Josué 6:23 - Li Santil hu

²³ Queꞌco̱eb ut li cuib chi cui̱nk ut queꞌrisi lix Rahab rochben lix naꞌ, lix yucuaꞌ ut eb li ras ut eb li ri̱tzꞌin, joꞌ ajcuiꞌ chixjunileb li rechꞌalal. Ut queꞌxcꞌam saꞌ jun naꞌajej bar ma̱cꞌaꞌ teꞌxcꞌul toj chirix li naꞌajej li cuanqueb cuiꞌ chi hila̱nc laj Israel.

Q'eqchi Bible

²³ Jo'kan naq koheb' li wiib' aj k'ehol eetal ut ke'risi chaq lix Rajab, li xna' xyuwa', eb' li ras riitz'in ut chixjunileb' li xkomon. Ke'risi ajwi' jo'k'ihaleb' li wankeb' sa' xjunkab'al ut ke'xk'ameb' toj chirix li xmuheb'aaleb' laj Israel.

Josué 6:23 ပူးပေါင်းရင်းမြစ်များ

Hebreos 11:7

Xban lix pa̱ba̱l laj Noé, li Dios quixye re cꞌaꞌru talajcꞌulma̱nk. Ut laj Noé quixpa̱b li quixye li Dios usta toj ma̱jiꞌ nacꞌulman. Quixyi̱b li nimla jucub cab re xcolbal rib aꞌan, joꞌ eb ajcuiꞌ li ralal xcꞌajol. Ut lix pa̱ba̱l laj Noé quixcꞌutbesi nak li cuanqueb saꞌ ruchichꞌochꞌ incꞌaꞌ queꞌpa̱ban. Joꞌcan nak queꞌcam. Xban nak quipa̱ban, li Dios quixye nak ti̱c xchꞌo̱l laj Noé.

Efesios 2:12

Junxil moco cuan ta li Cristo e̱riqꞌuin ut ma̱cuaꞌex xcomoneb laj Israel. Incꞌaꞌ querabi resil li contrato li quiyehoc resil lix cꞌulunic laj Colonel. Cuanquex arin saꞌ ruchichꞌochꞌ chi ma̱cꞌaꞌ cꞌaꞌru yo̱quex chiroybeninquil ut chi ma̱cꞌaꞌ li Dios e̱riqꞌuin.

1 Corintios 5:12

Ma̱cuaꞌ la̱in tinrakok a̱tin saꞌ xbe̱neb li toj ma̱jiꞌ nequeꞌpa̱ban. Aꞌ li Dios, aꞌan li ta̱rakok a̱tin saꞌ xbe̱neb.

Hechos 27:24

Li ángel xye cue, “Matxucuac, at Pablo, xban nak tento nak tatcuulak riqꞌuin li acuabej César. Xban xnimal rusilal li Ka̱cuaꞌ, ma̱ jun reheb li cuanqueb a̱cuochben teꞌca̱mk,” chan cue.

Hechos 10:28

Laj Pedro quixye reheb: —La̱ex nequenau nak lix chakꞌrabeb laj judío naxye nak incꞌaꞌ naru takajunaji kib riqꞌuineb li ma̱cuaꞌeb aj judío chi moco ta̱ru̱k to-oc saꞌ rochocheb. Abanan xcꞌut chicuu li Ka̱cuaꞌ Dios nak ma̱ jun li cristian tintzꞌekta̱na chi moco tinye nak incꞌaꞌ us a̱tinac riqꞌuineb.

Números 31:19

Tento nak teꞌcana̱k chirix li naꞌajej li cuanqueb cuiꞌ li muheba̱l chiru cuukub cutan chixjunileb li queꞌcamsin, joꞌ eb ajcuiꞌ li queꞌchꞌeꞌoc re li camenak. Saꞌ li rox ut saꞌ li xcuuk li cutan tento nak teꞌxsantobresi ribeb, joꞌ eb ajcuiꞌ li tukꞌ ixk queꞌcꞌameꞌ chi pre̱xil.

Génesis 18:24

Ma̱re cuanqueb mero ciento chi cristian ti̱queb xchꞌo̱l saꞌ xya̱nkeb. Cui cuanqueb mero ciento li ti̱queb xchꞌo̱l, ¿ma incꞌaꞌ ta̱ru̱k ta̱cuy xma̱queb li incꞌaꞌ ti̱queb xchꞌo̱l? ¿Malaj cuan saꞌ a̱chꞌo̱l nak ta̱sach chi junaj cua li tenamit aꞌan? chan.

Génesis 12:2

—Eb la̱ cualal a̱cꞌajol teꞌqꞌuia̱nk. Ut ta̱nima̱nk lix cuanquileb saꞌ ruchichꞌochꞌ. Ut la̱in tin-osobtesi̱nk a̱cue. Ut la̱ cꞌabaꞌ naꞌno̱k ru yalak bar. Saꞌ a̱cꞌabaꞌ la̱at, nabaleb chic li cristian teꞌxcꞌul li usilal xban nak la̱at sicꞌbil a̱cuu inban.

Josué 2:18

Nak to-oc chire̱chaninquil li tenamit aꞌin, la̱at ta̱tꞌuyub li caki cꞌa̱m aꞌin saꞌ li ventana, li xoa̱cubsi cuiꞌ. Ut ta̱chꞌutubeb saꞌ la̱ cuochoch la̱ naꞌ ut la̱ yucuaꞌ rochbeneb la̱ cuas ut eb la̱ cui̱tzꞌin, ut chixjunileb li cuanqueb saꞌ rochoch la̱ yucuaꞌ.

Josué 2:13

Checol rix xyuꞌam lin naꞌ ut lin yucuaꞌ joꞌ ajcuiꞌ eb li cuas ut eb li cui̱tzꞌin joꞌ ixk joꞌ cui̱nk ut chixjunil li cꞌaꞌruheb re. Choe̱col taxak re nak incꞌaꞌ toca̱mk, chan lix Rahab.

Génesis 19:29

Li Ka̱cuaꞌ Dios quixsach ruheb chi junaj cua chixjunil li tenamit li cuanqueb saꞌ li ru takꞌa. Abanan quijulticoꞌ re li cꞌaꞌru quixtzꞌa̱ma laj Abraham. Joꞌcan nak quixcol laj Lot.

Hebreos 11:31

Lix Rahab aꞌan jun ixk naxcꞌayi rib nak quicuan. Xban nak quipa̱ban, quixtenkꞌaheb laj Israel li queꞌchal chixqꞌuebal retal li tenamit. Xban lix pa̱ba̱l, lix Rahab incꞌaꞌ quicam saꞌ xya̱nkeb li incꞌaꞌ queꞌpa̱ban re li Dios.

Josué 2:16

Ut quixye reheb: —Ayukex saꞌ li naꞌajej li tzu̱l ru re nak incꞌaꞌ textaꞌekꞌ xbaneb li yo̱queb chi sicꞌoc e̱re. Mukumak e̱rib aran chiru oxib cutan. Nak ac xeꞌsukꞌi chak li soldado saꞌ li tenamit, naru nequexxic la̱ex, chan.

Jueces 1:25

Joꞌcan nak li cui̱nk quixcꞌut chiruheb chanru nak teꞌoc saꞌ li tenamit. Ut nak queꞌoc, queꞌxcamsi chixjunileb li cuanqueb aran. Caꞌaj cuiꞌ li cui̱nk aꞌan rochbeneb li ralal xcꞌajol ut li rixakil queꞌxcanab chi e̱lc saꞌ li naꞌajej aꞌan.