo nim xcuanquil saꞌ li rochoch li rey ut naꞌno ru yalak bar saꞌ eb li tenamit li cuanqueb rubel xcuanquil li rey. Ut rajlal yo̱ chi nima̱nc lix cuanquil li quiqꞌueheꞌ re.